Agenda a Chofnodion

Croesawodd y Llywydd yr Aelodau i’r cyfarfod.

Cytunwyd ar gofnodion y cyfarfod blaenorol i’w cyhoeddi.

Dydd Mawrth

Rhoddodd y Trefnydd wybod i’r Rheolwyr Busnes am y newid a ganlyn:

·       Cyfnod 3 y Bil Cyllid Llywodraeth Leol (Cymru) (180 120 munud)

·       Cynhelir y Cyfnod Pleidleisio cyn trafodion Cyfnod 3.

·       Nid yw'r Cyfarfod Llawn yn debygol o fynd y tu hwnt i 6.30pm

Dywedodd y Llywydd wrth y Rheolwyr Busnes y bydd toriad o 10 munud yn cael ei gymryd rhwng y Cyfnod Pleidleisio a thrafodion Cyfnod 3.

Dydd Mercher

·       Caiff y Cyfnod Pleidleisio ei gynnal ar ôl y ddadl fer.  

·       Nid yw'r Cyfarfod Llawn yn debygol o fynd y tu hwnt i 6.40pm

Rhoddodd y Trefnydd wybod i’r Rheolwyr Busnes nad oes unrhyw newidiadau wedi’u gwneud i amserlen Busnes y Llywodraeth ar gyfer y tair wythnos nesaf.

Cytunwyd ar yr ychwanegiadau a ganlyn i amserlen Busnes y Senedd ar gyfer y tair wythnos nesaf: 

Dydd Mercher 17 Gorffennaf 2024 -

• Cynnig o dan Reol Sefydlog 26.17(iii) mewn perthynas â Bil Senedd Cymru (Rhestrau Ymgeiswyr Etholiadol) (5 munud) - fel y cytunwyd isod

Dydd Mercher 18 Medi 2024 -

• Ddadl ar Ddeiseb P-06-1455 Amddiffyn adrannau iau Coleg Brenhinol Cerdd a Drama Cymru rhag cael eu cau (30 munud) - fel y cytunwyd isod

Dydd Mercher 25 Medi 2024 -

• Dadl ar adroddiad y Pwyllgor Newid Hinsawdd, yr Amgylchedd a Seilwaith - Cyfoeth Naturiol Cymru - Gwaith Craffu Blynyddol 2023-24 (60 munud)
• Amser a neilltuwyd i’r Ceidwadwyr Cymreig (60 munud)
• Amser a neilltuwyd i Blaid Cymru (60 munud)
• Dadl fer (30 munud)

Nododd y Pwyllgor Busnes yr ymateb gan y Pwyllgor a chytunodd ar yr amserlen arfaethedig ar gyfer craffu ar Fil y Gymraeg ac Addysg (Cymru).

Trafododd y Pwyllgor Busnes amserlen ddiwygiedig a gyflwynwyd gan y Trefnydd a:

·       chytuno ar y terfyn amser diwygiedig ar gyfer Cyfnod 2, sef 4 Hydref 2024;

·       nodi y cytunwyd mewn egwyddor yn flaenorol i gyflwyno cynnig bod trafodion Cyfnod 2 yn cael eu cyfeirio at Bwyllgor o’r Senedd Gyfan;

·       cytuno i roi effaith i'r penderfyniad hwnnw drwy gyflwyno cynnig o dan Reol Sefydlog 26.17(iii) i'w drafod ar 17 Gorffennaf 2024, yn amodol ar yr egwyddorion cyffredinol yn cael eu cytuno ar 16 Gorffennaf; a

·       chytuno y cynhelir trafodion Cyfnod 2 ar ôl y Cyfarfod Llawn ar 1 Hydref 2024.

·       yn ddarostyngedig i'r uchod, cytuno i ddyrannu slot cyfarfod i Bwyllgor o’r Senedd Gyfan at ddibenion trafodion Cyfnod 2 ar ôl y Cyfarfod Llawn ar 1 Hydref 2024.

Trafododd y Pwyllgor Busnes amserlen y Gyllideb Ddrafft ar gyfer 2025-26 ac, yn unol â Rheol Sefydlog 20.4, cytunodd i ysgrifennu at y Pwyllgor Cyllid er mwyn ymgynghori â’r pwyllgor ar yr amserlen arfaethedig.

Trafododd y Pwyllgor Busnes y cais a chytunodd i drefnu dadl ar ddeiseb P-06-1455 Amddiffyn adrannau iau Coleg Brenhinol Cerdd a Drama Cymru rhag cael eu cau ar 18 Medi 2024.

Trafododd y Pwyllgor Busnes yr ymatebion a’r awgrymiadau a gafwyd gan y pwyllgorau, a chytunwyd i drosglwyddo cyfrifoldeb am graffu ar borthladdoedd rhydd a’r economi gylchol o gylch gorchwyl Pwyllgor Newid Hinsawdd, yr Amgylchedd a Seilwaith (CCEI) i gylch gorchwyl Pwyllgor yr Economi, Masnach a Materion Gwledig (ETRA).

Cytunodd y Pwyllgor Busnes hefyd i gynnig bod cadeiryddion y pwyllgorau hyn, a’r Pwyllgor Llywodraeth Leol a Thai (LGH) yn trafod yn anffurfiol ffyrdd y gallent gydgysylltu ymhellach y gwaith craffu gweinidogol rhwng eu pwyllgorau, ac yn arbennig yn ystod gwaith craffu ar y gyllideb.

Cadarnhaodd y Pwyllgor Busnes y dyddiadau ar gyfer toriad hanner tymor y gwanwyn a thoriad y Pasg 2025, a chytunwyd ar y dyddiadau dros dro ar gyfer hanner tymor y Sulgwyn a’r Haf 2025, fel y nodir isod:

* Dyddiadau dros dro i'w cadarnhau gan y Pwyllgor Busnes.

Cadarnhaodd y Pwyllgor Busnes y trefniadau ar gyfer cyflwyno busnes y Cyfarfod Llawn yn ystod toriad yr haf a chytunodd hefyd ar y trefniadau arferol ar gyfer cyflwyno Cwestiynau Ysgrifenedig.