Agenda a Chofnodion

Croesawodd y Llywydd yr Aelodau i’r cyfarfod. Ni chafwyd dim ymddiheuriadau.

Cytunwyd ar gofnodion y cyfarfod blaenorol, yn amodol ar welliannau y gofynnwyd amdanynt.

Nododd y Pwyllgor ddiweddariad ynghylch eitem 5 (Materion amrywiol sy'n deillio o'r adolygiad o'r prosesau craffu deddfwriaethol), yn dilyn ei gytundeb ar 9 Gorffennaf 2025 y dylid cynnal trafodaethau pellach rhwng swyddogion Comisiwn y Senedd a swyddogion Llywodraeth Cymru ynghylch mecanweithiau ar gyfer ystyried materion technegol yn ymwneud â Biliau. Cytunodd y Pwyllgor nad oedd angen dim camau pellach.

Ystyriodd y Pwyllgor y papur a chytunodd i ddychwelyd at y materion yn y cyfarfod ar 9 Hydref 2025, pan fydd yr Aelodau wedi ymgynghori â'u grwpiau.

Gofynnodd yr Aelodau am ragor o wybodaeth mewn perthynas ag argymhelliad 11 o adroddiad y Pwyllgor Safonau Ymddygiad.

Nododd yr Aelodau eu diddordeb yng nghynnydd ymchwiliad y Pwyllgor Safonau Ymddygiad i Gofrestru a Datgan Buddiannau.

Nododd yr Aelodau gymhariaeth o ran gofynion mewn deddfwrfeydd eraill, ystyriodd y papur a chytunodd ar y canlynol:

• Materion o egwyddor ynglŷn â memoranda esboniadol ar gyfer Biliau, gan gynnwys diben a gwerth memoranda o'r fath ac y dylai pob Bil a gyflwynir o dan Reol Sefydlog 26 fod yn ddarostyngedig i'r un gofynion o ran memoranda esboniadol;
• Cynnig newid i Reol Sefydlog 26 i’w gwneud yn ofynnol bod asesiad o’r effaith ar gyfiawnder yn dod gyda Biliau brys y mae’r Senedd wedi cytuno y gellir eu cyflwyno heb femorandwm esboniadol.
• Dychwelyd at y materion sy’n weddill yn y papur (gan gynnwys a ddylid cynnig unrhyw ofynion ychwanegol i'w cynnwys yn Rheol Sefydlog 26.6) yn y cyfarfod ar 9 Hydref 2025, pan fydd yr Aelodau wedi ymgynghori â'u grwpiau;
• Y dylai trafodaethau pellach gael eu cynnal rhwng swyddogion Comisiwn y Senedd a swyddogion Llywodraeth Cymru mewn perthynas â chynigion penodol, gan gynnwys y rhai sy'n ymwneud ag amcangyfrif goblygiadau ariannol ac asesu goblygiadau hawliau dynol.

Trafododd yr Aelodau yr adroddiad drafft ar y Rheolau Sefydlog a chytunwyd arno.

Trafododd yr Aelodau yr adroddiad drafft ar y Rheolau Sefydlog, a chytunwyd arno yn amodol ar newidiadau y gwnaed cais amdanynt.

Trafododd yr Aelodau yr adroddiad drafft ar y Rheolau Sefydlog a chytunwyd arno.

Cytunodd yr Aelodau dros dro ar y diwygiadau arfaethedig i'r canllawiau ar drafodion rhithwir a hybrid, ac y dylai'r newidiadau hyn ddod i rym yn y Chweched Senedd, yn amodol ar ymgynghori â Fforwm y Cadeiryddion yn ei gyfarfod nesaf.