Agenda a Chofnodion

1.1 Croesawodd y Cadeirydd yr Aelodau i gyfarfod y Pwyllgor Plant, Pobl Ifanc ac Addysg.

1.2 Nododd y Cadeirydd fod Cefin Campbell AS yn gorfod gadael y cyfarfod ar ôl eitem 2.

James Owen, Prif Swyddog Gweithredol, Medr

Giles Cutler, Prif Swyddog Ariannol, Medr

Medr Adroddiad Blynyddol a Chyfrifon 2024-25

2.1 Bu’r Pwyllgor yn craffu ar waith Medr a’i adroddiad blynyddol.

2.2 Cytunodd Medr i ddarparu nodyn am y canlynol:

- Y wybodaeth ddiweddaraf am y sefyllfa yng Ngholeg Cambria o ran dysgwyr heb eu lleoli.

- Rhagor o wybodaeth am y rhesymau pam bod cymaint o anghysondeb rhwng cyfran y dysgwyr sydd eisiau ymgymryd â phrentisiaeth a chyfran y dysgwyr sy'n gwneud hynny yn y pen draw.

- Gwybodaeth am faint o gyflogeion cwmni Dur Tata a gafodd gefnogaeth drwy gyllid sgiliau cyhoeddus ac a aeth ymlaen i sicrhau cyflogaeth neu symud ymlaen at lwybrau cadarnhaol eraill ar ôl cwblhau eu cyfnodau dysgu.

3.1 Cafodd y papurau eu nodi.

3.2 Cytunodd y Pwyllgor i ysgrifennu at y Gweinidog.

4.1 Derbyniwyd y cynnig.

5.1 Trafododd y Pwyllgor y dystiolaeth a glywodd yn ystod y sesiwn flaenorol.

6.1 Trafododd yr Aelodau yr adroddiad drafft, a chytunwyd ar newidiadau. Byddai’r newidiadau a chymeradwyo terfynol yn cael eu cyflawni yn electronig.

7.1 Ystyriodd y Pwyllgor ddarn o ohebiaeth mewn cysylltiad â'r gwaith y mae'n ei wneud ar wella ysgolion a chyrhaeddiad dysgwyr.

8.1 Trafododd y Pwyllgor y meysydd yr hoffent ganolbwyntio arnynt ar gyfer y sesiynau craffu sydd ar ddod gyda Llywodraeth Cymru.