Gwasanaethau Bysiau a Thrafnidiaeth Gymunedol yng Nghymru

Cynhaliodd Pwyllgor Menter a Busnes Cynulliad Cenedlaethol Cymru ymchwiliad i wasanaethau bysiau a thrafnidiaeth gymunedol yng Nghymru.

Gofynnodd y Pwyllgor am farn ynghylch:

• Sefyllfa bresennol y sector bysiau a thrafnidiaeth gymunedol yng Nghymru, gan gynnwys y rhesymau dros y gostyngiad diweddar mewn gwasanaethau bysiau cofrestredig a nifer y teithwyr bysiau fel ei gilydd.
• Effaith gymdeithasol, amgylcheddol ac economaidd y gostyngiad diweddar yn y gwasanaethau bysiau a nifer y teithwyr.
• Y manteision arfaethedig, neu fel arall, o ddatganoli pwerau dros gofrestru bysiau a gynigiwyd ym Mhapur Gorchymyn Llywodraeth y DU -  ‘Pwerau at Bwrpas: Tuag at Setliad Datganoli sy’n Para’ ym mis Chwefror 2015, ac a fyddai pwerau pellach i reoleiddio’r diwydiant bysiau yn ddymunol.
• Y camau y dylid eu cymryd i sicrhau bod gwasanaethau bysiau a thrafnidiaeth gymunedol yn diwallu anghenion Cymru.

Tystiolaeth gan y Cyhoedd

Cynhaliodd y Pwyllgor ymgynghoriad cyhoeddus i gasglu tystiolaeth am y testun yma.