Cynhaliodd y Pwyllgor Materion Cyfansoddiadol a Deddfwriaethol* ymchwiliad i waith rhyng-sefydliadol er mwyn:

• Llunio egwyddorion arfer gorau ar gyfer dulliau o weithio rhwng sefydliadau ar gyfer deddfwriaeth gyfansoddiadol.
• Ystyried gwaith deddfwrfeydd eraill o ran eu dulliau o weithio rhwng sefydliadau ac adeiladau arno pan fo'n ymwneud â meysydd polisi ehangach.
• Ceisio, sefydlu a hyrwyddo cyfleoedd ar gyfer dulliau o weithio rhwng seneddau, gan gynnwys hyrwyddo'r broses o ymgysylltu â dinasyddion.

Yn ystod yr ymchwiliad, penderfynodd y Pwyllgor newid enw’r ymchwiliad o “Llais cryfach i Gymru: ymgysylltu â San Steffan a’r sefydliadau datganoledig” oherwydd natur newidiol ei waith a phenderfyniad y DU i ymadael â’r UE.

Bydd yr ymchwiliad yn canolbwyntio ar ddwy ffrwd:

Ffrwd I: Materion cyfansoddiadol

Adolygu sut y mae cysylltiadau rhyng-sefydliadol wedi dylanwadu ar ddatblygiad datganoli yng Nghymru ers 1998. Bydd hyn yn ystyried y canlynol:

• Sut y mae dulliau rhyng-lywodraethol wedi effeithio ar ddatblygiad y setliad datganoli.
• Sut y mae cysylltiadau rhyng-lywodraethol wedi datblygu ac esblygu, yr hyn a oedd yn llwyddiannus, a sut y mae'r cysylltiadau hyn wedi effeithio ar y setliad datganoli.
• Sut y mae cysylltiadau rhyng-seneddol wedi esblygu, cyflwr presennol y cysylltiadau hyn, a sut y gellid eu datblygu ymhellach o ran y gwaith o ddatblygu deddfwriaeth gyfansoddiadol a chraffu arni.

Ffrwd II: Materion polisi

Drwy adeiladu ar y gwaith a wnaed eisoes ar draws y DU er mwyn archwilio ymhellach o fewn y cyd-destun Cymreig:

• Natur y cysylltiadau rhwng Llywodraeth Cymru a Llywodraeth y DU, sut  y mae'r cysylltiadau hyn yn gweithredu a sut y gellir eu gwella.
• Gwella cyfleoedd i lywodraethau a seneddau ddysgu am bolisïau ar y cyd.
• Arfer gorau o ran cysylltiadau rhyng-sefydliadol ar draws y DU y gellid ei ddefnyddio yn y cyd-destun Cymreig.
• Natur y cysylltiad rhwng deddfwrfa Cymru a deddfwrfa'r DU a chanfod cyfleoedd i seneddau weithio'n fwy effeithiol â'i gilydd.
• Cynnwys unrhyw faterion eraill sy'n ymwneud â chysylltiadau rhyng-sefydliadol, gan gynnwys y goblygiadau perthnasol sy'n deillio o'r ffaith bod y DU yn gadael yr UE.

Casglu tystiolaeth

Lansiodd y Pwyllgor ymgynghoriad cyhoeddus i geisio eich barn am y mater hwn. Y dyddiad olaf ar gyfer ymateb yw 5 Mehefin 2017.

Ysgrifennodd y Pwyllgor at Gadeirydd pob un o bwyllgorau’r Cynulliad Cenedlaethol i ofyn eu barn ynglŷn â sut i wella trefniadau gweithio rhyngseneddol.

Hynt yr ymchwiliad

Mae’r tabl canlynol yn nodi dyddiadau a chynnwys y sesiynau tystiolaeth yn ystod yr ymchwiliad:

Cyhoeddodd y Pwyllgor ei adroddiad (PDF, 1012KB) ym mis Tachwedd 2018. Trafodwyd yr adroddiad ac ymateb y Llywodraeth yn y Cyfarfod Llawn ar 28 Chwefror 2018.