Agenda a Chofnodion
Lleoliad: Video Conference via Zoom
Cyswllt: Graeme Francis
Rhif | Eitem |
---|---|
Cyflwyniadau, ymddiheuriadau a dirprwyon Cofnodion: Croesawodd y Llywydd yr Aelodau i’r cyfarfod. Anfonodd
David Rees a Jane Dodds eu hymddiheuriadau. |
|
Cofnodion y cyfarfod blaenorol Cofnodion: Cytunwyd ar gofnodion y cyfarfod blaenorol i’w cyhoeddi. |
|
Trefn Busnes |
|
Busnes yr wythnos hon Cofnodion: Dydd Mawrth ·
Caiff y Cyfnod Pleidleisio ei
gynnal fel yr eitem olaf o fusnes. ·
Nid yw'r Cyfarfod Llawn yn debygol
o fynd y tu hwnt i 6.10pm. Dydd
Mercher ·
Caiff y
Cyfnod Pleidleisio ei gynnal cyn y Ddadl Fer. ·
Nid yw'r Cyfarfod
Llawn yn debygol o fynd y tu hwnt i 6.40pm. Gofynnodd y
Llywydd i’r Rheolwyr Busnes sicrhau, os bydd yr Aelodau’n bresennol yn y Siambr
cyn ac ar ôl y toriad, y dylent barhau i ddefnyddio’r un sedd. Gofynnodd y
Llywydd i'r Rheolwyr Busnes atgoffa'r Aelodau o’r gofynion i ddatgan buddiannau
perthnasol, lle bo hynny’n briodol, cyn cyfrannu at y trafodion. Bydd y Swyddfa
Gyflwyno hefyd yn cyhoeddi nodyn i'r holl Aelodau. Dywedodd y
Llywydd wrth y Pwyllgor Busnes y bydd canlyniad balot cyntaf y Chweched Senedd
ar gyfer Bil Aelod yn cael ei gyhoeddi ar ddechrau’r Cyfarfod Llawn ddydd
Mercher. |
|
Amserlen busnes y Llywodraeth ar gyfer y tair wythnos nesaf Cofnodion: Tynnodd y
Trefnydd sylw'r Rheolwyr Busnes at y newidiadau a ganlyn: Dydd Mawrth
28 Medi 2021 - ·
Datganiad gan y Cwnsler Cyffredinol
a Gweinidog y Cyfansoddiad: Y Comisiwn Cyfansoddiadol (45 munud) - Gohiriwyd Dydd Mawrth
5 Hydref 2021 - ·
Datganiad gan y Gweinidog Iechyd a Gwasanaethau
Cymdeithasol: Diweddariad ar Fwrdd Iechyd Prifysgol Cwm Taf Morgannwg (45 mun) ·
Datganiad gan y Gweinidog
Cyfiawnder Cymdeithasol: Ymateb i Adroddiad y Pwyllgor Cyfrifon Cyhoeddus
‘Cyflawni ar gyfer Cenedlaethau'r Dyfodol: Y Stori Hyd yma’ (45 munud) ·
Dadl: Datganoli Pwerau Trethu
Newydd (60 munud) Gofynnodd y
Rheolwyr Busnes i’r Trefnydd drefnu cyfle i’r Aelodau drafod cyflwyno pasys
COVID a gofynnwyd pa mor aml y mae'r Llywodraeth yn bwriadu gwneud datganiadau
ar COVID yn y dyfodol. Dywedodd y Trefnydd y byddai’n ymgynghori â’r Gweinidog
Iechyd a Gwasanaethau Cymdeithasol ynghylch y materion hyn. |
|
Amserlen busnes y Senedd ar gyfer y tair wythnos nesaf Cofnodion: Cytunodd y
Pwyllgor Busnes i gynnwys yr eitemau o fusnes a ganlyn ar yr amserlen: Dydd
Mercher 13 Hydref – ·
Dadl Aelodau o dan Reol Sefydlog
11.21(iv) (60 munud) ·
Amser a neilltuwyd i Blaid Cymru
(60 munud) |
|
Dadl Aelodau - Dewis cynnig ar gyfer dadl Cofnodion: Cytunodd y
Pwyllgor Busnes i amserlennu’r cynnig canlynol i’w drafod ar 29 Medi: NNDM7773 Luke Fletcher Rhun ap
Iorwerth Paul Davies Janet
Finch-Saunders Jenny
Rathbone Jack
Sargeant Delyth
Jewell Altaf
Hussain Jane Dodds Rhys ab
Owen Peredur
Owen Griffiths Mabon ap
Gwynfor Sioned A
Williams Gareth L
Davies Cynnig bod y Senedd: 1. Yn nodi: a) effaith sylweddol pandemig COVID-19 ar bobl sy'n byw gyda dementia yng
Nghymru a phobl y mae dementia yn effeithio arnynt; b) pwysigrwydd gofalwyr di-dâl o ran sicrhau bod y system gofal
cymdeithasol yng Nghymru yn gallu gweithredu yn ystod y pandemig. 2. Yn nodi ymhellach yr angen am
ddiagnosis cywir o ddementia i ganiatáu i ofalwyr di-dâl, y systemau iechyd a
gofal cymdeithasol a chyrff a darparwyr gwasanaethau eraill gynllunio
gwasanaethau sy'n canolbwyntio ar yr unigolyn yn gywir, fel y nodir yn y
