Ymchwiliad i ddyfodol meddygaeth deulu yng Nghymru

Mae’r Pwyllgor Iechyd a Gofal Cymdeithasol yn cynnal ymchwiliad i ddyfodol meddygaeth deulu yng Nghymru, gan gynnwys ystyried:

>>>> 

>>>Heriau sy’n bygwth cynaliadwyedd meddygaeth deulu, gan gynnwys:

>*>*>*

***y model ariannu ar gyfer meddygaeth deulu a phwysau ariannol presennol,

***effeithiolrwydd gwahanol fodelau ar gyfer rheoli meddygaeth deulu,

***addasrwydd a chynnal ystadau meddygaeth deulu a mynediad i dechnoleg ddigidol;

<*<*<*

>>>Gweithlu meddygaeth deulu, gan gynnwys cynllunio’r gweithlu, recriwtio staff newydd i feddygaeth deulu, cadw staff profiadol, baich gwaith a llesiant staff, hyfforddiant a datblygiad proffesiynol parhaus a thwf y tîm amlddisgyblaeth;

>>>Profiad y claf o feddygaeth deulu, gan gynnwys mynediad cyfartal i ofal, rheoli galwadau cleifion yn effeithiol, ansawdd y gofal, ac ymddiriedaeth y cyhoedd yn y gwasanaethau a ddarperir;

>>>Cyfleoedd i wella meddygaeth deulu i'w gwneud yn addas at y dyfodol a mabwysiadu ymagwedd fwy ataliol tuag at ofal.

<<< 

 

Casglu tystiolaeth

Rydym am sicrhau bod ein gwaith yn cael ei lywio gan brofiadau, anghenion a safbwyntiau sy'n adlewyrchu teimladau’r amrywiaeth o bobl a chymunedau y mae'r materion hyn yn effeithio arnynt.

 

Rydym yn annog unrhyw un sydd ag arbenigedd neu brofiad o'r materion hyn i roi eu safbwyntiau, gan wybod yn iawn y bydd eu barn yn cael ei chroesawu a'i gwerthfawrogi.

 

Sylwer: nid yw'r Pwyllgor yn ymchwilio i achosion unigol ac ni fydd yn mynd ar drywydd materion ar ran unigolion.

 

Y dyddiad cau yw diwedd dydd 28 Mawrth 2025.

 

Ynghyd â'ch cyflwyniad, dylech ddarparu'r wybodaeth a ganlyn:

>>>> 

>>>Eich enw a’ch manylion cyswllt fel y person neu’r sefydliad sy’n cyflwyno’r dystiolaeth.

>>>A yw eich tystiolaeth yn cael ei chyflwyno gan unigolyn neu ar ran sefydliad.

>>>Os ydych yn cyflwyno tystiolaeth fel unigolyn, cadarnhad eich bod dros 18 mlwydd oed.

>>>Os ydych o dan 13 mlwydd oed, cytundeb eich rhiant neu warcheidwad y gallwch gymryd rhan (gellir darparu hyn drwy e-bost).

>>>Cadarnhad o ran a fyddai'n well gennych i’ch enw beidio â chael ei gyhoeddi ochr yn ochr â'ch tystiolaeth (ni fydd enwau unigolion o dan 18 oed yn cael eu cyhoeddi).

>>>Cadarnhad o ran a hoffech i’r pwyllgor drin eich holl dystiolaeth ysgrifenedig, neu unrhyw ran ohoni, yn gyfrinachol, gyda rhesymau dros y cais.

>>>Os ydych wedi cyfeirio at drydydd parti yn eich tystiolaeth, er enghraifft rhiant, priod neu berthynas, cadarnhad eu bod wedi cytuno y gallwch rannu gwybodaeth y gellir ei defnyddio i'w hadnabod a'u bod yn deall y caiff ei chyhoeddi.

<<< 

 

Sut i roi eich barn

I roi eich barn yn electronig, anfonwch neges e-bost at SeneddIechyd@senedd.cymru, neu drwy'r post at:

 

Y Pwyllgor Iechyd a Gofal Cymdeithasol,
Senedd Cymru,
Caerdydd,
CF99 1SN

 

Cyflwyno Tystiolaeth Ysgrifenedig

Mae gan y Senedd ddwy iaith swyddogol, sef Cymraeg a Saesneg.

 

Yn unol â Chynllun Ieithoedd Swyddogol y Senedd, mae'r Pwyllgor yn yn[CM1]   croesawu cyfraniadau yn y naill neu’r llall o’n hieithoedd swyddogol, neu’r ddwy, a gofynnwn i sefydliadau sy’n ddarostyngedig i Safonau’r Gymraeg neu gynlluniau iaith Gymraeg ymateb yn unol â’u rhwymedigaethau eu hunain. Rhowch wybod i’r Pwyllgor wrth gyflwyno ymatebion os ydych yn bwriadu darparu cyfieithiad yn ddiweddarach.

 

Gweler y canllawiau ar gyfer y sawl sy’n cyflwyno tystiolaeth I bwyllgor.

 

Datgelu gwybodaeth

Gwnewch yn saff eich bod wedi ystyried polisi’r Senedd o ran datgelu gwybodaeth cyn cyflwyno gwybodaeth i’r Pwyllgor.