P-05-990 Agor ysgolion ym mis Medi. Cael gwared ar ddysgu cyfunol

P-05-990 Agor ysgolion ym mis Medi. Cael gwared ar ddysgu cyfunol

Cyflwynwyd y ddeiseb hon gan Martha Ogunremi, ar ôl casglu cyfanswm o 9,266 lofnodion.

Geiriad y ddeiseb:         

Bydd ysgolion mewn rhannau eraill o'r DU yn agor yn llawn ym mis Medi. Nid oes gan Lywodraeth Cymru gynlluniau cadarn ar gyfer hyn ac mae'n siarad yn gynyddol am weithredu dysgu cyfunol yn y tymor hwy. Mae angen i'n plant ddychwelyd i’r ysgol ym mis Medi er mwyn sicrhau nad yw plant yng Nghymru yn disgyn y tu ôl i rannau eraill o'r DU, a chaniatáu i rieni weithio a rhoi’r hawl i’w plant gael addysg go iawn. Nid yw Kirsty Williams wedi meddwl sut y bydd dysgu cyfunol yn gweithio os bydd angen i rieni weithio. Ni fydd neb am gyflogi rhieni.

Etholaeth a Rhanbarth y Senedd

• Dwyrain Casnewydd
• Dwyrain De Cymru

Statws

Yn ei gyfarfod ar 17.07.20 penderfynodd y Pwyllgor Deisebau fod y ddeiseb hon wedi'i chwblhau.

Ystyriodd y Pwyllgor y ddeiseb am y tro cyntaf a chytunodd i gau'r ddeiseb yng ngoleuni’r cyhoeddiad diweddar gan y Gweinidog Addysg y bydd ysgolion yng Nghymru yn dychwelyd yn llawn amser i'r holl ddisgyblion ym mis Medi. Nododd y Pwyllgor lwyddiant y ddeiseb a diolchodd i’r deisebwyr am godi’r mater hwn. 

Gellir gweld manylion llawn ynghylch trafodaeth y pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei hystyried gyntaf gan y Pwyllgor Deisebau ar 17.07.20.

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio