Agenda a Chofnodion

Croesawodd y Llywydd yr Aelodau i’r cyfarfod. Cafwyd ymddiheuriadau gan Jane Dodds.

Cytunwyd ar gofnodion y cyfarfod blaenorol i’w cyhoeddi

Dydd Mawrth

·       Caiff y Cyfnod Pleidleisio ei gynnal fel yr eitem olaf o fusnes.

·       Nid yw'r Cyfarfod Llawn yn debygol o fynd y tu hwnt i 6.50pm.

Dydd Mercher

Rhoddodd y Llywydd wybod i’r Rheolwyr Busnes am y newid a ganlyn:

·       Pwyllgor Diben Arbennig Ymchwiliad Covid-19 Cymru: Dadl ar y bylchau a ganfuwyd ym mharodrwydd ac ymateb Llywodraeth Cymru a chyrff cyhoeddus eraill Cymru yn ystod y pandemig COVID-19 y dylid eu harchwilio ymhellach (60 0 munud)  Wedi’i ohirio 

·       Caiff y Cyfnod Pleidleisio ei gynnal cyn y Ddadl Fer.  

·       Nid yw'r Cyfarfod Llawn yn debygol o fynd y tu hwnt i 6.10pm.

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 29 Ebrill 2025

·       Datganiad gan Ysgrifennydd y Cabinet dros Iechyd a Gofal Cymdeithasol: Adroddiad y Grŵp Cynghori Gweinidogol ar Berfformiad a Chynhyrchiant GIG Cymru (45 munud)

·       Datganiad gan y Gweinidog Addysg Bellach ac Uwch: Addysg Ryngwladol (45 munud)

Dydd Mawrth 6 Mai 2025  

·       Datganiad gan y Prif Weinidog: Diwrnod VE (45 munud)

·       Cynnig i amrywio'r drefn o ystyried gwelliannau Cyfnod 3 y Bil Deddfwriaeth (Gweithdrefn, Cyhoeddi a Diddymiadau (Cymru) (5 munud)

Mynegodd Heledd Fychan siom nad oedd y Llywodraeth wedi cyflwyno Datganiad Llafar ar effaith Datganiad Gwanwyn Llywodraeth y DU ar Gymru a gofynnodd i'r Llywodraeth ailystyried.

Nododd y Trefnydd fod Datganiad Ysgrifenedig wedi'i gyhoeddi a bod Cwestiynau fory i Ysgrifennydd y Cabinet dros Gyllid a'r Gymraeg. Cadarnhaodd y Trefnydd na fyddai Datganiad Llafar yn cael ei wneud.

Cytunwyd i drefnu’r eitemau a ganlyn ar Amserlen Busnes y Senedd ar gyfer y tair wythnos nesaf:

Dydd Mercher 30 Ebrill 2025 -

·      Dadl ar adroddiad y Pwyllgor Safonau Ymddygiad:  Ugeinfed adroddiad i’r Chweched Senedd o dan Reol Sefydlog 22.9 (15 munud)

Dydd Mercher 14 Mai 2025 -

·      Dadl Aelodau o dan Reol Sefydlog 11.21(iv) (60 munud)

·      Dadl ar adroddiad y Pwyllgor Deisebau: P-06-1482 Gwahardd ffonau clyfar ym mhob ysgol yng Nghymru (gydag esemptiadau ar gyfer amgylchiadau eithriadol) (60 munud)

·      Amser a neilltuwyd i’r Ceidwadwyr Cymreig (60 munud)

·      Dadl Fer: Heledd Fychan (Canol De Cymru) (30 munud)

Cytunodd y Pwyllgor Busnes ar yr amserlen arfaethedig ar gyfer gwaith craffu ar y Bil Gwasanaethau Bysiau (Cymru).

Nododd y Pwyllgor Busnes y cais ac y bydd y Pwyllgor Deddfwriaeth, Cyfiawnder a’r Cyfansoddiad yn gosod ei adroddiad ar y Bil ar 9 Ebrill.

Trafododd y Pwyllgor Busnes ddiweddariad ar Femoranda Cydsyniad Deddfwriaethol a chytunodd i:

• gyfeirio'r Memorandwm ar y Bil Troseddau a Phlismona at y Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 6 Mehefin 2025; a
• chyfeirio’r Memorandwm ar y Bil Cynllunio a Seilwaith at y Pwyllgor Newid Hinsawdd, yr Amgylchedd a Seilwaith a'r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 6 Mehefin 025.

Nododd y Pwyllgor Busnes y llythyr.

Nododd y Pwyllgor y llythyr a bod Llywodraeth Cymru wedi gosod Memorandwm Cydsyniad Deddfwriaethol ar 24 Mawrth 2025.

Cytunodd y Pwyllgor Busnes i drefnu dadl ar P-06-1476: Clustogfa orfodol 1000 metr ar gyfer yr holl chwareli newydd a phresennol

Datganodd Heledd Fychan fuddiant gan ei bod wedi darparu tystiolaeth i'r Pwyllgor Deisebau ar y ddeiseb.

Yn dilyn ymddiswyddiad Tom Giffard fel Cyd-gadeirydd a Sam Rowlands fel Aelod o Bwyllgor Diben Arbennig Ymchwiliad COVID-19 Cymru, gwahoddodd y Pwyllgor Busnes grŵp y Ceidwadwyr Cymreig i enwebu Cyd-gadeirydd newydd o fewn ei aelodaeth, yn unol â Rheol Sefydlog 35.7. Cadarnhaodd Paul Davies na fyddai'r grŵp Ceidwadol yn cyflwyno enwebai ar gyfer swydd wag Gyd-gadeirydd.

Myfyriodd y Llywydd ar bwysigrwydd sicrhau bod y Senedd yn gallu ymgysylltu ag Ymchwiliad Covid y DU a faint o ymdrech ac adnoddau sydd wedi'u gwneud i gefnogi'r Pwyllgor hyd yma.

Trafododd y Pwyllgor Busnes statws presennol y Pwyllgor yng ngoleuni absenoldeb Cyd-gadeirydd a'r bwlch arall yn ei aelodaeth, ac opsiynau ar gyfer sicrhau bod y Senedd yn ystyried penderfyniadau a wnaed yn ystod pandemig Covid-19 / adroddiadau modiwl yr Ymchwiliad yn cael eu cynnal. Cytunodd y Rheolwyr Busnes i drafod gyda'u grwpiau ac i roi adborth i'r Llywydd cyn gynted â phosibl.