cynllun gweithredu cenedlaethol ar ddementia. 3. Yn galw ar Lywodraeth Cymru i: a) ariannu ymchwil i ddatblygu dulliau diagnostig cywir i sicrhau bod pobl
sy'n cael diagnosis o ddementia yn gallu cael y cymorth cywir ar unwaith ar ôl
cael diagnosis; b) ariannu cymorth ôl-ddiagnostig ar gyfer pob math o ddementia ledled
Cymru; c) sefydlu arsyllfa ddata dementia genedlaethol i sicrhau cywirdeb mewn
data dementia a chasglu, dadansoddi a lledaenu data ar ddementia i bob darparwr
gwasanaeth sy'n dymuno cael gafael ar ddata i helpu i gynllunio a darparu
gwasanaethau dementia ledled Cymru. Cynllun Gweithredu Cymru
ar gyfer Dementia 2018-22 |
|
Pwyllgorau |
|
Llythyr gan Gadeirydd y Pwyllgor Deisebau Cofnodion: Cytunodd y Pwyllgor
Busnes i drefnu’r ddadl ar y ddeiseb. |
|
Ceisiadau o ran amserlen pwyllgorau Cofnodion: Trafododd y
Pwyllgor Busnes geisiadau o ran amserlen gan nifer o bwyllgorau ac effaith yr
Agoriad Swyddogol ar fusnes y Senedd. Nododd y llythyrau gan y Pwyllgor Iechyd
a Gofal Cymdeithasol a’r Pwyllgor Diwylliant, Cyfathrebu, y Gymraeg, Chwaraeon
a Chysylltiadau Rhyngwladol, a chytunodd ar y camau gweithredu canlynol: ·
Pwyllgor Cyllid – cyfarfodydd
ychwanegol fore dydd Gwener 8 Hydref, bore dydd Llun 18 Hydref, bore dydd
Gwener 19 Tachwedd a bore dydd Mercher 22 Rhagfyr; ·
Pwyllgor
Plant, Pobl Ifanc, ac Addysg - cyfarfodydd ychwanegol fore dydd Llun 18 Hydref
a naill ai bore dydd Llun 13 Rhagfyr neu ddydd Gwener 17 Rhagfyr (bore a/neu
brynhawn); ·
Pwyllgor y Llywydd – cyfarfod ychwanegol
fore dydd Llun 11 Hydref; ·
Pwyllgor Cydraddoldeb a Chyfiawnder
Cymdeithasol – cyfarfod ychwanegol fore dydd Mercher 20 Hydref; ·
Pwyllgor Newid Hinsawdd, yr
Amgylchedd a Seilwaith – slot cyfarfod amgen fore dydd Mercher 20 Hydref; ·
Pwyllgor yr Economi, Masnach a
Materion Gwledig – slot cyfarfod amgen brynhawn dydd Llun 18 Hydref neu ddydd
Gwener 22 Hydref (bore a/neu brynhawn); ·
Pwyllgor Safonau – hyblygrwydd i
gwrdd fore dydd Mawrth os oes angen gwneud hynny er mwyn ystyried cwyn; a ·
Pwyllgor Deisebau - gofyn am symud
yn barhaol o slot fore Llun i slot brynhawn Llun. |
|
Pwyllgor Cyfrifon Cyhoeddus a Gweinyddiaeth Gyhoeddus a Deddf Llesiant Cenedlaethau’r Dyfodol (Cymru) 2015 Cofnodion: Cytunodd y
Pwyllgor Busnes ar ei ymateb i’r Pwyllgor Cyfrifon Cyhoeddus a Gweinyddiaeth
Gyhoeddus i nodi ei ddull o fynd i’r afael â’r argymhellion a wnaed gan
Bwyllgor Cyfrifon Cyhoeddus y Bumed Senedd.
|
|
Sefydlu pwyllgorau a’u cylchoedd gorchwyl |
|
Pwyllgorau'r Chweched Senedd - Pwyllgor Craffu ar Waith y Prif Weinidog Cofnodion: Cytunodd y
Pwyllgor Busnes y byddai’r chwe aelod yn cynnwys cadeiryddion pwyllgorau, i’w
henwebu gan y grwpiau (3 Llafur, 2 o’r Ceidwadwyr ac 1 Plaid
Cymru). Byddai’r Rheolwyr Busnes yn trafod cynigion ar gyfer aelodau
dirprwyol y pwyllgor gyda’u grwpiau, ac yn dychwelyd at y mater yn y cyfarfod
yr wythnos nesaf. |
|
Dyddiadau’r toriadau |
|
Dyddiadau ar gyfer toriadau'r Senedd 2021 - 2022 Cofnodion: Cadarnhaodd
y Rheolwyr Busnes y dyddiadau ar gyfer toriad hanner tymor yr hydref a thoriad
y Nadolig yn 2021, yn ogystal â hanner tymor y gwanwyn a thoriad y Pasg yn
2022, a chytunwyd ar y dyddiadau dros dro ar gyfer hanner tymor y Sulgwyn a
thoriad yr haf yn 2022. |
|
Unrhyw fater arall Trefniadau’r
Agoriad Swyddogol Trafododd y
Pwyllgor Busnes y trefniadau ar gyfer yr agoriad swyddogol a chytunodd i roi
adborth ar ôl ymgynghori â'u grwpiau. |