P-05-1038 Addasu'r neges cyfyngiadau symud lleol i "Aros yn Lleol" yn hytrach nag aros o fewn ffiniau sirol
P-05-1038 Addasu'r neges cyfyngiadau symud lleol i "Aros yn Lleol" yn hytrach nag aros o fewn ffiniau sirol
P-05-1038 Addasu’r neges cyfyngiadau symud lleol i
"Aros yn Lleol" yn hytrach nag aros o fewn ffiniau sirol
Cyflwynwyd y ddeiseb hon gan
Jayne Abigail Evans, ar ôl casglu cyfanswm o 193 lofnodion.
Geiriad y ddeiseb:
Mae
cyfyngiadau lleol ar waith ym mhob un heblaw am 6 bwrdeistref sirol yng
Nghymru. Mae 2.3 miliwn o bobl allan o 3.1 miliwn o bobl wedi'u cyfyngu i'r sir
lle maen nhw’n byw. Mewn cymunedau ar ffiniau siroedd, mae hyn yn lladd
busnesau ac yn achosi i unigolion deithio’n llawer pellach i gyrraedd y
gwasanaethau sydd eu hangen arnynt. Byddai neges Aros yn Lleol, sy’n seiliedig
ar aros o fewn eich cymunedau eich hun, yn llawer cliriach, yn ei gwneud hi’n
haws i'r cyhoedd gyfyngu ar eu teithio, ac yn rhoi cyfle i fusnesau oroesi.
Gwybodaeth
Ychwanegol
Os
mai pwrpas cyfyngiadau lleol yw lleihau symudiadau, mae'n cael yr effaith i’r
gwrthwyneb i hynny. Enghreifftiau:
Mae tafarn wledig yn ne Powys wedi'i gwahanu
oddi wrth weddill Powys gan fynyddoedd a chymoedd, ac mae'r ddwy ffordd allan
yn arwain at wahanol siroedd sydd â chyfyngiadau symud. Felly er nad oes
cyfyngiadau symud yno, mae eu holl fasnach wedi diflannu.
Mae cymunedau Ystalyfera ac Ystradgynlais wedi’u
cydblethu cymaint nes bod busnesau'n wynebu colli 50 y cant o'u busnes pa
bynnag ochr i'r ffin maen nhw wedi’u lleoli.
Nid oes hawl gan drigolion Hirwaun yrru 6
milltir i ddychwelyd eitemau ym Marks & Spencers Merthyr Tudful, ond mae’n
iawn iddynt deithio 26 milltir i’r siop yn Llantrisant, er nad ydynt erioed
wedi ymweld â Llantrisant o'r blaen.
Mae plant yn cael eu cludo i'r ysgol yng
Nglyn-nedd, ond ni all rhieni stopio yn y dref honno i gefnogi'r economi leol,
mae angen iddynt yrru 10 milltir arall i Ystradgynlais cyn teithio 14 milltir
yn ôl adref.
Mae hanner pentref Pontneddfechan ym Mhowys a’r hanner
arall yng Nghastell-nedd Port Talbot. Mae’n siŵr nad yw gorfodi pobl i
fynd ALLAN o’u hardaloedd arferol yn effeithiol o ran atal lledaeniad Covid.
Statws
Yn
ei gyfarfod ar 17/11/2020 penderfynodd y Pwyllgor Deisebau fod y ddeiseb hon
wedi'i chwblhau.
Trafododd
y Pwyllgor y ddeiseb am y tro cyntaf a chytunwyd i nodi’r ddeiseb a’r ohebiaeth
a ddaeth i law. Cytunodd y Pwyllgor i beidio â chymryd unrhyw gamau pellach ar
y sail bod set cenedlaethol o gyfyngiadau wedi cael eu gweithredu ers
cyflwyno'r ddeiseb, heb unrhyw gyfyngiadau teithio lleol yn berthnasol yng
Nghymru ar hyn o bryd. Wrth wneud hynny, cytunodd y Pwyllgor i ddiolch i’r
deisebydd ac i gau’r ddeiseb.
Gellir
gweld manylion llawn ynghylch trafodaeth y pwyllgor o'r ddeiseb hon a'r
dogfennau cysylltiedig ar y tab Cyfarfodydd uchod.
Cafodd
ei hystyried gyntaf gan y Pwyllgor Deisebau ar 17/11/2020.
Etholaeth a Rhanbarth y Senedd
- Brycheiniog a Sir Faesyfed
- Canolbarth a Gorllewin Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 02/11/2020