Agenda a Chofnodion

Trafododd y Pwyllgor ei ddull o gasglu tystiolaeth ar gyfer adroddiad Modiwl 1 Ymchwiliad Covid-19 y DU.

Trafododd y Pwyllgor y defnydd o Lwon a Chadarnhadau a chytunwyd i ysgrifennu at y Pwyllgor Busnes i gynnig newid i Reol Sefydlog 35 Dros Dro ychwanegol - Pwyllgor Diben Arbennig Ymchwiliad Covid-19 Cymru i ganiatáu disgresiwn i'r Pwyllgor ei gwneud yn ofynnol i dystion dyngu Llw cyn darparu tystiolaeth.

Croesawodd Joyce Watson AS, y Cyd-Gadeirydd, yr Aelodau a’r cyhoedd i’r cyfarfod.

Nododd y Pwyllgor y llythyr.

Cyhoeddodd y Pwyllgor ei ddull o ymgysylltu a chasglu tystiolaeth ar gyfer ystyried Modiwl 1 o Ymchwiliad Covid-19 y DU fel a ganlyn:

• Mae’r Pwyllgor wedi comisiynu Prifysgol Nottingham Trent (NTU) i gynnal dadansoddiad bwlch o adroddiad Modiwl 1 Ymchwiliad Covid-19 y DU
• Mae'r Pwyllgor wedi penodi Dr Simon Williams, Prifysgol Abertawe yn gynghorydd hirdymor i'r Pwyllgor
• Bydd y Pwyllgor yn cyfarfod â Grŵp Arsylwi’r Pwyllgor Covid mewn perthynas â’r ‘bylchau’ posibl y mae wedi’u nodi o ran parodrwydd ac ymateb Llywodraeth Cymru yn ystod pandemig Covid-19
• Bydd y Pwyllgor yn cynnal ymgynghoriad cyhoeddus rhwng 8 Tachwedd 2024 a 3 Ionawr 2025 ar Fodiwl 1 o Ymchwiliad Covid-19 y DU
• Bydd y Pwyllgor yn cynnal digwyddiad hybrid i randdeiliaid ddydd Llun 2 Rhagfyr yng Nghaerdydd i glywed barn am adroddiad Modiwl 1 ac i nodi unrhyw fylchau posibl
• Nododd y Pwyllgor fod ymateb Llywodraeth Cymru i adroddiad Modiwl 1 yn debygol o gael ei gyhoeddi ym mis Rhagfyr 2024/mis Ionawr 2025.
• Bydd y dystiolaeth a gesglir drwy’r ymgynghoriad a’r digwyddiad i randdeiliaid, ynghyd â’r dadansoddiad bylchau gan yr NTU ac ymateb Llywodraeth Cymru i adroddiad Modiwl 1, yn cael ei defnyddio gan y Pwyllgor i nodi a chytuno ar unrhyw fylchau o ran parodrwydd ac ymateb Llywodraeth Cymru a chyrff cyhoeddus eraill yng Nghymru yn ystod pandemig Covid-19 a ddylai fod yn destun archwilio pellach. Bydd y bylchau hyn yn destun cynnig ar gyfer ystyriaeth y Senedd
• Yn amodol ar gymeradwyaeth, bydd y Pwyllgor yn dechrau cynnal sesiynau tystiolaeth yn gyhoeddus gyda Llywodraeth Cymru a chyrff cyhoeddus perthnasol. Nid yw'r Pwyllgor yn rhagweld y bydd y sesiynau hyn yn dechrau tan y flwyddyn newydd.