Agenda a Chofnodion

Croesawodd y Llywydd yr Aelodau i’r cyfarfod. Ni chafwyd dim ymddiheuriadau.

Cytunwyd ar gofnodion y cyfarfod blaenorol i’w cyhoeddi.

Dydd Mawrth 

Nododd y Pwyllgor Busnes y newid a ganlyn:

• Datganiad gan y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig: Storm Claudia (45 munud)

• Caiff y Cyfnod Pleidleisio ei gynnal fel yr eitem olaf o fusnes
• Nid yw'r Cyfarfod Llawn yn debygol o fynd y tu hwnt i 8.00pm.

Dydd Mercher

• Caiff y Cyfnod Pleidleisio ei gynnal cyn y Ddadl Fer.  

• Nid yw'r Cyfarfod Llawn yn debygol o fynd y tu hwnt i 7.20pm.

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 2 Rhagfyr 2025

·       Cynnig o dan Reol Sefydlog 12.24 i gynnal dadl ar yr eitemau canlynol gyda’i gilydd ond gyda phleidleisiau ar wahân (30 munud)

o   Rheoliadau Newid yn yr Hinsawdd (Cyllidebau Carbon) (Cymru) 2025;

o   Rheoliadau Newid yn yr Hinsawdd (Terfyn Credyd Cyfrif Allyriadau Net Cymru) (Cymru) 2025

o   Rheoliadau Cyfrifyddu Carbon (Cymru) (Diwygio) 2025

Gofynnodd Heledd Fychan am gadarnhad y byddai'r Gweinidog Addysg Bellach ac Uwch yn gwneud datganiad yn y Senedd ar ddyfodol y sector addysg drydyddol, fel y nodwyd gan y Trefnydd yn ystod Datganiad a Chyhoeddiad Busnes yn y Cyfarfod Llawn yr wythnos diwethaf.

Cadarnhaodd y Trefnydd ei bod yn bwriadu ychwanegu'r datganiad at yr agenda ar gyfer Cyfarfod Llawn 25 Tachwedd, yn amodol ar gytundeb y Cabinet.

Cytunodd y Rheolwyr Busnes i gynnwys y busnes a ganlyn ar yr amserlen:

Dydd Mercher 10 Rhagfyr 2025

• Dadl Aelod o dan Reol Sefydlog 11.21(iv) - Adam Price (60 munud)
• Dadl ar y ddeiseb P-06-1534 Rhoi diwedd ar ofal mewn coridorau yng Nghymru (30 munud)
• Amser a neilltuwyd i’r Ceidwadwyr Cymreig (60 munud)

·       Dadl Fer: Carolyn Thomas AS (Gogledd Cymru) (30 munud)

Ystyriodd y Pwyllgor Busnes y cais a chytunodd i drefnu dadl ar ddeiseb P-06-1534 Rhoi diwedd ar ofal mewn coridorau yng Nghymru yn y Cyfarfod Llawn ar 10 Rhagfyr. 

Nododd y Pwyllgor Busnes y llythyr, a chadarnhad y Prif Weinidog y bydd yn bresennol mewn sesiwn dystiolaeth ffurfiol gyda'r Pwyllgor Cyfrifon Cyhoeddus a Gweinyddiaeth Gyhoeddus ym mis Ionawr 2026.

Cadarnhaodd y Pwyllgor Busnes y trefniadau arfaethedig ar gyfer:  

·       gosod dogfennau yn ystod cyfnod y Nadolig;

·       cyflwyno busnes y Cyfarfod Llawn yn ystod wythnos gyntaf y tymor a gwelliannau i Filiau; a

·       cyflwyno Cwestiynau Ysgrifenedig yn ystod toriad y Nadolig.