Agenda a Chofnodion

1.1 Croesawodd y Cadeirydd yr Aelodau i gyfarfod y Pwyllgor Plant, Pobl Ifanc ac Addysg.

1.2 Cafwyd ymddiheuriadau gan Buffy Williams AS a Heledd Fychan AS, gyda John Griffiths MS yn dirprwyo ar ran Buffy a Sioned Williams AS yn dirprwyo ar ran Heledd.

1.3 O dan Reol Sefydlog 17.24A, datganodd Sioned Williams AS fod ei gŵr yn cael ei gyflogi gan Brifysgol Abertawe.

Jeremy Miles AS, Gweinidog y Gymraeg ac Addysg

Owain Lloyd, Cyfarwyddwr y Gymraeg ac Addysg, Llywodraeth Cymru

Jo-Anne Daniels, Cyfarwyddwr Addysg Drydyddol, Llywodraeth Cymru

2.1 Craffodd y Pwyllgor ar waith y Gweinidog mewn perthynas â’r gyllideb ddrafft.

2.2 Cytunodd y Gweinidog i ddarparu nodyn ar y materion a ganlyn:

- Dadansoddiad llawn o’r cyllid adnoddau o £74.7 miliwn y cyhoeddwyd ym mis Hydref a fyddai’n symud o’r Prif Grŵp Gwariant Addysg a’r Gymraeg yn 2023-24.

- Amlinelliad o faint y mae Llywodraeth Cymru yn disgwyl ei glustnodi ar gyfer prentisiaethau gradd yn llinell y gyllideb CCAUC/Comisiwn Addysg Drydyddol ac Ymchwil ac a yw’n disgwyl unrhyw drosglwyddiadau ar gyfer prentisiaethau gradd o Brif Grŵp Gwariant yr Economi yn ystod blwyddyn ariannol 2024-25.

- Pryd fydd y ffigurau diweddaraf ar gael am y cronfeydd wrth gefn sydd gan ysgolion.

- Rhagor o wybodaeth am y cymorth a'r cyfleoedd sydd ar gael i weithlu'r blynyddoedd cynnar.

2.3 Cytunodd y Pwyllgor i ysgrifennu at y Dirprwy Weinidog Iechyd Meddwl a Llesiant i gael rhagor o wybodaeth am Raglen Heddlu Ysgolion Cymru.

3.1 Cafodd y papurau eu nodi.

4.1 Derbyniwyd y cynnig

5.1 Trafododd y Pwyllgor y dystiolaeth a glywodd yn ystod y sesiwn flaenorol.