Agenda a Chofnodion

Dydd Mercher 27 Tachwedd

Papur 1 – Diweddariad

§  Croesawodd y Cadeirydd bawb i'r cyfarfod.

§  Cafodd y Bwrdd adborth o drafodaethau’r Cadeirydd ag Aelodau a rhanddeiliaid ar gyflogau’r Aelodau ar gyfer y Seithfed Senedd.

§  Bydd y Bwrdd yn trafod y materion hyn ymhellach yng nghyfarfod y Bwrdd ym mis Chwefror.

Papur 2 – Papur eglurhaol

Atodiad A – Llythyr gan y Pwyllgor Busnes

Atodiad B – Ymateb drafft i'r Pwyllgor Busnes 

§  Trafododd y Bwrdd ei ymateb i lythyr oddi wrth y Pwyllgor Busnes ynghylch ei ystyriaeth o rannu swyddi Cadeiryddion Pwyllgorau.

§  Cytunodd y Bwrdd ar ei ymateb yn amodol ar fân newid.

Penderfyniad:

§    Cytunodd y Bwrdd ar ei ymateb i’r Pwyllgor Busnes.

Thursday 28 November

Papur 3 – Cofnodion y cyfarfod a gynhaliwyd ar 17 Hydref

§    Croesawodd y Cadeirydd bawb i'r cyfarfod.

Penderfyniad:

§    Cytunodd y Bwrdd ar gofnodion y cyfarfod a gynhaliwyd ar 17 Hydref 2024.

Cam i’w gymryd: 

§    Yr Ysgrifenyddiaeth i gyhoeddi cofnodion y cyfarfod a gynhaliwyd ar 17 Hydref 2024.

PowerPoint Rhagolygon Economaidd

§    Cafodd y Bwrdd y wybodaeth ddiweddaraf am yr economi yn dilyn y newidiadau diweddaraf i gyfradd sylfaenol Banc Lloegr a Chyllideb yr Hydref Llywodraeth y DU.

Papur 4 – Adolygiad Blynyddol o’r Penderfyniad ar Dâl a Lwfansau’r Aelodau ar gyfer 2025-26

§    Trafododd y Bwrdd gyfres o gynigion ar yr ymgynghoriad sy’n rhan o’r Adolygiad Blynyddol o’r Penderfyniad ar gyfer 2025/26.

Penderfyniad

§    Cytunodd y Bwrdd ar y cynigion i’w cynnwys yn yr ymgynghoriad a bydd yn cytuno ar y ddogfen ymgynghori derfynol yn ei gyfarfod ym mis Rhagfyr cyn cyhoeddi’r ymgynghoriad ar 8 Ionawr 2025.

Papur 5 – Papur eglurhaol

Papur 5.1 – Colli swydd

Papur 5.2 – Diswyddo staff

Papur 5.3 – Aelodau o'r Teulu

§    Bu’r Bwrdd yn trafod nifer o faterion yn ymwneud ag adsefydlu a dirwyn materion i ben ar gyfer Aelodau a thaliadau diswyddo staff cymorth ar ddiwedd y Chweched Senedd.

§    Cytunodd y Bwrdd i gynnwys y materion hyn yn yr ymgynghoriad ar yr Adolygiad Blynyddol o’r Penderfyniad ar gyfer 2025/26.

Cyflwyniad PowerPoint

§    Cafodd y Bwrdd gyflwyniad gan y Gwasanaeth Ymchwil ar opsiynau ar gyfer mynegeio cyflogau’r Aelodau a’r Staff ar gyfer y Seithfed Senedd.

Papur 6 – Diweddariad ar yr adolygiad symleiddio

§    Cafodd y Bwrdd y wybodaeth ddiweddaraf am yr adolygiad symleiddio, gan gynnwys dwy bennod ddrafft 'enghreifftiol'.

§    Cymeradwyodd y Bwrdd y gwaith a wnaed hyd yma a’r penodau 'enghreifftiol' a ddarparwyd.

Penderfyniad:

§  Cytunodd y Bwrdd i ysgrifennu, maes o law, at y Prif Weithredwr ynghylch y dull arfaethedig o ymdrin â materion megis y prosesau ar gyfer gwneud hawliad ac apelio.

Papur 7 – Cyflwyniad gan Beamans ar y Fframwaith cyflogau a graddfeydd drafft

Papur 8 – Diweddariad ar adolygiad

Papur 8 - Atodiad - Cyllideb Staffio'r Aelod - Papur Tystiolaeth 

§    Cafodd y Bwrdd gyflwyniad gan Beamans ac ystyriodd y fframwaith graddio Teuluoedd Swyddi drafft.

§    Nodwyd y byddai cynrychiolwyr o blith yr Aelodau a staff yn profi’r fframwaith drafft ac y byddai’r Bwrdd yn trafod y mater ymhellach yn gynnar yn 2025 cyn ymgynghori ar y fframwaith cyflogau a graddfeydd newydd a lwfansau staffio yn y gwanwyn.

Penderfyniad:

§  Cytunodd y Bwrdd i ysgrifennu at y Prif Weithredwr ynghylch yr amserlen weithredu.

Papur 9 – Papur diweddaru (gan gynnwys diweddariad ar adroddiad y Gyllideb gan y tîm Cyllid a’r adolygiad chwarterol o gyllideb y Bwrdd)

§  Nododd y Bwrdd y diweddariadau ar amrywiol faterion sy'n berthnasol i'w waith a’i flaenraglen waith.