Bil Iechyd y Cyhoedd (Isafbris am Alcohol) (Cymru)

Diben yr ymgynghoriad

Mae'r Pwyllgor Iechyd, Gofal Cymdeithasol a Chwaraeon yn ymgymryd ag ymchwiliad i egwyddorion cyffredinol y Bil Iechyd y Cyhoedd (Isafbris am Alcohol) (Cymru). Ceir rhagor o fanylion am y Bil a'r Memorandwm Esboniadol sy'n cyd-fynd ag ef ar dudalen y Bil.

Cylch gorchwyl

I'w ystyried:

• egwyddorion cyffredinol y Bil Iechyd y Cyhoedd (Isafbris am Alcohol) (Cymru) a'r graddau y bydd yn cyfrannu at wella a diogelu iechyd a llesiant poblogaeth Cymru, trwy ddarparu isafbris ar gyfer gwerthu a chyflenwi alcohol yng Nghymru a'i gwneud yn drosedd i alcohol gael ei werthu neu ei gyflenwi am bris is na'r pris hwnnw.
• unrhyw rwystrau posibl rhag rhoi'r darpariaethau hyn ar waith ac a yw'r Bil yn eu hystyried;
• a oes unrhyw ganlyniadau anfwriadol yn deillio o'r Bil;
• goblygiadau ariannol y Bil (fel y'u nodir yn Rhan 2 o’r Memorandwm Esboniadol);
• priodoldeb y pwerau yn y Bil i Weinidogion Cymru wneud is-ddeddfwriaeth (fel y nodir ym Mhennod 5 o Ran 1 o'r Memorandwm Esboniadol).

Gweithgaredd ymgysylltu

Fel rhan o waith craffu’r Pwyllgor Iechyd, Gofal Cymdeithasol a Chwaraeon ar y Bil, cynhaliodd tîm allgymorth y Cynulliad Cenedlaethol gyfres o grwpiau ffocws ledled Cymru. Mae crynodeb o’r dystiolaeth a ddaeth i law ar gael.

Gwahoddiad i gyfrannu at yr ymchwiliad

Roedd y Pwyllgor wedi croesawu tystiolaeth ar y cylch gorchwyl a'r graddau y bydd y Bil yn cyfrannu at wella a diogelu iechyd a llesiant poblogaeth Cymru.

Wnaeth yr ymgynghoriad cau ar 15 Rhagfyr 2017.

Datgelu gwybodaeth

Gwnewch yn siwr eich bod wedi ystyried polisi’r Cynulliad o ran datgelu gwybodaeth cyn cyflwyno gwybodaeth i’r Pwyllgor.

Datganiad i’r wasg

Datganiad i’r wasg - A oes angen isafbris am alcohol yng Nghymru? – 26.10.2017