Menter Twyll Genedlaethol

Nododd y Pwyllgor Cyfrifon Cyhoeddus adroddiad Archwilydd Cyffredinol Cymru ar y Fenter Twyll Genedlaethol (NFI) ym mis Mehefin 2014. Mae’r Fenter Twyll Genedlaethol yn ymarfer paru data sy’n cynorthwyo i ganfod ac atal twyll a gordaliadau o’r pwrs cyhoeddus ledled y DU. Bydd y Fenter Twyll Genedlaethol yn paru data ar draws sefydliadau a systemau er mwyn helpu cyrff cyhoeddus i nodi twyll a gordaliadau. Ers ei sefydlu ym 1996, mae ymarferion y Fenter wedi arwain at ganfod ac atal gwerth dros £22 miliwn o dwyll a gordaliadau yng Nghymru a £939 miliwn ar draws y DU.

Nododd y Pwyllgor yr arweiniodd Menter Twyll Genedlaethol 2012-13 at ganfod ac atal gordaliadau gwerth £4 miliwn. Cymerodd pedwar deg tri o gyrff o’r sector cyhoeddus yng Nghymru ran yn yr ymarfer, gan gynnwys awdurdodau lleol, awdurdodau’r heddlu, awdurdodau tân, byrddau prawf a chyrff y GIG, Llywodraeth Cymru, Prifysgol Caerdydd, Swyddfa Archwilio Cymru ac archwilwyr eraill o’r sector cyhoeddus.