Yr Economi Sylfaenol

Diben yr ymgynghoriad

Mae'r Pwyllgor yr Economi, Masnach a Materion Gwledig  yn cynnal ymchwiliad ar yr economi sylfaenol.

Sut i rannu eich barn

Roedd y Pwyllgor yn croesawu eich barn am unrhyw un, os nad pob un, o'r materion y cyfeirir atynt yn y cylch gorchwyl isod:

>>>> 

>>>I ba raddau y mae Llywodraeth Cymru wedi corffori cymorth ar gyfer yr economi sylfaenol yn ei dull cyffredinol o ddatblygu’r economi? Pa gamau ychwanegol y dylai eu cymryd i wneud hyn?

>>>O ystyried bod yr economi sylfaenol yn torri ar draws sawl portffolio, sut y dylai Llywodraeth Cymru greu dull cydgysylltiedig o brif ffrydio cymorth ar gyfer sectorau’r economi sylfaenol ar draws y llywodraeth?

>>>Pa rai o fentrau polisi Llywodraeth Cymru sy’n ymwneud â’r economi sylfaenol sydd wedi bod fwyaf llwyddiannus, a pham? Pa rai nad ydynt wedi gweithio cystal, a pham?

>>>Pa enghreifftiau o arfer gorau sy’n bodoli yn sectorau gwahanol yr economi sylfaenol ac mewn mannau yng Nghymru neu’r tu hwnt? Sut y gallai Llywodraeth Cymru helpu partneriaid i gyflawni arfer gorau, ac i’w wella pan fo hynny’n briodol?

>>>Pa gynnydd sydd wedi’i wneud o ran defnyddio gwaith caffael i gryfhau’r economi sylfaenol ers i'r Pwyllgor a’n rhagflaenodd edrych ar y mater hwn yn 2019? Pa gamau ychwanegol y mae angen eu cymryd i sicrhau bod rhagor o gynnydd yn cael ei wneud, a pha enghreifftiau arloesol o arfer gorau y gellid eu datblygu ymhellach?

>>>Pa mor effeithiol y mae camau Llywodraeth Cymru wedi bod i sicrhau gwaith teg yn sectorau’r economi sylfaenol? Pa gamau ychwanegol y dylai eu cymryd o fewn ei phwerau datganoledig i fwrw ymlaen â’r agenda hon, a sut y gall weithio gyda Llywodraeth y DU i sbarduno gwelliant mewn meysydd heb eu datganoli?

<<< 

Y dyddiad cau ar gyfer cyflwyniadau ysgrifenedig oedd dydd Gwener 27 Medi 2024.