Mae’r Pwyllgor Plant, Pobl Ifanc ac Addysg yn craffu ar y modd y gweithredir Adolygiad yr Athro Graham Donaldson Dyfodol Llwyddiannus: Adolygiad Annibynnol o’r Cwricwlwm a’r Trefniadau Asesu yng Nghymru.

Mae’r cynllun gweithredu ‘Cwricwlwm i Gymru – cwricwlwm am oes’ wedi nodi, fel uchelgais, y dylai’r cwricwlwm newydd fod ar gael yn 2018. Bydd y Pwyllgor felly yn monitro’n rheolaidd y camau a gymerir trwy gydol y broses o ddatblygu’r cwricwlwm newydd.

Tachwedd 2019

Daeth Dr Nigel Newton o Brifysgol Caerdydd i’r Pwyllgor ar 14 Tachwedd i roi'r wybodaeth ddiweddaraf am effaith y cwricwlwm newydd i Gymru ar ddysgwyr dan anfantais. Cyhoeddwyd ei adroddiad, "Dyfodol llwyddiannus i bawb: Ymchwiliadau i ddiwygio’r cwricwlwm" ar 8 Tachwedd. Yn y cyfarfod, dangosodd ei ganfyddiadau mewn cyflwyniad PowerPoint.

Medi 2019

Aeth y Gweinidog Addysg i’r cyfarfod Pwyllgor ar 18 Medi 2019 i roi'r wybodaeth ddiweddaraf i'r Pwyllgor ar y cynnydd o ran datblygu’r broses o ddiwygio’r cwricwlwm.

Ebrill 2019

Cwricwlwm drafft i Gymru 2022 a gyhoeddwyd gan Lywodraeth Cymru.

Ionawr 2019

Aeth y Gweinidog Addysg i’r cyfarfod Pwyllgor ar 10 Ionawr 2019 i roi'r wybodaeth ddiweddaraf i'r Pwyllgor ar y cynnydd o ran datblygu’r broses o ddiwygio’r cwricwlwm.

Yn dilyn y cyfarfod, ysgrifennodd y Cadeirydd at Gymdeithas Llywodraeth Leol Cymru a Chymdeithas Cyfarwyddwyr Addysg Cymru i ofyn eglurhad ynglŷn â’r dystiolaeth ysgrifenedig a gyflwynwyd ar y cyd ganddynt. Derbyniwyd ymatebion gan Gymdeithas Llywodraeth Leol Cymru a Chymdeithas Cyfarwyddwyr Addysg Cymru ar 31 Ionawr 2019.

Hydref 2018

Gofynnodd y Pwyllgor am farn gan randdeiliaid ar y cynnydd o ran datblygiadau diwygio’r cwricwlwm.

Mehefin / Gorffennaf 2018

Llythyr oddi wrth Ysgrifennydd y Cabinet dros Addysg – 'Addysg yng Nghymru: Cenhadaeth ein cenedl'

Llythyr oddi wrth Ysgrifennydd y Cabinet dros Addysg - Y diweddaraf ar ddatblygiad y cwricwlwm newydd

Mis Rhagfyr 2017

Bu Ysgrifennydd Cabinet dros Addysg a'r Athro Donaldson mewn Pwyllgor ar 6 Rhagfyr i roi’r wybodaeth ddiweddaraf i’r Aelodau am ddatblygiad y cwricwlwm newydd.

Rhagfyr / Ionawr 2017

Yn dilyn y dystiolaeth a gafwyd gan randdeiliaid ac Ysgrifennydd y Cabinet dros Addysg, ysgrifennodd y Pwyllgor at Lywodraeth Cymru i dynnu sylw at y canfyddiadau ar gynnydd o ran diwygio'r cwricwlwm yng Nghymru. Ymatebodd yr Ysgrifennydd Cabinet dros Addysg ar 17 Chwefror.

Hydref / Tachwedd 2016

Cyfarfu’r Pwyllgor â'r Athro Donaldson ac â rhanddeiliaid allweddol i drafod cynnydd o ran gweithredu argymhellion yr adolygiad. Ysgrifennodd y Pwyllgor at randdeiliaid ac ysgolion arloesi yn ofyn am eu barn. Cyhoeddir yr ymatebion yn rhestr y dogfennau isod