Agenda a Chofnodion

Croesawodd y Llywydd yr Aelodau i’r cyfarfod. Cafwyd ymddiheuriadau gan Heledd Fychan. Roedd Llyr Gruffydd yn bresennol ar ei rhan.

Cytunwyd ar gofnodion y cyfarfod blaenorol i’w cyhoeddi

Dydd Mawrth

Gofynnodd y Rheolwyr Busnes am Ddatganiad Llafar brys gan Lywodraeth Cymru ar y gwrthdrawiad rhwng dau drên yn y Canolbarth nos Lun. Dywedodd y Trefnydd fod Datganiad Ysgrifenedig yn cael ei lunio ac y byddai ystyriaeth yn cael ei rhoi i Ddatganiad Llafar yn y Cyfarfod Llawn heddiw.

·       Caiff y Cyfnod Pleidleisio ei gynnal fel yr eitem olaf o fusnes.

·       Nid yw’r Cyfarfod Llawn yn debygol o fynd y tu hwnt i 6.50pm

Dydd Mercher

·       Bydd y Cyfnod Pleidleisio yn digwydd cyn y Ddadl Fer.  

·       Nid yw’r Cyfarfod Llawn yn debygol o fynd y tu hwnt i 8.10pm

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 5 Tachwedd 2024

·       Datganiad gan Ysgrifennydd y Cabinet dros Addysg: Gwella safonau addysgol yng Nghymru (45 munud)

·       Datganiad gan Ysgrifennydd y Cabinet dros Gyllid a’r Gymraeg: Cyllideb y DU (45 munud)

·       Datganiad gan Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip: Cynllun Gweithredu Cymru Wrth-hiliol (45 munud)

·       Datganiad gan Ysgrifennydd y Cabinet dros Iechyd a Gofal Cymdeithasol: Sefydliadau GIG Cymru – diweddariad uwchgyfeirio (45 munud)

Dydd Mawrth 12 Tachwedd 2024

·       Datganiad gan Ysgrifennydd y Cabinet dros Drafnidiaeth a Gogledd Cymru: Cofio (45 munud)

·       Datganiad gan Ysgrifennydd y Cabinet dros Addysg: Wythnos Gwrth-fwlio: Iechyd meddwl a llesiant dysgwyr (45 munud)

·       Datganiad gan Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip: Amrywiaeth a chynhwysiant ar gyfer pleidiau gwleidyddol (45 munud)

·       Datganiad gan Ysgrifennydd y Cabinet dros Lywodraeth Leol a Thai: Diogelwch Adeiladau (45 munud)

·       Dadl: Adroddiad Blynyddol Comisiynydd y Gymraeg 2023-24 (60 munud)

Gofynnodd Llyr Gruffydd am Ddatganiad Llafar ar bwysau’r gaeaf yn y GIG. Nododd y Trefnydd fod Ysgrifennydd y Cabinet dros Iechyd a Gofal Cymdeithasol wedi gwneud datganiad ar barodrwydd ar gyfer y gaeaf yn y GIG ar 24 Medi.

Cytunwyd ar y newidiadau a ganlyn i amserlen Busnes y Senedd ar gyfer y tair wythnos nesaf:  

Dydd Mercher 6 Tachwedd 2024 –

• Dadl ar adroddiad y Pwyllgor Safonau Ymddygiad: Yr ail adroddiad ar bymtheg i’r Chweched Senedd o dan Reol Sefydlog 22.9 (15 munud)
• Dadl ar adroddiad y Pwyllgor Safonau Ymddygiad: Y deunawfed adroddiad i’r Chweched Senedd o dan Reol Sefydlog 22.9 (15 munud)

Dydd Mercher 20 Tachwedd 2024 –

• Dadl ar Gynnig Deddfwriaethol gan Aelod (30 munud)
• Cynnig i gymeradwyo Cyllideb Comisiwn y Senedd ar gyfer 2025-26 (30 munud)
• Amser a neilltuwyd i Blaid Cymru (60 munud)
• Dadl Fer: Gareth Davies (Dyffryn Clwyd) (30 munud)

Cytunodd y Pwyllgor Busnes ar ddyddiad terfynol i bwyllgorau gyflwyno adroddiad ar egwyddorion cyffredinol y Bil Deddfwriaeth (Gweithdrefn, Cyhoeddi a Diddymiadau) (Cymru), sef 14 Chwefror 2025, a dyddiad terfynol ar gyfer cwblhau trafodion Cyfnod 2, sef 4 Ebrill 2025.

Cytunodd y Pwyllgor Busnes y caiff y Pwyllgor Deddfwriaeth, Cyfiawnder a’r Cyfansoddiad ddechrau ei gyfarfod ar 4 Tachwedd am 11am, y tu allan i’w slot arferol.

Trafododd y Pwyllgor Busnes opsiynau o ran amserlennu, natur a strwythur cyfnod treialu posibl ar gyfer dadl ffurf hirach achlysurol yn ystod amser Busnes y Senedd yn ystod 2025.

Cytunodd y Pwyllgor Busnes i ymgynghori â’r Aelodau o’r Senedd a wnaeth y cynnig gwreiddiol a grwpiau’r pleidiau ar ddull gweithredu arfaethedig ar gyfer y cyfnod treialu, ar y sail a ganlyn:

• tair dadl, a drefnir bob tymor yn ystod 2025, gan ddechrau yn nhymor y gwanwyn;
• trefnu 120 munud ar gyfer y dadleuon, yn bennaf yn lle cyfle ar gyfer un ddadl Aelod ac un Ddadl Fer ar amserlen busnes y Senedd, gyda rhywfaint o hyblygrwydd o ran dadleuon pwyllgor os yw hynny’n briodol;
• dylai dadleuon gael eu cynnal ar sail pynciau, nid cynigion, ac felly ni fyddai gwelliannau na phleidlais;
• byddai’r Aelodau’n cael eu gwahodd i gynnig pynciau posibl i’w dewis gan y Pwyllgor Busnes;
• dylid hwyluso cyfleoedd i’r Aelodau gyfrannu fwy nag unwaith, a byddai ymyriadau hefyd yn cael eu hannog;
• yr Aelod(au) a gyflwynodd y cynnig yn wreiddiol fyddai’n agor ac yn cloi’r ddadl, heb unrhyw amodau pellach ar drefn y siaradwyr;
• byddai Aelodau o’r Llywodraeth yn gallu cyfrannu, ond nid ar ffurf ymateb.