Inquiry5

Nod cyffredinol yr ymchwiliad 'ciplun' hwn yw adolygu effeithiolrwydd strategaeth a pholisi Llywodraeth Cymru o ran gwaith ieuenctid. Cynhaliwyd ymgynghoriad cyhoeddus gan y Pwyllgor Plant, Pobl Ifanc ac Addysg i gasglu tystiolaeth ar y materion a ganlyn:

• Mynediad pobl ifanc i wasanaethau gwaith ieuenctid;
• Pa mor effeithiol yw strategaeth a pholisi Llywodraeth Cymru ar waith ieuenctid; 
• Cyllid ar gyfer gwaith ieuenctid (Awdurdod Lleol, Llywodraeth Cymru, Ewrop, Trydydd Sector);
• Materion eraill sy’n berthnasol i'r Ymchwiliad.

[Noder: Ni cheisiodd yr ymchwiliad hwn dystiolaeth ar strwythurau cyfranogiad ieuenctid lleol a chenedlaethol, sy’n fater yr oedd y Pwyllgor o’r farn ei fod yn bwysig ac y byddai angen ei ystyried ymhellach o fewn ei raglen waith.]

Mae'r Pwyllgor wedi cyhoeddi ei adroddiad ar ganfyddiadau'r ymchwiliad:
Pa fath o wasanaeth ieuenctid y mae Cymru ei eisiau?  Adroddiad yr ymchwiliad i Waith Ieuenctid (PDF 1,172KB)

Mae ymateb Gweinidog y Gymraeg a Dysgu Gydol Oes i’r ymchwiliad wedi cael ei gyhoeddi (PDF 293KB)

Nododd y Pwyllgor ei fwriad i gadw llygad barcud ar gynnydd mewn perthynas â gwaith ieuenctid yng Nghymru.