NDM6829 Dadl Ceidwadwyr Cymreig - Capasiti'r GIG
NDM6829 Dadl Ceidwadwyr Cymreig - Capasiti'r GIG
NDM6829 Darren
Millar (Gorllewin Clwyd)
Cynnig bod Cynulliad Cenedlaethol Cymru:
1. Yn mynegi pryder am gapasiti GIG Cymru i fodloni'r
galw am wasanaethau drwy gydol y flwyddyn, nid dim ond yn ystod misoedd y
gaeaf.
2. Yn nodi bod pwysau drwy gydol y flwyddyn yn llesteirio
gallu'r GIG i ddarparu mynediad cyson a theg at wasanaethau y tu allan i oriau,
gofal critigol ac ambiwlans.
3. Yn galw ar Lywodraeth Cymru i ddatblygu cynllun
cenedlaethol cynhwysfawr i ymdrin â phwysau ar wasanaethau y tu allan i oriau,
gofal critigol ac ambiwlans, er mwyn sicrhau bod cleifion yn derbyn
gwasanaethau amserol sy'n diwallu eu hanghenion.
Cyflwynwyd y gwelliannau a ganlyn:
Gwelliant 1 -
Julie James (Gorllewin Abertawe)
Dileu popeth a rhoi yn ei le:
1. Yn cydnabod y gwaith sy’n cael ei wneud i adeiladu
capasiti GIG Cymru i fodloni'r galw am wasanaethau drwy gydol y flwyddyn, nid
dim ond yn ystod misoedd y gaeaf.
2. Yn nodi bod angen cydnabod a deall y pwysau sydd drwy
gydol y flwyddyn, er mwyn hybu gallu’r GIG i ddarparu mynediad cyson a theg at
wasanaethau y tu allan i oriau, gofal critigol ac ambiwlans.
3. Yn galw ar Lywodraeth Cymru i gefnogi rhoi Cymru
Iachach ar waith i ymdrin â’r pwysau ar wasanaethau y tu allan i oriau, gofal
critigol ac ambiwlans er mwyn sicrhau bod cleifion yn derbyn gwasanaethau
amserol sy'n diwallu eu hanghenion.
[Os derbynnir gwelliant 1, caiff gwelliannau 2 a 3 eu
dad-ddethol]
Gwelliant 2 - Rhun
ap Iorwerth (Ynys Môn)
Ychwanegu pwynt newydd ar ôl pwynt 2 ac ail-rifo:
Yn nodi bod pwysau ariannol sy’n arwain at wasanaethau
gofal cymdeithasol gwaeth yn cyfrannu at bwysau cynyddol ar y GIG.
Gwelliant 3 - Rhun
ap Iorwerth (Ynys Môn)
Ym mhwynt 3, ychwanegu ‘gofal cymdeithasol,’ ar ôl
‘phwysau ar wasanaethau’.
Math o fusnes: Dadl
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 10/06/2021
Angen Penderfyniad: 17 Hyd 2018 Yn ôl Y Cyfarfod Llawn - Y Bumed Senedd
Prif Aelod: Darren Millar AS