Agenda a Chofnodion

Cafwyd ymddiheuriadau gan y Llywydd. Y Dirprwy Lywydd oedd yn cadeirio’r cyfarfod.

Cytunwyd ar gofnodion y cyfarfod blaenorol i’w cyhoeddi.

Dydd Mawrth

·       Caiff y Cyfnod Pleidleisio ei gynnal fel yr eitem olaf o fusnes.

·       Nid yw'r Cyfarfod Llawn yn debygol o fynd y tu hwnt i 7.15pm

Dydd Mercher

·       Caiff y Cyfnod Pleidleisio ei gynnal cyn y Ddadl Fer.  

·       Nid yw'r Cyfarfod Llawn yn debygol o fynd y tu hwnt i 7.10pm

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 19 Tachwedd 2024

·       Gorchymyn y Cynllun Masnachu Allyriadau Nwyon Tŷ Gwydr (Diwygio) (Rhif 2) 2024 (5 munud)

·       Dadl: Yr Holodomor (60 munud)

Cytunwyd ar yr ychwanegiadau a ganlyn i amserlen Busnes y Senedd ar gyfer y tair wythnos nesaf: 

Dydd Mercher 27 Tachwedd 2024 -

·      Dadl ar adroddiad Pwyllgor yr Economi, Masnach a Materion Gwledig: Banc Datblygu Cymru (60 Munud)

·      Dadl ar adroddiad y Pwyllgor Cyfrifon Cyhoeddus a Gweinyddiaeth Gyhoeddus: Craffu ar Gyfrifon: Amgueddfa Cymru 2021-22 (60 munud)

·      Amser a neilltuwyd i’r Ceidwadwyr Cymreig (60 munud)

• Dadl Fer: Delyth Jewell (Dwyrain De Cymru) (30 munud)

Cytunodd y Pwyllgor Busnes i gyfeirio'r Bil Llety Ymwelwyr (Cofrestru ac Ardoll) Etc. (Cymru) at y Pwyllgor Cyllid er mwyn ystyried yr egwyddorion cyffredinol, ac ymgynghori â’r Pwyllgor Cyllid ar yr amserlen arfaethedig ar gyfer gwaith craffu, a dychwelyd at y mater mewn cyfarfod yn y dyfodol. 

Trafododd y Pwyllgor Busnes y llythyr a chytunodd i ymestyn y terfynau amser adrodd ar gyfer y memoranda cydsyniad deddfwriaethol canlynol tan 10 Ionawr 2025:

• Bil Ynni Prydain Fawr
• Bil Dŵr (Mesurau Arbennig)
• Bil Hawliau Rhentwyr
• Bil Rheoleiddio Cynnyrch a Mesureg

Bu'r Pwyllgor Busnes hefyd yn trafod gwerth pennu terfynau amser cychwynnol ar gyfer adrodd ar y memoranda cydsyniad deddfwriaethol i gyd-fynd â'r dyddiad craffu terfynol tebygol yn Nhŷ cyntaf Senedd y DU y cyflwynir y Bil perthnasol iddo, fel y cynnigir gan y Pwyllgor Deddfwriaeth, Cyfiawnder a'r Cyfansoddiad. Cytunodd y Pwyllgor Busnes y byddai swyddogion y Senedd a Llywodraeth Cymru yn ystyried ymhellach pa mor ymarferol yw mabwysiadu'r dull hwn.

Trafododd y Pwyllgor Busnes gais gan y Pwyllgor Cyllid i Ddatganiad Cadeirydd Pwyllgor gael ei drefnu yn y Cyfarfod Llawn i adrodd yn ôl ar Adolygiad y Pwyllgor o'r gweithrediadau, prosesau ac ymchwiliadau a gynhaliwyd gan Ombwdsmon Gwasanaethau Cyhoeddus Cymru. Roedd y Rheolwyr Busnes o'r farn y byddai dadl yn fwy priodol a chytunwyd i ymateb i'r Pwyllgor Cyllid i ofyn iddo ystyried amserlennu dadl yn hytrach.

Cadarnhaodd y Pwyllgor Busnes y trefniadau arfaethedig ar gyfer

• gosod dogfennau yn ystod cyfnod y Nadolig;
• cyflwyno busnes y Cyfarfod Llawn yn ystod wythnos gyntaf y tymor; a
• chyflwyno Cwestiynau Ysgrifenedig yn ystod toriad y Nadolig.