Agenda a Chofnodion

Croesawodd y Llywydd yr Aelodau i’r cyfarfod.

Cytunwyd ar gofnodion y cyfarfod blaenorol i’w cyhoeddi

Dydd Mawrth

·       Caiff y Cyfnod Pleidleisio ei gynnal fel yr eitem olaf o fusnes.

·       Nid yw'r Cyfarfod Llawn yn debygol o fynd y tu hwnt i 6.35pm

Dydd Mercher

Cytunodd y Pwyllgor Busnes i gyflwyno cynigion i newid aelodau’r blaid Lafur ar nifer o bwyllgorau i'w hystyried yn y Cyfarfod Llawn ddydd Mercher.

Cytunodd y Pwyllgor Busnes hefyd i gais gan y Pwyllgor Safonau Ymddygiad (o dan eitem 5.1) i amserlennu cynnig i benodi Comisiynydd Safonau Dros Dro yn y Cyfarfod Llawn ddydd Mercher. Felly, cytunwyd ar y newidiadau a ganlyn i agenda dydd Mercher: 

Cytunodd y Pwyllgor Busnes hefyd i gais gan y Pwyllgor Safonau Ymddygiad (o dan eitem 5.1) i amserlennu cynnig i benodi Comisiynydd Safonau Dros Dro yn y Cyfarfod Llawn ddydd Mercher. Felly, cytunwyd ar y newidiadau a ganlyn i agenda dydd Mercher: 

• Cynigion i Ethol Aelodau i Bwyllgorau (5 munud)
• Cynnig i benodi Comisiynydd Safonau Dros Dro (5 munud)

• Caiff y Cyfnod Pleidleisio ei gynnal cyn y Ddadl Fer.  
• Nid yw'r Cyfarfod Llawn yn debygol o fynd y tu hwnt i 7.10pm

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 3 Rhagfyr 2024

·       Datganiad gan Ysgrifennydd y Cabinet dros Iechyd a Gofal Cymdeithasol: Her 50 diwrnod newydd i wella rhyddhau cleifion o'r ysbyty a gofal cymunedol (45 munud)

·       Datganiad gan Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip: Diwrnod Rhyngwladol Pobl Anabl (45 munud)

Cytunwyd ar yr ychwanegiadau a ganlyn i Amserlen Busnes y Senedd ar gyfer y tair wythnos nesaf:  

Dydd Mercher 27 Tachwedd 2024 -

·      Datganiad gan James Evans - Diweddariad ar y Bil Safonau Gofal Iechyd Meddwl (Cymru) arfaethedig (30 munud)

Dydd Mercher 11 Rhagfyr 2024

• Dadl ar adroddiad y Pwyllgor Cyllid: Cysylltiadau Rhynglywodraethol Cyllidol (60 munud)
• Amser a neilltuwyd i’r Ceidwadwyr Cymreig (60 munud)
• Amser a neilltuwyd i Blaid Cymru (60 munud)
• Dadl Fer: Hefin David (Caerffili) (30 munud)

Cytunodd y Pwyllgor Busnes i gyfeirio’r Bil Tomenni Mwyngloddiau a Chwareli Nas Defnyddir (Cymru) at y Pwyllgor Newid Hinsawdd. yr Amgylchedd a Seilwaith er mwyn ystyried yr egwyddorion cyffredinol ac ymgynghori â’r Pwyllgor ar yr amserlen arfaethedig ar gyfer gwaith craffu, a dychwelyd at y mater mewn cyfarfod yn y dyfodol. 

Nododd y Pwyllgor Busnes y llythyr a chytunodd ar y cynnig i amser gael ei roi i James Evans AS wneud datganiad i ddiweddaru'r Senedd ar ddatblygiad ei Fil Iechyd Meddwl (Safonau Gofal) (Cymru) yn y Cyfarfod Llawn ar 27 Tachwedd 2024.

Trafododd y Pwyllgor Busnes gais gan y Pwyllgor Safonau Ymddygiad i drefnu amser ar gyfer cynnig i benodi Comisiynydd Safonau Dros Dro i ystyried cwyn benodol, gael ei gynnig yn y Cyfarfod Llawn ddydd Mercher 20 Tachwedd, a chytunodd arno.

Cadarnhaodd y Pwyllgor Busnes y dyddiadau ar gyfer toriad Hanner Tymor y Sulgwyn a Thoriad yr Haf 2025, a chytunodd ar y dyddiadau dros dro ar gyfer Hanner Tymor yr Hydref 2025 a Thoriad y Nadolig 2025/6. 

Datganiad Ysgrifenedig ar amseroedd aros

Nododd y Llywydd ei bod wedi derbyn llythyr gan Arweinydd Plaid Cymru ynghylch Datganiad Ysgrifenedig ar amseroedd aros a gyhoeddwyd gan Ysgrifennydd y Cabinet dros Iechyd a Gofal Cymdeithasol ddydd Sul 17 Tachwedd ac yn mynegi pryder am gyhoeddi cyllid ychwanegol yng nghynhadledd y blaid Lafur dros y penwythnos, cyn i unrhyw wybodaeth gael ei darparu i'r Senedd. Nododd y Llywydd hefyd y byddai Ysgrifennydd y Cabinet yn gwneud datganiad llafar yn y Cyfarfod Llawn y prynhawn yma.