Strategaeth Economaidd i Gymru

Cyn bod Llywodraeth Cymru yn datblygu strategaeth economaidd newydd ar gyfer Cymru yn ddiweddarach eleni, bydd Pwyllgor yr Economi, Seilwaith a Sgiliau Cynulliad Cenedlaethol Cymru yn ystyried safbwyntiau gwahanol o ran yr hyn y gallai ei chynnwys.

Bydd y Pwyllgor yn cynnal cyfres o seminarau thematig yn ystod tymor y gwanwyn, a bydd yn gwahodd arbenigwyr amrywiol i fod yn bresennol.

Bydd y seminar cyntaf yn ystyried rôl menywod yn yr economi. Bydd sesiynau yn nes ymlaen yn edrych ar ansawdd gwaith, lleoedd, yr amgylchedd a’r economi seiliol.

Cynhelir y seminarau yn y Senedd, Cynulliad Cenedlaethol Cymru, Bae Caerdydd. Nod y Pwyllgor yw ysgogi trafodaeth ehangach, a dylanwadu ar syniadau Llywodraeth Cymru o ran eu Strategaeth Economaidd.