Agenda a Chofnodion
Lleoliad: Tŷ Hywel
Cyswllt: Graeme Francis
Rhif | Eitem |
---|---|
Cyflwyniadau, ymddiheuriadau a dirprwyon Cofnodion: Croesawodd y Llywydd yr Aelodau i’r cyfarfod.
Cafwyd ymddiheuriadau gan Jane Dodds. |
|
Cofnodion y cyfarfod blaenorol Cofnodion: Cytunwyd ar
gofnodion y cyfarfod blaenorol i’w cyhoeddi. |
|
Trefn Busnes Cofnodion: Cytunwyd ar gofnodion y cyfarfod blaenorol i’w
cyhoeddi |
|
Busnes yr wythnos hon Cofnodion: Dydd Mawrth · Bydd yr Amser Pleidleisio yn
digwydd fel yr eitem olaf o fusnes y Cyfarfod Llawn, cyn y Pwyllgor o’r Senedd
Gyfan. · Nid yw'r Cyfarfod Llawn yn debygol
o fynd y tu hwnt i 4.45pm Dydd
Mercher · Cwestiynau i Gomisiwn y Senedd ( · Ni fydd Cyfnod Pleidleisio. · Nid yw'r Cyfarfod Llawn yn debygol
o fynd y tu hwnt i 3.40pm |
|
Amserlen busnes y Llywodraeth ar gyfer y tair wythnos nesaf Cofnodion: Rhoddodd y Trefnydd
wybod i’r Rheolwyr Busnes am y newidiadau canlynol i amserlen Busnes y
Llywodraeth ar gyfer y tair wythnos nesaf: Dydd Mawrth
12 Mawrth 2024 · Datganiad gan y Gweinidog
Cyfiawnder Cymdeithasol a’r Prif Chwip: Bil Senedd Cymru (Rhestrau Ymgeiswyr
Etholiadol) (60 munud) · Datganiad gan y Gweinidog Newid
Hinsawdd: Y Rhaglen Cartrefi Clyd ( · Datganiad gan y Dirprwy Weinidog
Gwasanaethau Cymdeithasol: Cronfa Integreiddio Rhanbarthol (30 munud) · Cynnig o dan Reol Sefydlog 12.24 i
gynnal dadl ar yr eitemau canlynol gyda’i gilydd ond gyda phleidleisiau ar
wahân (15 munud): o
Cynnig
Cydsyniad Deddfwriaethol ar Y Bil Masnach (Cytundeb Cynhwysfawr a Blaengar ar
gyfer Partneriaeth y Môr Tawel) - cynnig 1 o
Cynnig
Cydsyniad Deddfwriaethol ar Y Bil Masnach (Cytundeb Cynhwysfawr a Blaengar ar
gyfer Partneriaeth y Môr Tawel) - cynnig 2 Dydd Mawrth
19 Mawrth 2024 · Rheoliadau Gwasanaethau
Rheoleiddiedig (Darparwyr Gwasanaethau ac Unigolion Cyfrifol) (Cymru) (Diwygio)
2024 (5 munud) Gofynnodd
Heledd Fychan am ddiweddariad ar y cais a wnaed ar 20 Chwefror am ddatganiad
llafar ar fuddsoddi mewn addysg a hyfforddi gweithwyr proffesiynol gofal
iechyd. Dywedodd y Trefnydd na fyddai modd amserlennu datganiad llafar tan ar
ôl Toriad y Pasg. |
|
Amserlen busnes y Senedd ar gyfer y tair wythnos nesaf Cofnodion: Cytunwyd ar
yr ychwanegiadau a ganlyn i amserlen Busnes y Senedd ar gyfer y tair wythnos
nesaf: Dydd Mercher 13 Mawrth 2024 – Dydd Mercher 17 Ebrill 2024 - ·
Dadl ar
adroddiad y Pwyllgor Newid Hinsawdd, yr Amgylchedd a Seilwaith - Perfformiad
Dŵr Cymru Welsh Water (30 munud) ·
Dadl ar
adroddiad Pwyllgor yr Economi, Masnach a Materion Gwledig: Ynni niwclear ac
economi Cymru (60 munud) ·
Amser a
neilltuwyd i’r Ceidwadwyr Cymreig (60 munud) ·
Dadl fer
(30 munud) |
|
Cynigion Deddfwriaethol Aelodau: Dewis Cynnig ar gyfer Dadl Cofnodion: Cynigion
Deddfwriaethol Aelodau: Dewis Cynnig ar gyfer Dadl Trafododd y
Pwyllgor Busnes y cynigion arfaethedig ar gyfer dadl a chytunwyd i amserlennu’r
cynnig canlynol ar 12 Mawrth: Delyth
Jewell NNDM8460 Cynnig bod
y Senedd: 1. Yn
nodi cynnig ar gyfer Bil ar gyfer mwy o ddiogelwch ar drafnidiaeth
gyhoeddus. 2. Yn
nodi mai diben y Bil fyddai: a) cyflwyno
systemau ar gyfer monitro, adrodd ac uwchraddio goleuadau yn rheolaidd ar gyfer
yr holl wasanaethau trafnidiaeth gyhoeddus, gan gynnwys ar fwrdd cerbydau, mewn
arosfannau a gorsafoedd, ac ar strydoedd yn union o amgylch gorsafoedd trên a
safleoedd bysiau mawr; b) adolygu
hyfforddiant a gynigir ar hyn o bryd ym maes diogelwch i'r rhai sy'n gweithio
