Agenda a Chofnodion

Croesawodd y Llywydd yr Aelodau i’r cyfarfod. Cafwyd ymddiheuriadau gan Jane Dodds

Cytunwyd ar gofnodion y cyfarfod blaenorol i’w cyhoeddi

Dydd Mawrth

Rhoddodd y Trefnydd wybod i’r Rheolwyr Busnes am y newid a ganlyn:

·       Datganiad gan y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig: Torri’r cyflenwad dŵr yng Nghonwy (45 munud)

·       Caiff y Cyfnod Pleidleisio ei gynnal fel yr eitem olaf o fusnes.

·       Nid yw'r Cyfarfod Llawn yn debygol o fynd y tu hwnt i 8.20pm.

Holodd Heledd Fychan a fyddai datganiad llafar yn cael ei drefnu ar y cadoediad yn Gaza. Dywedodd y Trefnydd y byddai'n ystyried y cais. 

Dydd Mercher

·       Caiff y Cyfnod Pleidleisio ei gynnal cyn y Ddadl Fer.  

·       Nid yw'r Cyfarfod Llawn yn debygol o fynd y tu hwnt i 7.10pm.

Rhoddodd y Trefnydd wybod i’r Rheolwyr Busnes am y newid a ganlyn i amserlen Busnes y Llywodraeth ar gyfer y tair wythnos nesaf:

Dydd Mawrth 4 Chwefror 2025

• Rheoliadau Treth Trafodiadau Tir (Addasu Rhyddhad ar gyfer Caffaeliadau sy'n Ymwneud ag Anheddau Lluosog) (Cymru) 2025 (15 munud)

Nododd y Trefnydd y bydd datganiad yn cael ei gyflwyno ym mis Chwefror ar gyfranogiad Cymru yn nhwrnamaint Ewro Merched UEFA 2026.

Cytunwyd i ychwanegu’r eitemau a ganlyn i Amserlen Busnes y Senedd ar gyfer y tair wythnos nesaf:

Dydd Mercher 12 Chwefror 2025 -

• Dadl Aelodau o dan Reol Sefydlog 11.21(iv) (60 munud)
• Dadl ar adroddiad y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol: Sioc ddiwylliannol - Diwylliant a’r berthynas newydd â’r Undeb Ewropeaidd (60 munud)
• Amser a neilltuwyd i’r Ceidwadwyr Cymreig (60 munud)
• Dadl Fer: Carolyn Thomas AS (Gogledd Cymru) (30 munud)

Nododd y Pwyllgor Busnes na fydd y Pwyllgor Cyllid yn adrodd ar Reoliadau Treth Trafodiadau Tir (Bandiau Treth a Chyfraddau Treth) (Cymru) (Diwygio) 2024.

Trafododd y Pwyllgor Busnes y cynnig a chytunodd y dylai Aelodau gyflwyno pynciau arfaethedig ac y dylid eu cyhoeddi ar adeg cyflwyno. Yna byddai'r Pwyllgor Busnes yn dewis un pwnc ar gyfer pob dadl, gan adael pynciau heb eu dewis ar y Cofnod. Cytunwyd dros dro y bydd y ddadl gyntaf yn cael ei chynnal ddydd Mercher 19 Mawrth.

Trafododd y Pwyllgor adroddiad drafft yn cynnwys y newid arfaethedig i Reol Sefydlog 12.19 a chytunodd arno, a chytunodd i gynnig i ddiwygio'r Rheolau Sefydlog gael ei gyflwyno i'w ystyried gan y Senedd ddydd Mercher 29 Ionawr.

Yn ogystal, cytunodd y Pwyllgor i ddychwelyd at ystyried canllawiau manwl ynghylch Dadleuon Agored mewn cyfarfod diweddarach.