Agenda item

Rhaglen Diwygio’r Senedd - diweddariad llafar

8.1 Gwahoddodd y Cadeirydd Siwan Davies i roi’r wybodaeth ddiweddaraf am Raglen Diwygio’r Senedd. Amlinellodd gynnydd o ran y ffrydiau gwaith a oedd yn parhau ar y trywydd iawn a rhoi sicrwydd ar effeithiolrwydd trefniadau llywodraethu.

8.2 Amlinellodd Siwan y gwaith parhaus, neu gynlluniedig a ganlyn yn ei diweddariad:

·       trafodaethau ynghylch yr amcangyfrifon cost a oedd wedi’u cyflwyno i Lywodraeth Cymru i’w cynnwys yn yr Asesiad Effaith Rheoleiddiol;

·       y cynllunio sydd ar waith ar gyfer adolygiad gweithdrefnol a chraffu deddfwriaethol yn yr hydref, ac ymgysylltu â diwygio etholiadol ehangach;

·       trafodaethau ynghylch gwaith adnoddau a chynllunio’r gweithlu, ar y cyd â’r rhaglen Ffyrdd o Weithio;

·       adolygiad o risg gorfforaethol Diwygio’r Senedd a chofrestr risg Rhaglen Diwygio’r Senedd;

·       datblygu cynllun cyfathrebu i ategu’r cyfathrebiadau mewnol a ddarperir eisoes drwy flogiau ac yng nghyfarfodydd yr holl staff;

·       datblygu cynlluniau cyfathrebu allanol ar y cyd â Llywodraeth Cymru i’w cyflwyno i’r Bwrdd Sicrwydd ar y Cyd;

·       trafodaethau am gyd-ddibyniaeth â’r rhaglen Ffyrdd o Weithio, megis gwaith i ailgynllunio’r Siambr, a symleiddio’r dull adrodd i’r Cyd-fwrdd Sicrwydd, er enghraifft:

·       trafodaethau ynghylch adnoddau i gefnogi rhaglen waith y Bwrdd Taliadau, sydd wedi’i diweddaru, a defnyddio’r wybodaeth a gasglwyd o ymgynghori ag Aelodau a grwpiau plaid ar ddulliau gwaith a ffefrir; ac

·       ymateb i graffu ar gynigion ar gyfer newid, gan gynnwys y costau cysylltiedig.

8.3 Mewn ymateb i gwestiynau gan aelodau’r Pwyllgor, ymhelaethodd Siwan ar bwyntiau sy’n ymwneud â chyfathrebu a deialog barhaus gyda staff ac Aelodau, a pherthnasau a chydweithio â’r Bwrdd Taliadau. Eglurodd hefyd fod costau diwygio’r Senedd yn cynnwys addasu cyfleusterau yn Nhŷ Hywel ac adeilad y Senedd, ond nad oedd yn cynnwys llety Prosiect Bae Ffyrdd o Weithio 2032 yn y dyfodol.

Rhaglen Ffyrdd o Weithio

ARAC (23-03) Papur 6 – diweddariad Bae Ffyrdd o Weithio 2032.docx

ARAC (23-03) Papur 6 Atodiad A - Papur y Comisiwn (e)P2 Prosiect WoW Bay 2032

ARAC (23-03) Papur 6 Atodiad A - Papur y Comisiwn (e)P2 Atodiad 1 Prosiect Bae WoW.

8.4 Cyn y drafodaeth sylweddol ar y rhaglen Ffyrdd o Weithio a gynlluniwyd ym mis Gorffennaf, rhoddodd Ed Williams grynodeb o’r opsiynau i fynd i’r afael ag anghenion llety yn y dyfodol sydd wedi’u cynnwys yn y papurau, gan ddweud bod y rhain wedi’u hysgogi gan ddiwedd y brydles ar Dŷ Hywel yn hytrach na chynlluniau ar gyfer Diwygio’r Senedd.

8.5 Roedd consensws wedi bod mewn cyfarfod diweddar o’r Comisiwn y dylid archwilio’r opsiynau a argymhellir. Roedd gwaith ar y gweill i ddatblygu Achos Amlinellol Strategol a byddai trafodaethau’n parhau â deiliad prydles Tŷ Hywel. 

8.6 Mewn ymateb i gwestiynau sy’n ymwneud ag effaith Deddf Cenedlaethau’r Dyfodol ar y cynigion, eglurodd Ed sut, er nad oedd y Ddeddf yn gymwys i’r Senedd, y byddai hyn yn cael ei ystyried drwy lif gwaith y dyfodol a oedd yn ymgorffori cynaliadwyedd ac amrywiaeth. Cadarnhaodd fod opsiynau carbon niwtral a bod yr holl opsiynau yn unol â chytundeb y Comisiwn i gadw at ei egwyddorion datblygu cynaliadwy. Cytunodd hefyd i rannu manteision a risgiau pob opsiwn â’r Pwyllgor a thystiolaeth o sut y profwyd y rhagdybiaethau. 

8.7 Dywedodd Ed fod adleoli swyddfa Gogledd Cymru i Sarn Mynach ar y trywydd iawn i fod yn gwbl weithredol ar 3 Gorffennaf.

Pwysleisiodd y Pwyllgor bwysigrwydd adolygu’r gwersi a ddysgwyd yn sgil adeiladu’r Senedd a nododd risgiau’r ddadl ynghylch cynlluniau ar gyfer llety yn y dyfodol, yn enwedig o ran cost, gan goddiweddyd y ddadl ynghylch Diwygio’r Senedd. Byddai’n arbennig o bwysig ymgymryd â diwydrwydd dyladwy ar ariannu’r opsiynau i sicrhau bod gan y partïon perthnasol yr adnoddau i gyflawni prosiect mor fawr â hyn.

Camau gweithredu

·       Ed Williams i gyflwyno’r manteision a’r risgiau sy’n gysylltiedig â phrosiect Bae 2032

·       Ed Williams i roi esboniad o sut y profwyd y rhagdybiaethau ynghylch prosiect Bae 2032.