P-04-375 Rhoi Terfyn ar System Eithrio ar gyfer Rhoi Organnau

Geiriad y ddeiseb:

Rydym yn galw ar Lywodraeth Cymru i roi terfyn ar y cynigion ynghylch cael system eithrio ar gyfer rhoi organau. Rwyf o’r farn ei bod yn gwbl anfoesol bod Llywodraeth Cymru yn ceisio cyflwyno system eithrio ar gyfer rhoi organau. Ni ddylid cyflwyno’r system hon, yn enwedig os nad yw’n ystyried barn perthnasau. Er fy mod yn gwerthfawrogi’r ffaith bod angen rhoi organau er mwyn osgoi marwolaethau diangen, rwyf yn dal i gredu’n gryf mai penderfyniad i’r unigolyn ddylai hyn fod ac nid rhywbeth a gaiff ei orfodi arnom gan y wladwriaeth. Dywedodd Dr Morgan, Archesgob Cymru: “Mater o rodd, ac nid mater o ddyletswydd, yw rhoddi organ, does bosib”, ac rwy’n cytuno â’r datganiad. Mae’r system hon yn annheg ac yn tarfu ar hawliau unigolion. Llofnodwch y ddeiseb os ydych o’r un farn ac am atal y ddeddfwriaeth hon rhag cael ei phasio.

Prif ddeisebydd:

Bablin Molik

Nifer y deisebwyr:

71