Agenda a Chofnodion

Croesawodd y Llywydd yr Aelodau i’r cyfarfod. Ni chafwyd dim ymddiheuriadau.

Cytunwyd ar gofnodion y cyfarfod blaenorol i’w cyhoeddi.

Dydd Mawrth

 Rhoddodd y Trefnydd wybod i’r Rheolwyr Busnes am y newidiadau a ganlyn:

• Datganiad gan Ysgrifennydd y Cabinet dros Iechyd a Gofal Cymdeithasol: Diwygio'r Contract Deintyddol: Y Camau Nesaf (45 munud)
• Datganiad gan Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip: Cymru sy'n falch o'r mislif (45 munud)

• Caiff y Cyfnod Pleidleisio ei gynnal fel yr eitem olaf o fusnes.
• Nid yw'r Cyfarfod Llawn yn debygol o fynd y tu hwnt i 5.35pm.

Dydd Mercher

Rhoddodd y Llywydd wybod i’r Rheolwyr Busnes am yr ychwanegiadau a ganlyn:

• Cwestiynau i Gomisiwn y Senedd (30 10 munud) 
• Caiff y Cyfnod Pleidleisio ei gynnal cyn y Ddadl Fer.
• Nid yw'r Cyfarfod Llawn yn debygol o fynd y tu hwnt i 7.00pm

Rhoddodd y Trefnydd wybod i’r Rheolwyr Busnes am y newid a ganlyn i amserlen Busnes y Llywodraeth ar gyfer y tair wythnos nesaf:

Dydd Mawrth 7 Hydref 2025

·       Datganiad gan y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig: Parodrwydd ar gyfer Llifogydd y Gaeaf (45 munud)

Cytunodd y Rheolwyr Busnes ar y newidiadau canlynol i amserlen Busnes y Senedd ar gyfer y tair wythnos nesaf:

Dydd Mercher 15 Hydref 2025 –

·      Dadl Aelodau o dan Reol Sefydlog 11.21(iv) (60 munud)

·      Dadl ar adroddiad y Pwyllgor Newid Hinsawdd, yr Amgylchedd a Seilwaith: Adroddiad ar berfformiad Trafnidiaeth Cymru 2024-25 (60 munud)

·      Amser a neilltuwyd i Blaid Cymru (60 munud)

• Dadl Fer: Altaf Hussain AS (Gorllewin De Cymru) (30 munud)

Ystyriodd y Pwyllgor Busnes y cynigion a chytunodd i amserlennu’r cynnig canlynol i’w drafod ar 1 Hydref:

Mick Antoniw

NNDM8981

Cynnig bod y Senedd:

1. Yn nodi cynnig ar gyfer Bil ar dipio anghyfreithlon i wneud i lygrwyr dalu am gostau clirio ac i gryfhau mesurau ataliol.

2. Yn nodi mai pwrpas y Bil hwn fyddai cryfhau deddfwriaeth a diwygio'r gyfraith ar dipio anghyfreithlon o ran:

a) ei gwneud yn ofynnol i droseddwyr dalu costau llawn ymchwiliadau a chlirio a wneir gan yr awdurdod lleol, Cyfoeth Naturiol Cymru neu unigolion preifat;

b) ei gwneud yn ofynnol i ynadon orchymyn atafaelu cerbydau ym mhob achos o dipio anghyfreithlon profedig;

c) darparu hyfforddiant priodol i ynadon i wella dealltwriaeth o effaith lawn tipio anghyfreithlon ar gymunedau, yr amgylchedd ac iechyd y cyhoedd; a

d) gosod gofyniad statudol ar awdurdodau lleol i ymchwilio i bob achos o dipio anghyfreithlon.

Ystyriodd y Pwyllgor Busnes ymateb gan Gadeirydd y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol ar yr amserlen arfaethedig ar gyfer y Bil a chytunodd ar yr amserlen.

Rhoddodd swyddogion y wybodaeth ddiweddaraf am y sefyllfa debygol o ran Adolygiad Barnwrol posibl.

Hefyd nododd y Pwyllgor yr ohebiaeth gan Gadeirydd y Pwyllgor Diwylliant, Cyfathrebu, y Gymraeg, Chwaraeon, a Chysylltiadau Rhyngwladol at y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig ynglŷn â’r Bil.

Nododd y Pwyllgor Busnes fod y Memorandwm Atodol (Rhif 4) ar y Bil Gwasanaethau Bysiau (Rhif 2) wedi'i osod ar 15 Medi a'i fod wedi'i gyfeirio ymlaen llaw at y Pwyllgor Newid Hinsawdd, yr Amgylchedd a Seilwaith a'r Pwyllgor Deddfwriaeth, Cyfiawnder a'r Cyfansoddiad yn y cyfarfod blaenorol.

Cytunodd y Pwyllgor Busnes ar gais i'r Pwyllgor Cyllid gynnal cyfarfodydd ychwanegol y tu allan i'w slot arferol ar yr amserlen at ddiben craffu ar Gyllideb Ddrafft 2026-27.

Adolygodd y Pwyllgor Busnes y profiad o ran y ddwy ddadl agored a gynhaliwyd hyd yma, gwnaethant nodi eu barn gadarnhaol am y fformat a chytunwyd i beidio â gwneud unrhyw addasiadau cyn y ddadl derfynol i'w hamserlennu fel rhan o'r treial.