Agenda a Chofnodion

Croesawodd y Llywydd yr Aelodau i’r cyfarfod. Cafwyd ymddiheuriadau gan Jane Dodds.

Cytunwyd ar gofnodion y cyfarfod blaenorol i’w cyhoeddi.

Rhoddodd y Trefnydd wybod i’r Rheolwyr Busnes am y newidiadau a ganlyn i agenda dydd Mawrth:

·       Datganiad gan Ysgrifennydd y Cabinet dros Addysg: Addysg Gymraeg drwy drochi hwyr (45 munud)  Gohiriwyd tan 8 Hydref 

·       Datganiad gan Ysgrifennydd y Cabinet dros yr Economi, Ynni a Chynllunio: Tata Steel (45 munud)  

·       Ni fydd Cyfnod Pleidleisio.

·       Nid yw'r Cyfarfod Llawn yn debygol o fynd y tu hwnt i 6.30pm

Dydd Mercher

·       Caiff y Cyfnod Pleidleisio ei gynnal ar ôl y ddadl fer.  

Nid yw'r Cyfarfod Llawn yn debygol o fynd y tu hwnt i 7.10pm

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 8 Hydref 2024

·       Datganiad gan y Gweinidog Diwylliant, Sgiliau a Phartneriaeth Gymdeithasol: Partneriaeth gymdeithasol (45 munud)

·       Datganiad gan Ysgrifennydd y Cabinet dros Addysg: Addysg Gymraeg drwy drochi hwyr (45 munud) gohiriwyd o 1 Hydref

Dydd Mawrth 15 Hydref 2024

·       Datganiad gan y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig: Cyfleoedd economi gylchol a chanlyniadau Hotspot Economi Gylchol Cymru 2024 (45 munud)

·       Datganiad gan y Gweinidog Addysg Bellach ac Uwch: Addysg drydyddol (45 munud)

Gwnaeth Darren Millar gais am ddatganiad llafar ar newidiadau i wasanaethau o fewn Bwrdd Iechyd Prifysgol Hywel Dda. Gwnaeth Heledd Fychan hefyd gais am ddatganiadau llafar ar ganfyddiadau'r Comisiwn Cymunedau Cymraeg, ac ar gydweithredu trawsffiniol yn y GIG. Dywedodd y Trefnydd y byddai'n rhoi ystyriaeth i'r materion a godwyd.  

Cytunwyd ar y newidiadau a ganlyn i amserlen Busnes y Senedd ar gyfer y tair wythnos nesaf:  

Dydd Mercher 9 Hydref 2024 –

• Dadl ar Ddeiseb P-06-1474: Atal Cyfoeth Naturiol Cymru rhag cau canolfannau ymwelwyr Bwlch Nant yr Arian, Coed y Brenin ac Ynyslas (30 munud)

Dydd Mercher 23 Hydref 2024 –

·      Dadl Aelodau o dan Reol Sefydlog 11.21(iv) Julie Morgan AS (Gogledd Caerdydd) 60 munud)

·      Dadl ar y cyd ar adroddiadau Pwyllgorau ynghylch y Cynllun Ffermio Cynaliadwy a Cyswllt Ffermio (90 munud)

·      Dadl ar adroddiad y Pwyllgor Deisebau: Cymdeithas heb arian parod? P–06-1335 Dylai Llywodraeth Cymru gymryd camau i sicrhau y gall oedolion agored i niwed heb gerdyn banc dalu ag arian parod (30 munud)

• Amser a neilltuwyd i Blaid Cymru (60 munud)
• Dadl Fer: Janet Finch-Saunders (Aberconwy) (30 munud)

Nododd y Pwyllgor Busnes yr amser gorffen amcangyfrifedig o tua 20.10 ar gyfer y Cyfarfod Llawn ar 23 Hydref.

Cytunodd y Pwyllgor Busnes i gyfeirio'r Memorandwm Cydsyniad Deddfwriaethol ar y Bil Hawliau Rhentwyr at y Pwyllgor Llywodraeth Leol a Thai a’r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 29 Tachwedd 2024.

Dychwelodd y Pwyllgor Busnes at ystyried y canllawiau cyfredol ar drafodion rhithwir a hybrid yn dilyn trafodaethau â’u grwpiau. Cytunodd y Pwyllgor Busnes y dylid diwygio'r canllawiau'n ymwneud â'r lleoliadau lle y gall Aelodau ymuno â thrafodion, i nodi na fyddai Aelodau'n gallu cyfrannu tra byddant mewn cerbyd nac yn defnyddio trafnidiaeth gyhoeddus. Cytunodd y Rheolwyr Busnes hefyd y dylid disgwyl i Aelodau sy'n bresennol yn rhithiol gadw at yr un safonau ymddygiad a chwrteisi â'r rhai sy'n bresennol yn y Siambr.

Cytunodd y Pwyllgor Busnes i dreialu cyflwyno system lle byddai'n ofynnol i Aelodau sy'n dymuno pleidleisio o bell yn y Cyfarfod Llawn hysbysu'r Llywydd ymlaen llaw.

Nododd y Rheolwyr Busnes y bydd newidiadau drafft i'r canllawiau, gan gynnwys y rhai a gynigiwyd gan Fforwm y Cadeiryddion ynghylch trafodion pwyllgorau, a chynigion yn ymwneud â'r trefniadau ar gyfer treialu hysbysiad ymlaen llaw o fwriad i bleidleisio o bell, yn cael eu cyflwyno mewn cyfarfod yn y dyfodol.

Cyflwynodd y Dirprwy Lywydd gynnig ar gyfer sefydlu pwyllgor newydd i ystyried ffyrdd o weithio yn y dyfodol a pharatoadau ar gyfer y Seithfed Senedd.

Cytunodd y Pwyllgor Busnes mewn egwyddor i gynnig i'r Senedd y dylid sefydlu pwyllgor, gyda'r trefniadau a ganlyn:

o   dylai'r Pwyllgor gael ei gadeirio gan y Dirprwy Lywydd mewn rôl sydd heb bleidlais (ac eithrio mewn achos pan fydd angen pleidlais fwrw);

o   dylai fod gan y pwyllgor bedwar aelod (dau yn cynrychioli Llafur Cymru, un yn cynrychioli'r Ceidwadwyr Cymreig, ac un yn cynrychioli Plaid Cymru);

o   o'r ddau le a ddyrennir i grŵp Llafur Cymru, dylai aelod o'r llywodraeth lenwi un, ac un lle gael ei lenwi gan aelod mainc gefn, yn cynrychioli'r grŵp Llafur;

o   gall cadeirydd y pwyllgor ystyried gwahodd Jane Dodds AS a Rhys ab Owen AS i gymryd rhan yng ngwaith y pwyllgor yn unol â Rheol Sefydlog 17.49, neu ddarparu tystiolaeth i lywio'r gwaith hwnnw;

o   cadeirydd y Pwyllgor i ystyried trefniadau ar gyfer galluogi pob aelod o'r pwyllgor i gael un person i fod yn bresennol yng nghyfarfodydd y pwyllgor mewn rôl gefnogol.

Mynegodd y Rheolwyr Busnes gefnogaeth mewn egwyddor i feysydd eang posibl gael eu cynnwys o fewn cylch gwaith y pwyllgor ac i hyn gael ei ddatblygu ymhellach fel rhan o gynnig i'r Senedd.