NDM6835 Dadl Plaid Cymru - Newid Hinsawdd
NDM6835 Dadl Plaid Cymru - Newid Hinsawdd
NDM6835 Rhun
ap Iorwerth (Ynys Môn)
Cynnig bod Cynulliad Cenedlaethol Cymru:
1. Yn nodi adroddiad Panel Rhynglywodraethol ar Newid
Hinsawdd y Cenhedloedd Unedig.
2. Yn nodi casgliad yr adroddiad bod yn rhaid i
lywodraethau weithredu ar frys ac ar lefel pellgyrhaeddol erbyn 2030 er mwyn
cadw cynhesu byd-eang at uchafswm o 1.5 gradd celsius.
3. Yn nodi bod y Pwyllgor Newid Hinsawdd, Amgylchedd a
Materion Gwledig wedi canfod bod Llywodraeth Cymru yn debygol o fethu â
chyrraedd ei thargedau ar leihau allyriadau carbon erbyn 2020.
4. Yn galw ar Lywodraeth Cymru i adrodd yn ôl i’r
Cynulliad ar ba gamau breision y bydd yn eu cymryd mewn ymateb i adroddiad y
Panel Rhynglywodraethol ar Newid Hinsawdd:
5. Yn credu y dylai’r camau hynny gynnwys:
a) gwaharddiad ar ffracio yng Nghymru;
b) rhoi’r gorau i gynllun llwybr du yr M4 a buddsoddi
mewn atebion mwy cynaliadwy i ddatrys problem capasiti yr M4 yn yr ardal;
c) cynnydd sylweddol mewn buddsoddiad mewn ôl-osod tai a
chryfhau rheoliadau adeiladu er mwyn cyrraedd y nod o adeiladau ynni agos at
sero; a
d) sefydlu cwmni ynni cenedlaethol er mwyn helpu cyrraedd
y nod o gynhyrchu cymaint o drydan ag sy’n cael ei ddefnyddio yng Nghymru o
ynni adnewyddadwy erbyn 2035 gan fuddsoddi elw mewn gwell gwasanaeth a
phrisoedd i gleientiaid.
6. Yn galw ar Lywodraeth Cymru, Cynulliad Cenedlaethol
Cymru a sefydliadau cyhoeddus eraill yng Nghymru i fod yn rhan o’r symudiad
byd-eang i ddad-fuddsoddi mewn tanwydd ffosil.
Adroddiad
Panel Rhynglywodraethol ar Newid Hinsawdd y Cenhedloedd Unedig (Saesneg yn unig)
Cyflwynwyd y gwelliannau a ganlyn:
Gwelliant 1 - Julie
James (Gorllewin Abertawe)
Dileu pwynt 3 a rhoi yn ei le:
Yn nodi’r dystiolaeth sy’n dangos yr heriau i Gymru sydd
ynghlwm wrth gyflawni ymrwymiadau Deddf yr Amgylchedd (Cymru) 2016 o ran
lleihau allyriadau o leiaf 80 y cant erbyn 2050.
Adeiladu
economi carbon isel yng Nghymru – Pennu targedau carbon Cymru
Deddf
yr Amgylchedd (Cymru) 2016
Gwelliant 2 - Neil
McEvoy (Canol De Cymru)
Ychwanegu pwynt newydd ar ôl pwynt 3:
Yn gwrthwynebu defnyddio ynni niwclear fel ffordd o fynd
i'r afael â newid yn yr hinsawdd.
Gwelliant 3 - Darren
Millar (Gorllewin Clwyd)
Dileu pwynt 5 a rhoi yn ei le:
5. yn croesawu Papur Gwyn Ceidwadwyr Cymru, 'Dinasoedd
Byw', sy'n cyflwyno cynigion i liniaru achosion ac effeithiau newid yn yr
hinsawdd, gan gynnwys:
a) gwneud Caerdydd yn brifddinas carbon niwtral gyntaf y
DU;
b) gosod offer monitro llygredd aer ym mhob
ysgol a meithrinfa yng Nghymru;
c) cyflwyno menter cartrefi clyfar i gefnogi micro
gynlluniau ynni a chynlluniau ynni cymdogaethau sydd am gynhyrchu, storio a
chludo eu hynni eu hunain;
d) ymrwymo i darged o orchudd canopi coed trefol o 20 y
cant erbyn 2030;
e) cymell ac annog toeau gwyrdd ar ddatblygiadau
masnachol yng Nghymru; a
f) cyflwyno cerdyn gwyrdd a fydd yn rhoi teithiau bws am
ddim i bob plentyn rhwng 16 a 24 oed yng Nghymru.
[Os derbynnir gwelliant 3, caiff gwelliant 4 ei
ddad-ddethol]
Gwelliant 4 - Julie
James (Gorllewin Abertawe)
Dileu pwynt 5 a rhoi yn ei le:
Yn nodi’r camau y mae Llywodraeth Cymru wedi’u cymryd hyd
yma o ran y newid yn yr hinsawdd gan gynnwys:
a) gosod targedau interim a chyllidebau carbon i Gymru a
datblygu’r cynllun cyflenwi carbon isel cyntaf.
b) cyhoeddi’r fersiwn ddrafft o’r polisi echdynnu
petroliwm at ddiben ymgynghori.
c) cynlluniau a gyhoeddwyd yn ddiweddar gyfer
gwasanaeth rheilffordd newydd gwerth £5 biliwn a fydd yn arwain at leihad o 25
y cant mewn allyriadau carbon ar rwydwaith Cymru a’r Gororau a chynlluniau i
ddatblygu Strategaeth Trafnidiaeth Cymru newydd a all gefnogi rhwydwaith
trafnidiaeth carbon isel ac aml-ddull ar draws Cymru.
d) buddsoddi dros £240 miliwn yn rhaglen Cartrefi Cynnes
Llywodraeth Cymru, sy’n cynnwys Nyth ac Arbed, gan wella effeithlonrwydd ynni
dros 45,000 o gartrefi a chymeradwyo buddsoddiad pellach o £104 miliwn ar gyfer
y cyfnod 2017-2021.
e) cychwyn adolygiad o ran L o’r rheoliadau adeiladu er
mwyn cynyddu lefel yr effeithlonrwydd ynni sy’n ofynnol ar gyfer cartrefi
newydd
f) gosod targed sy’n golygu bod 70 y cant o’r trydan a
ddefnyddir yng Nghymru’n dod o ffynonellau adnewyddadwy erbyn 2030, gyda
gwahanol gamau gweithredu gan Lywodraeth Cymru’n cefnogi cynnydd i 48 y cant yn
2017.
Polisi
echdynnu petrolewm yng Nghymru
Adolygiad
Rheoliadau Adeiladu Rhan L
Math o fusnes: Dadl
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 10/06/2021
Angen Penderfyniad: 24 Hyd 2018 Yn ôl Y Cyfarfod Llawn - Y Bumed Senedd
Prif Aelod: Rhun ap Iorwerth AS