Agenda a Chofnodion

Croesawodd y Llywydd yr Aelodau i’r cyfarfod

Cytunwyd ar gofnodion y cyfarfod blaenorol i’w cyhoeddi

Dydd Mawrth

Tynnodd y Trefnydd sylw'r Rheolwyr Busnes at y newidiadau a ganlyn:

• Datganiad gan y Gweinidog Iechyd a Gwasanaethau Cymdeithasol: Gofal Sylfaenol (30 mun) Tynnwyd yn ôl   
• Cynnig i atal Rheolau Sefydlog dros dro (5 munud) 
• Rheoliadau Dyrannu Tai a Digartrefedd (Cymhwystra) (Cymru) (Diwygio) (Rhif 3) 2023 (15 munud) 

·       Caiff y Cyfnod Pleidleisio ei gynnal fel yr eitem olaf o fusnes. 

·       Nid yw'r Cyfarfod Llawn yn debygol o fynd y tu hwnt i 7.40pm.

Gofynnodd Heledd Fychan a fyddai'r Llywodraeth yn gwneud datganiad ar gau rhan o’r A470 yn Nhalerddig ar hyn o bryd. Rhoddodd y Trefnydd wybod i'r Rheolwyr Busnes na fyddai datganiad yn cael ei gyflwyno heddiw. 

Dydd Mercher

• Caiff y Cyfnod Pleidleisio ei gynnal cyn y Ddadl Fer
• Nid yw'r Cyfarfod Llawn yn debygol o fynd y tu hwnt i 6.40pm.

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth am y tair wythnos nesaf:

Dydd Mawrth 28 Tachwedd 2023 –

·       Cynnig o dan Reol Sefydlog 12.24 i drafod yr eitemau a ganlyn gyda'i gilydd ond gyda phleidleisiau ar wahân (30 munud)

o    Rheoliadau Gofynion Gwahanu Gwastraff (Cymru) 2023

o    Rheoliadau Gwahardd Llosgi Gwastraff Penodedig, neu ei Ddodi ar Safle Tirlenwi (Cymru) 2023

o    Gorchymyn Gwahardd Gwaredu Gwastraff Bwyd i Garthffosydd (Sancsiynau Sifil) (Cymru) 2023

·       Rheoliadau Iechyd Planhigion etc. (Ffioedd Amrywiol) (Diwygio) (Cymru) 2023 (5 munud)

·       Rheoliadau Diogelu'r Amgylchedd (Cynhyrchion Plastig Untro) (Sancsiynau Sifil) (Cymru) 2023 (15 munud)

·       Dadl: Cyfnod 4 Bil yr Amgylchedd (Ansawdd Aer a Seinweddau) (Cymru) (15 munud)

Cytunwyd ar yr ychwanegiadau canlynol i amserlen Busnes y Senedd am y tair wythnos nesaf:  

Dydd Mercher 6 Rhagfyr 2023 - 

• Dadl Aelodau o dan Reol Sefydlog 11.21(iv) – Mark Isherwood (60 munud)
• Amser a neilltuwyd i’r Ceidwadwyr Cymreig (60 munud) 
• Amser a neilltuwyd i Blaid Cymru (60 munud) 
• Dadl fer: Heledd Fychan (Canol De Cymru) (30 munud) 

Trafododd y Pwyllgor Busnes yr ymateb gan y Pwyllgor Llywodraeth Leol a Thai a chytunodd ar yr amserlen arfaethedig ar gyfer craffu ar y Bil Cyllid Llywodraeth Leol (Cymru).

Cytunodd y Pwyllgor Busnes i gyfeirio'r Bil at y Pwyllgor Biliau Diwygio er mwyn ystyried yr egwyddorion cyffredinol a gohiriodd benderfyniad ar amserlen y Bil er mwyn ymgynghori â'r Pwyllgor hwnnw, a dychwelyd at y mater mewn cyfarfod yn y dyfodol.

Cytunodd y Pwyllgor Busnes i gyfeirio'r Bil at y Pwyllgor Plant, Pobl Ifanc ac Addysg er mwyn ystyried yr egwyddorion cyffredinol a gohiriodd benderfyniad ar amserlen y Bil er mwyn ymgynghori â'r Pwyllgor hwnnw, a dychwelyd at y mater mewn cyfarfod yn y dyfodol.

Yn dilyn argymhellion a wnaed yn flaenorol gan y Pwyllgor Deddfwriaeth, Cyfiawnder a'r Cyfansoddiad a'r Pwyllgor Iechyd a Gofal Cymdeithasol, trafododd y Pwyllgor Busnes gynigion ar gyfer:

• diwygio'r Rheolau Sefydlog i sicrhau bod dogfennau sy'n cyd-fynd â Biliau ac Is-ddeddfwriaeth Llywodraeth Cymru yn cynnwys asesiad o effaith Deddf Marchnad Fewnol y Deyrnas Unedig 2020;
• Rheol Sefydlog newydd a fyddai’n ei gwneud yn ofynnol i Lywodraeth Cymru hysbysu’r Senedd am effaith deddfwriaeth mewn rhannau eraill o'r DU a allai, yn rhinwedd y Ddeddf Marchnad Fewnol, effeithio ar werthu nwyddau a gwasanaethau yng Nghymru; a
• hysbysu am effaith fframweithiau polisi cyffredin y DU gyfan ar ddeddfwriaeth y Senedd.

Dywedodd y Trefnydd nad yw Llywodraeth Cymru yn ystyried bod y cynigion yn angenrheidiol ar y sail nad yw'n ystyried bod Deddf Marchnad Fewnol y Deyrnas Unedig yn cael effaith ar ddeddfwriaeth a basiwyd gan y Senedd.

Cytunodd y Pwyllgor Busnes i ofyn am farn y Pwyllgor Deddfwriaeth, Cyfiawnder a'r Cyfansoddiad a'r Pwyllgor Iechyd a Gofal Cymdeithasol a Fforwm y Cadeiryddion am y cynigion, gyda’r bwriad o ddychwelyd at y mater mewn cyfarfod yn y dyfodol.