Y Cytundeb Ymadael: goblygiadau i Gymru
Y Cytundeb Ymadael: goblygiadau i Gymru
Cefndir
Dechreuodd yr UE
a’r DU drafod y DU yn ymadael â’r Undeb Ewropeaidd ym mis Mawrth 2017.
Ar 14 Rhagfyr 2018,
daethpwyd i gytundeb ar delerau y DU yn ymadael ar lefel y trafodwyr.
Cyhoeddwyd testun
y Cytundeb
ar ymadawiad Teyrnas Unedig Prydain Fawr a Gogledd Iwerddon â'r Undeb
Ewropeaidd a’r Gymuned Ynni Atomig Ewropeaidd, fel y'i cymeradwywyd gan
arweinwyr mewn cyfarfod arbennig o'r Cyngor Ewropeaidd ar 25 Tachwedd 2018
[Saesneg yn unig], gan Lywodraeth y DU ar 25 Tachwedd 2018.
Cytunodd Cabinet y
DU ar y Cytundeb Ymadael drafft ddydd Mercher 14 Tachwedd 2018.
Cymeradwyodd cyfarfod
arbennig o’r Cyngor Ewropeaidd y Cytundeb ddydd Sul 25 Tachwedd 2018.
Er nad yw’n rhan
ffurfiol o’r broses, cynhaliodd y Senedd bleidlais ar y Cytundeb Ymadael ddydd Mawrth 4
Rhagfyr 2018. Pleidleisiodd y Senedd i wrthod y Cytundeb a’r Datganiad
Gwleidyddol.
Pleidleisiodd
Senedd y DU i wrthod y Cytundeb a'r Datganiad Gwleidyddol ar 15 Ionawr 2019.
Cafodd pleidlais ddilynol ar y Cytundeb Ymadael a'r Datganiad Gwleidyddol ei
gwrthod hefyd gan Senedd y DU ar 12 Mawrth 2019.
Y
Pwyllgor Materion Allanol a Deddfwriaeth Ychwanegol
Dechreuodd y
Pwyllgor Materion Allanol a Deddfwriaeth Ychwanegol, sef ‘Pwyllgor Brexit’ y
Senedd, drafod y goblygiadau i Gymru yn sgil y DU yn ymadael â’r Undeb
Ewropeaidd, ym mis Medi 2016.
Ceisiodd y Pwyllgor
sicrhau bod buddiannau Cymru yn cael eu hamddiffyn drwy’r broses Brexit a
gwnaeth sylwadau i drafodwyr y DU a’r UE ar gyfnodau amrywiol yn y broses.
Adroddiad
Cyhoeddodd y
Pwyllgor ei adroddiad ar y Cytundeb Ymadael:
Goblygiadau i Gymru ddydd Iau 29 Tachwedd 2018.
Ymateb i’r adroddiad
Gosododd Llywodraeth
Cymru ei hymateb
i’r adroddiad ar 7 Ionawr 2019.
Rhagor o
ddatblygiadau
Wedi i Senedd y DU
wrthod y Cytundeb Ymadael a’r Datganiad Gwleidyddol, cyhoeddodd Llywodraeth y
DU Gytundeb
Ymadael a Datganiad Gwleidyddol diwygiedig a ystyriwyd gan y Cyngor
Ewropeaidd ar 17 Hydref 2019, ac y cytunwyd arno.
Cyhoeddodd y
Pwyllgor Materion Allanol a Deddfwriaeth Ychwanegol ei adroddiad ar y Cytundeb Ymadael: y
goblygiadau i Gymru (Ionawr 2020) ar 20 Ionawr 2020.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 22/11/2018
Dogfennau
- Y Cytundeb Ymadael: Y Goblygiadau i Gymru (Ionawr 2020) - Ionawr 2020
- Ymateb Ysgrifenedig gan Lywodraeth Cymru i adroddiad y Pwyllgor Materion Allanol a Deddfwriaeth Ychwanegol o dan y teitl “Y Cytundeb Ymadael : Goblygiadau i Gymru” – 7 Ionawr 2019
- Y Cytundeb Ymadael: goblygiadau i Gymru – 29 Tachwedd 2018