Agenda a Chofnodion

Croesawodd y Llywydd yr Aelodau i’r cyfarfod. Cafwyd ymddiheuriadau gan Jane Dodds.

Cytunwyd ar gofnodion y cyfarfod blaenorol i’w cyhoeddi

Nododd y Pwyllgor Busnes nifer o newidiadau i fusnes yr wythnos hon:

Dydd Mawrth

·         Teyrngedau i’r Arglwydd Dafydd Elis-Thomas

·         Datganiad gan Ysgrifennydd y Cabinet dros Iechyd a Gofal Cymdeithasol y Gweinidog Iechyd Meddwl a Llesiant: Datganiad Ansawdd Gwasanaethau Mamolaeth a Newyddenedigol (45 munud)

·         Datganiad gan y Gweinidog Diwylliant, Sgiliau a Phartneriaeth Gymdeithasol: Adolygiad Undeb Rygbi Cymru o drafodaethau contract y tîm menywod hŷn (45 munud) Datganiad Ysgrifenedig

·         Ni fydd cyfnod pleidleisio.

·         Nid yw'r Cyfarfod Llawn yn debygol o fynd y tu hwnt i 6.45pm.

Teyrngedau i Dafydd Elis-Thomas

Cadarnhaodd y Llywydd y trefniadau i deyrngedau gael eu rhoi i Dafydd Elis-Thomas ar ddechrau'r Cyfarfod Llawn heddiw. Bydd hi'n gwahodd y Senedd i gynnal munud o dawelwch cyn galw ar y Prif Weinidog ac arweinwyr y pleidiau i roi teyrngedau ar ran eu grwpiau, ac yna Aelodau eraill.

Dydd Mercher

·         Caiff y Cyfnod Pleidleisio ei gynnal cyn y Ddadl Fer.  

·         Nid yw'r Cyfarfod Llawn yn debygol o fynd y tu hwnt i 7.10pm.

Rhoddodd y Trefnydd wybod i’r Rheolwyr Busnes am yr ychwanegiad a ganlyn i amserlen busnes y Llywodraeth ar gyfer y tair wythnos nesaf:

Dydd Mawrth 18 Chwefror 2025

·         Datganiad gan y Gweinidog Addysg Bellach ac Uwch: Diweddariad ar Gyfranogiad Ôl-16 mewn Addysg a Dysgu (45 munud) Tynnwyd yn ôl

Cytunwyd i ychwanegu’r eitemau a ganlyn i Amserlen Busnes y Senedd ar gyfer y tair wythnos nesaf:  

Dydd Mercher 12 Mawrth 2025 –

• Dadl ar Gynnig Deddfwriaethol gan Aelod (30 munud)
• Dadl ar Adroddiad y Pwyllgor Safonau Ymddygiad - Atebolrwydd Aelodau Unigol: Adalw (60 munud)
• Amser a neilltuwyd i Blaid Cymru (60 munud)
• Dadl fer: Jenny Rathbone AS (Canol Caerdydd) (30 munud)

Dywedodd y Trefnydd y bydd Llywodraeth Cymru yn dod â dyddiad cyhoeddi'r Gyllideb Flynyddol ymlaen i 20 Chwefror 2025, ond y byddai'r dyddiad ar gyfer y ddadl ar y Gyllideb Derfynol yn aros yr un fath, sef dydd Mawrth 4 Mawrth. Trafododd y Pwyllgor Busnes hyn a chytunodd i ddiwygio’r amserlen ar gyfer Cyllideb Llywodraeth Cymru 2025-26 yn unol â hynny.

·       Llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad – 23 Ionawr 2025

·       Ymateb gan y Cwnsler Cyffredinol a’r Gweinidog Cyflawni – 4 Chwefror 2025

Trafododd y Pwyllgor Busnes ohebiaeth rhwng y Cwnsler Cyffredinol a’r Gweinidog Cyflawni a Chadeirydd y Pwyllgor Deddfwriaeth, Cyfiawnder a'r Cyfansoddiad ynghylch bwriad Llywodraeth Cymru i gyflwyno deddfwriaeth i gydgrynhoi cyfraith cynllunio. Nododd y Pwyllgor Busnes y llythyrau a gofynnodd, pe bai Llywodraeth Cymru yn dymuno cynnig unrhyw ddulliau gweithdrefnol newydd posibl o graffu ar y ddau Fil, dylid eu codi gyda'r Pwyllgor Busnes i'w hystyried cyn gynted â phosibl.

Y wybodaeth ddiweddaraf am y Memoranda Cydsyniad Deddfwriaethol a drafodwyd ochr yn ochr ag eitem 5.3

Trafododd y Pwyllgor Busnes ohebiaeth gan Gadeirydd y Pwyllgor Deddfwriaeth, Cyfiawnder a'r Cyfansoddiad a’r wybodaeth ddiweddaraf am Femoranda Cydsyniad Deddfwriaethol gan y Llywodraeth a chytunwyd i wneud yr hyn a ganlyn:

• cyfeirio'r Memorandwm Cydsyniad Deddfwriaethol ar y Bil Awdurdodau Cyhoeddus (Twyll, Gwallau ac Adennill) at y Pwyllgor Cyfrifon Cyhoeddus a Gweinyddiaeth Gyhoeddus a'r Pwyllgor Deddfwriaeth, Cyfiawnder a'r Cyfansoddiad i graffu arno, gyda dyddiad cau i gyflwyno adroddiad ar 25 Ebrill 2025;
• nodi’r llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad ac ymestyn y dyddiad cau i gyflwyno adroddiad ar y Memorandwm Cydsyniad Deddfwriaethol a’r Memorandwm Atodol ar y Bil Iechyd Meddwl i 4 Ebrill 2025.

Trafododd y Pwyllgor Busnes y canllawiau i’w cyhoeddi a chytunodd arnynt.

Cododd y Trefnydd fater yn ymwneud â diogelwch Aelodau.