Sefydlwyd grŵp gorchwyl gan y Pwyllgor Amgylchedd a Chynaliadwyedd er mwyn gynnal ymchwiliad i’r diwygiadau arfaethedig i’r Polisi Amaethyddol Cyffredin. Cylch gorchwyl yr ymchwiliad oedd:

• asesu effaith bosibl cynigion Comisiwn Ewrop ar gyfer diwygio’r Polisi Amaethyddol Cyffredin yng Nghymru, yn cynnwys goblygiadau’r Polisi ar gyfer polisïau perthnasol Llywodraeth Cymru;
• ystyried pa ganlyniadau fyddai fwyaf buddiol i Gymru;
• gwneud argymhellion i Lywodraeth Cymru ar yr hyn y dylai eu blaenoriaethu yn ei thrafodaethau ar y broses ddiwygio;
• gweithredu fel fforwm i randdeiliaid yng Nghymru i ymgysylltu â’r drafodaeth ar ddyfodol y polisi;
• er mwyn dylanwadu ar y drafodaeth ehangach ar Ddiwygio’r PAC, bydd y Grŵp Gorchwyl a Gorffen yn ceisio rhannu ei gasgliadau â chyrff seneddol y DU, y Comisiwn Ewropeaidd a Senedd Ewrop ynghyd â chyrff Ewropeaidd perthnasol eraill fel Pwyllgor y Rhanbarthau.

Ystyriodd y Grŵp:

• yr hyn y gallai cynigion y Comisiwn Ewropeaidd ei olygu i Gymru?
• yr hyn ddylai fod yn flaenoriaeth i Lywodraeth Cymru wrth gynnal trafodaethau ar Ddiwygio’r PAC er mwyn sicrhau’r canlyniad gorau i Gymru?
• sut y gall Cymru sicrhau bod ei barn yn llywio’r broses drafod?