Inquiry5

Cynhaliodd Pwyllgor Plant, Pobl Ifanc ac Addysg Senedd Cymru waith craffu ôl-ddeddfwriaethol byr a phenodol ar Ddeddf Addysg Uwch (Cymru) 2015

Bwriad Deddf Addysg Uwch (Cymru) 2015 oedd:

(a)  “sicrhau trefn reoleiddio gadarn a chymesur ar gyfer sefydliadau yng Nghymru y mae eu cyrsiau'n cael eu cefnogi gan grantiau a benthyciadau Llywodraeth Cymru; 

(b)  diogelu'r cyfraniad a wneir at les y cyhoedd sy'n deillio o gymhorthdal ​​ariannol Llywodraeth Cymru tuag at addysg uwch;

(c)  canolbwyntio'n gryf ar sicrhau bod addysg uwch ar gael i bawb yn ddiwahân; a

(d)  chadw a diogelu annibyniaeth sefydliadol a rhyddid academaidd prifysgolion.”

Roedd y Pwyllgor yn ymwybodol bod y gwaith ar ddiwygiadau arfaethedig Addysg, Hyfforddiant ac Ymchwil Ôl-orfodol (PCETR) Llywodraeth Cymru wedi datblygu'n dda.

Roedd yn awyddus felly i ddeall pa mor dda roedd Deddf 2015 yn gweithio, a pha wersi y gellid eu dysgu yn sgîl y Ddeddf, cyn cyflwyno unrhyw ddeddfwriaeth newydd

I wneud hyn, ystyriodd y Pwyllgor:

• a yw'r Ddeddf yn cyflawni ei nodau, ac os na, pam;
• a gyflawnwyd y costau, ac os na, pam;
• a yw'r Ddeddf wedi cyflawni gwerth cyffredinol am arian;
• pa mor dda y gweithredwyd y Ddeddf a pha mor dda y mae'n gweithio'n ymarferol, gan gynnwys unrhyw ganlyniadau anfwriadol;
• y canlyniadau o adolygiadau ffurfiol Llywodraeth Cymru o'r Ddeddf; ac
• unrhyw arfer da a gwersi a ddysgwyd o'r Ddeddf a'r gwaith paratoi (h.y. y broses o lunio'r Ddeddf, ei drafftio, ymgynghori arni ac ati).

Noder, nid nod yr ymchwiliad hwn oedd  ailagor y dadleuon polisi a gododd yn ystod y cyfnod y pasiwyd y Bil. Yn hytrach, y nod eang oedd deall a oedd y Ddeddf a'i gweithrediad wedi cyflawni'r amcanion, y costau a'r effaith a fwriadwyd, a hynny mewn modd effeithiol ac effeithlon.

Adroddiad

Craffu ar ôl deddfu ar Ddeddf Addysg Uwch (Cymru) 2015 (PDF 2MB) – 4 Rhagfyr 2019

Ymateb Llywodraeth Cymru (PDF 197KB) – 16 Ionawr 2020