yn y diwydiant trafnidiaeth, o'u rhan eu hunain ac eraill; c) gwella
gweithdrefnau adrodd presennol a datblygu systemau mwy cyson a thryloyw ar
gyfer adrodd a chofnodi achosion o gam-drin sy'n effeithio ar bobl sy'n agored
i niwed ar drafnidiaeth gyhoeddus; a d) asesu'r
angen am ddyletswydd statudol ar gwmnïau trafnidiaeth gyhoeddus i sicrhau bod
teithwyr yn cyrraedd pen eu taith, neu fan diogel, ar ôl iddi dywyllu. |
|
Gweithdrefnau ar gyfer Cyfnod 2 Bil Senedd Cymru (Aelodau ac Etholiadau) Cofnodion: Trafododd y
Pwyllgor Busnes bapur yn amlinellu'r gweithdrefnau ar gyfer trafodion Cyfnod 2 ar
Fil Senedd Cymru (Aelodau ac Etholiadau) a chafodd ei nodi. Cynigiodd y
Llywydd y dylid cymryd egwyl o tua 30 munud rhwng diwedd y Cyfarfod Llawn a
dechrau trafodion y Pwyllgor, a chytunodd y Rheolwyr Busnes. Cytunodd y
Pwyllgor ar amser gorffen bras o 21.00 ar gyfer trafodion nos Fawrth. Cytunodd y Pwyllgor Busnes y byddai'r Cyfarfod Llawn yn
dechrau am 13.00 ddydd Mawrth ac y bydd angen ystyriaeth bellach a oes angen
dechrau’r trafodion yn gynharach (am 12.30 neu 13.00) ddydd Mercher, yn dilyn
diwedd trafodion heno. |
|
Deddfwriaeth |
|
Llythyr gan y Pwyllgor Biliau Diwygio ynghylch amserlen Bil Senedd Cymru (Rhestrau Ymgeiswyr Etholiadol) Cofnodion: Trafododd y Pwyllgor Busnes yr
ymateb gan y Pwyllgor Biliau Diwygio i
amserlen arfaethedig y Llywodraeth ar gyfer y Bil a'r amserlen amgen a
gynigiwyd gan y Pwyllgor. Nododd y Dirprwy Lywydd, Darren Millar a Heledd Fychan
eu bod yn aelodau o’r Pwyllgor Biliau Diwygio. Dywedodd y Trefnydd fod angen
amserlen arfaethedig y Llywodraeth, sy'n cynnwys amserlen gyflym ar gyfer
gwaith craffu Cyfnod 1, er mwyn sicrhau bod y Bil yn cael ei weithredu cyn
etholiad 2026 y Senedd. Fel Cadeirydd y Pwyllgor Biliau
Diwygio, mynegodd y Dirprwy Lywydd, bryder y Pwyllgor ynghylch yr amserlen
arfaethedig a diffyg eglurder ynghylch pam mae angen amserlen gyflym ar gyfer
Cyfnod 1. Tynnodd sylw'r Pwyllgor Busnes hefyd at y cyfnod byr o amser a fyddai
ar gael i'r Aelodau i gyflwyno gwelliannau i'r Bil yng nghyfnodau 2 a 3 pe bai
amserlen arfaethedig y Llywodraeth yn cael ei chytuno. Mynegodd Heledd Fychan na fyddai
Plaid Cymru yn dymuno peryglu'r Bil, ond gofynnodd hefyd am ddarparu esboniad
pellach ar gyfer yr amserlen sy'n cael ei chynnig gan y Llywodraeth. Mynegodd Darren Millar bryder
ynghylch y posibilrwydd o achosi niwed i enw da y Senedd os yw'r gwaith craffu
yn cael ei gwtogi a galwodd ar y Pwyllgor Busnes i gytuno ar yr amserlen amgen
a gynigir gan y Pyllgor Biliau Diwygio. Mynegodd y Llywydd ei phryder
difrifol am y posibilrwydd o gytuno ar gyfnod craffu cyfyngedig ar gyfer y Bil
hwn a'r angen i'r Llywodraeth gyflwyno rhesymu ychwanegol. Nododd y materion
a'r pryderon a godwyd yn flaenorol gan bwyllgorau'r Senedd mewn perthynas â
Biliau eraill sydd wedi bwrw ymlaen ag amserlenni cyflym ar gyfer gwaith
craffu. Cytunodd y Pwyllgor Busnes i ofyn
am nodyn brys gan Lywodraeth Cymru yn cynnwys tystiolaeth ynghylch pam mae
angen amserlen gyflym ar y Bil ac i ystyried yr amserlen ymhellach, drwy e-bost
neu yn y cyfarfod dilynol, pan fydd hynny wedi dod i law. |
|
Pwyllgorau |
|
Llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad ynghylch ei slot cyfarfod ar 11 Mawrth Cofnodion: Cytunodd y Pwyllgor Busnes ar gais
gan y Pwyllgor Deddfwriaeth, Cyfiawnder a'r Cyfansoddiad iddo gwrdd yn
gynharach ar 11 Mawrth 2024 er mwyn cymryd tystiolaeth gan y Gweinidog Newid
Hinsawdd. |