Agenda a Chofnodion
Lleoliad: Tŷ Hywel
Cyswllt: Graeme Francis
Rhif | Eitem |
---|---|
Cyflwyniad, ymddiheuriadau a dirprwyon Cofnodion: Croesawodd y Llywydd yr aelodau i’r cyfarfod. Cafwyd
ymddiheuriadau gan Darren Millar, roedd Russell George yn bresennol yn ei le. |
|
Cofnodion y cyfarfod blaenorol Cofnodion: Cafodd y Pwyllgor Busnes drafodaeth bellach am y mater o
gyfranogi o bell mewn trafodion, yn benodol a ddylid nodi bod gan Aelodau hawl
i gyfranogi o bell a'r disgwyliadau mewn perthynas â phresenoldeb Gweinidogion
mewn pwyllgorau. Cytunodd y Pwyllgor i ddychwelyd at y materion hyn wrth gytuno
ar y cynigion terfynol yn y cyfarfod nesaf. |
|
Trefn Busnes |
|
Busnes yr wythnos hon Cofnodion: Dydd Mawrth
Nododd y Trefnydd fod y Llywodraeth wedi aildrefnu busnes
dydd Mawrth ac y bydd y dadleuon a'r cyfnod pleidleisio yn cael eu cynnal ar
ddiwedd y sesiwn, yn dilyn gohirio darlith gyfansoddiadol a drefnwyd yn
flaenorol ar gyfer y noson hon. Dydd Mercher
Cadarnhaodd y Llywydd amseriad Datganiad Cadeirydd y
Pwyllgor Cyfrifon Cyhoeddus a Gweinyddiaeth Gyhoeddus, gan gynnwys y bydd gan y
siaradwr cyntaf o'r grŵp Llafur hyd at bum
munud ar gyfer eu cyfraniad. |
|
Amserlen busnes y Llywodraeth ar gyfer y tair wythnos nesaf Cofnodion: Tynnodd y Trefnydd sylw'r Pwyllgor Busnes at y newidiadau
a ganlyn: Dydd Mawrth 12 Gorffennaf 2022 - ·
Cynnig o dan Reol Sefydlog 12.24 i drafod yr
eitemau a ganlyn gyda'i gilydd ond gyda phleidleisiau ar wahân (30 munud) o
Rheoliadau Deddf Rhentu Cartrefi (Cymru) 2016
(Tenantiaethau Cymdeithasau Tai: Darpariaethau Sylfaenol) 2022 o
Rheoliadau Deddf Rhentu Cartrefi (Cymru) 2016
(Diwygiadau Canlyniadol) 2022 o
Rheoliadau Deddf Rhentu Cartrefi (Cymru) 2016
(Diwygio Atodlen 12) 2022 o
Rheoliadau Deddf Rhentu Cartrefi (Cymru) 2016
(Diwygio) 2022 ·
Rheoliadau Cyd-bwyllgorau Corfforedig (Cyffredinol)
(Rhif 2) (Cymru) 2022 (10 munud) ·
Gorchymyn Ffyrdd Cyfyngedig (Terfyn Cyflymder 20
mya) (Cymru) 2022 (30 munud) ·
Rheoliadau Iechyd Planhigion etc. (Ffioedd)
(Diwygio) (Cymru) (Ymadael â'r UE) (Rhif 2) 2022 (15 munud) ·
Rheoliadau Gwasanaethau Rheoleiddiedig (Darparwyr
Gwasanaethau ac Unigolion Cyfrifol) (Cymru) (Diwygio) 2022 (10 munud) |
|
Amserlen busnes y Senedd ar gyfer y tair wythnos nesaf Cofnodion: Cytunodd y Pwyllgor Busnes i gynnwys yr eitemau o fusnes
a ganlyn ar yr amserlen: Dydd Mercher 12 Medi 2022 –
|
|
Dadleuon ar Gynigion Deddfwriaethol Aelodau - dethol cynnig i’w drafod Cofnodion: Cytunodd y Pwyllgor Busnes i amserlennu’r cynnig canlynol
i’w drafod ddydd Mercher 6 Gorffennaf 2022: NNDM8038 Luke Fletcher NNDM8038 Cynnig bod y Senedd: 1. Yn nodi cynnig ar gyfer Bil i wahardd cymalau 'dim
anifeiliaid anwes' mewn llety rhent. 2. Yn nodi mai diben y Bil hwn fyddai: a) cyflwyno cytundeb tenantiaeth safonol tebyg i gytundeb
tenantiaeth enghreifftiol Senedd y DU a gyhoeddwyd ym mis Ionawr 2021; b) cynnig cyfres o fesurau a fyddai'n sicrhau nad yw
perchnogion anifeiliaid anwes cyfrifol yn cael eu trin yn annheg o ganlyniad
i'r math o lety y maent yn byw ynddo; c) caniatáu mai'r sefyllfa ddiofyn gyfreithiol yw
caniatáu anifeiliaid anwes mewn tai cymdeithasol a'r sector rhentu preifat, oni
bai bod rheswm y gellir ei gyfiawnhau dros beidio â gwneud hynny; d) ymestyn caniatáu anifeiliaid anwes mewn llochesi a
llety i bobl ddigartref. |
|
Deddfwriaeth |
|
Llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad Cofnodion: Trafododd y Pwyllgor Busnes y cais gan y Pwyllgor
Deddfwriaeth, Cyfiawnder a’r Chyfansoddiad am newidiadau i'r amserlen
arfaethedig ar gyfer craffu ar Fil yr Amgylchedd Hanesyddol (Cymru) a chytunodd
i ymestyn y terfynau amser ar gyfer cyflwyno adroddiadau ar yr Ystyriaeth
Gychwynnol hyd at 16 Rhagfyr 2022 ac Ystyriaeth Fanwl gan Bwyllgor hyd at 3
Mawrth 2023. |
|
Llythyr gan Gadeirydd y Pwyllgor Cyfrifon Cyhoeddus a Gweinyddiaeth Gyhoeddus Cofnodion: Trafododd y Pwyllgor Busnes y cais gan y Pwyllgor
Cyfrifon Cyhoeddus a Gweinyddiaeth Gyhoeddus am estyniad i'r terfyn amser ar
gyfer cyflwyno adroddiad ar y Memorandwm ar y Bil Caffael a chytunodd i ymestyn
y terfyn amser ar gyfer cyflwyno adroddiadau hyd at 10 Tachwedd 2022. |
|
Trefniadau cyflwyno |
|
Trefniadau Cyflwyno yn ystod Toriad yr Haf 2022 Cofnodion: Cytunodd y Pwyllgor Busnes ar y trefniadau ar gyfer
cyflwyno busnes y Cyfarfod Llawn a’r trefniadau ar gyfer cyflwyno Cwestiynau
Ysgrifenedig yn ystod toriad yr haf . |
|
Y Rheolau Sefydlog |
|
Adolygiad o Reol Sefydlog 12.41 A-H ar Bleidleisio Drwy Ddirprwy Cofnodion: Trafododd y Pwyllgor Busnes y Rheolau Sefydlog dros dro
(12.41A-H) ar bleidleisio drwy ddirprwy ar gyfer absenoldeb rhiant a chytunodd
i gynnig i'r Senedd y caiff y rhain eu hymestyn tan 1 Ebrill 2023 er mwyn
galluogi adolygiad llawn o'r darpariaethau yn ddiweddarach, ar ôl i'r adolygiad
presennol o Reol Sefydlog 34 a chyfranogi o bell ddod i ben. |