Ystyried materion gweithdrefnol cyn y Seithfed Senedd

Mae Deddf Senedd Cymru (Aelodau ac Etholiadau) 2024 (‘y Ddeddf’) yn cynnwys nifer o ddarpariaethau a fydd yn golygu newidiadau i weithdrefnau’r Senedd, gan gynnwys diwygiadau i’r Rheolau Sefydlog a’r canllawiau cysylltiedig.

Yn sgil hyn, mae’r Pwyllgor Busnes yn ystyried ystod o faterion i sicrhau bod yr holl baratoadau gweithdrefnol angenrheidiol sy’n ymwneud â diwygio’r Senedd yn cael eu gwneud cyn etholiad y Seithfed Senedd ym mis Mai 2026. 

Mae’r agweddau cyntaf ar y gwaith hwn yn canolbwyntio ar newidiadau sy’n ofynnol i’r Rheolau Sefydlog sy’n ymwneud â chategorïau gwahanol o Aelodau o’r Senedd, yn sgil newidiadau i system etholiadol y Senedd a wneir gan y Ddeddf.

Bydd y gwaith hwn yn mynd rhagddo i ystyried agweddau eraill ar weithdrefnau’r Senedd, yn ogystal ag argymhellion a wneir gan Bwyllgor Senedd y Dyfodol.