P-05-1054 Mae'r sector gwallt a harddwch wedi profi ei fod yn ddiogel o ran COVID-19. Peidiwch â'n cau a pheryglu swyddi yng Nghymru unwaith yn rhagor

P-05-1054 Mae’r sector gwallt a harddwch wedi profi ei fod yn ddiogel o ran COVID-19. Peidiwch â’n cau a pheryglu swyddi yng Nghymru unwaith yn rhagor

Cyflwynwyd y ddeiseb hon gan Sarah Bruton, ar ôl casglu cyfanswm o 6,074 lofnodion.

Geiriad y ddeiseb:         

Mae’r diwydiant gwallt a harddwch yng Nghymru wedi cydymffurfio â'r rheoliadau llymaf ers iddo ailagor, ac mae wedi profi, nid yn unig ei fod yn ddiogel o ran Covid-19, ond ei fod yn un o'r lleoliadau mwyaf diogel o ran trosglwyddiad y feirws. Mae gennym gyfarpar diogelu personol helaeth, camau hylendid a'r gallu i gydymffurfio â gofynion olrhain. Ni oedd un o'r sectorau olaf i ailagor ac mae’r sector wedi dioddef rhai o'r colledion mwyaf o ganlyniad i gyfyngiadau lleol a chenedlaethol.

Rydym wedi gwneud popeth sy’n bosibl i gadw’r rheolau ac felly ni ddylem gael ein cosbi drwy ein cau.

Gwybodaeth Ychwanegol

Y camau y mae'r sector wedi'u rhoi ar waith yw:

- hyfforddiant ychwanegol o ran cyfarpar diogelu personol (gan gynnwys gwisgo a diosg yn ddiogel) a mabwysiadu'r gofynion mwyaf o ran cyfarpar diogelu personol mewn man nad yw’n lleoliad Covid-19;

- ymgymryd â chamau hylendid traws-halogi a rheoli heintiau;

- gweithio oriau ychwanegol i sicrhau bod staff a chleientiaid yn cael digon o le i gadw pellter, er mwyn amddiffyn swyddi.

Nododd Iechyd Cyhoeddus Lloegr mai gwasanaethau cyswllt agos / gwasanaethau personol yw'r amgylchedd mwyaf diogel fel arfer o ran trosglwyddiad Covid-19 (eithriad i hyn: carchardai). Yn anffodus, nid yw Iechyd Cyhoeddus Cymru yn cyhoeddi data tebyg.

Mae'r sector gwallt a harddwch eisoes wedi colli'r cyfnod masnachu yn yr haf (yr amcangyfrifir sy’n 60 y cant o'r trosiant blynyddol). Y cyfnod sy'n arwain at y Nadolig yw'r ail gyfnod prysuraf. Er na fydd cynnydd cystal eleni, byddai cau busnesau gwallt a harddwch ar yr adeg hon yn golygu bod colli swyddi a chau busnesau ym mis Ionawr yn anochel

Ni ddylid cosbi ein sector a ninnau wedi profi y gallwn wneud popeth yn iawn. Gallwn gadw pobl yn ddiogel.

Statws

Yn ei gyfarfod ar 16/03/2021 penderfynodd y Pwyllgor Deisebau fod y ddeiseb hon wedi'i chwblhau.

Caewyd y ddeiseb fel rhan o adolygiad o'r holl ddeisebau sy'n cael eu hystyried ar hyn o bryd yng nghyfarfod olaf y Pwyllgor Deisebau yn y Bumed Senedd, yng ngoleuni'r etholiad sydd i ddod a'r ystyriaeth a roddwyd i'r mater hwn hyd yma.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei hystyried gyntaf gan y Pwyllgor Deisebau ar 15/12/2020.

Etholaeth a Rhanbarth y Senedd

• Caerffili
• Dwyrain De Cymru

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio