Agenda a Chofnodion

Papur 1 – Cofnodion y cyfarfod ar 26 Medi

Croesawodd y Cadeirydd bawb i’r cyfarfod.

Myfyriodd y Cadeirydd ar y cyfarfodydd a gynhaliwyd gyda'r Grwpiau Cynrychioliadol, y sesiynau Galw Heibio a gynhaliwyd â’r Aelodau, a’r cyfarfodydd a gynhaliwyd â’r Prif Weithredwr a’r Comisiwn.

Ar ddechrau’r cyfarfod, croesawodd y Cadeirydd Simon Hart, y Prif Swyddog Cyllid Dros Dro. Rhoddodd Simon y wybodaeth ddiweddaraf i'r Bwrdd am drafodaethau’r Comisiwn ar y gyllideb atodol.

Penderfyniad:

Cytunodd y Bwrdd ar gofnodion y cyfarfod a gynhaliwyd ar 26 Medi 2024.

Camau i’w cymryd:

Yr Ysgrifenyddiaeth i gyhoeddi cofnodion y cyfarfod a gynhaliwyd ar 26 Medi 2024.

Papur 2 – Ymgynghoriad drafft

Trafododd y Bwrdd eiriad a dull gweithredu’r ymgynghoriad, a chytunodd ar y materion hyn. Bydd yr ymgynghoriad yn canolbwyntio ar gynigion cychwynnol ynghylch y canlynol: llety dros nos, swyddfeydd etholaethol a chostau ymgysylltu, a chymorth i Grwpiau’r Senedd. Bydd yr ymgynghoriad yn cael ei gyhoeddi ar 25 Hydref, a bydd yn dod i ben ar 6 Rhagfyr. 

Camau i’w cymryd:

Yr Ysgrifenyddiaeth i baratoi'r ymgynghoriad i'w gyhoeddi a'i ddosbarthu.

Rhagolwg Economaidd (PowerPoint)

Papur 3 – Adolygiad Blynyddol o'r Penderfyniad ar gyfer 2025-26 

Cafodd y Bwrdd ddiweddariad llafar gan Martin Jennings (Pennaeth Uned Craffu Ariannol y Tîm Ymchwil) ar yr hinsawdd economaidd bresennol a’r rhagolygon, gan gynnwys dyfarniadau cyflog yn y sector cyhoeddus yng Nghymru. Trafododd y Bwrdd y goblygiadau posibl i'r Penderfyniad.

Cytunodd y Bwrdd ar gwmpas yr adolygiad blynyddol ar gyfer 2025/26, a’i ddull gweithredu ar gyfer yr ymgynghoriad.

Penderfyniad

Cytunodd y Bwrdd ar gwmpas yr adolygiad, a bydd yn cynnal trafodaethau pellach ar y mater yn y cyfarfod ym mis Tachwedd.

Papur 4 – Llythyr gan y Prif Weithredwr

Papur 4 - Atodiad

Trafododd y Bwrdd lythyr y Prif Weithredwr ynghylch y dehongliad o'r Penderfyniad. Roedd y Bwrdd yn cytuno â dehongliad y Comisiwn.

Penderfyniad:

Yr Ysgrifenyddiaeth i ddrafftio ymateb i'r Prif Weithredwr

Papur 5 – Pwyllgor Senedd yn y Dyfodol

Trafododd y Bwrdd y penderfyniad y mae’n ofynnol iddo ei wneud ar y cyflog ychwanegol sydd i'w dalu i Gadeirydd Pwyllgor Senedd y Dyfodol.

Nododd y Bwrdd fod Cadeirydd Pwyllgor Senedd y Dyfodol eisoes yn cael cyflog deiliad swydd ychwanegol, ac felly ni fydd yn cael ail gyflog ychwanegol. 

Penderfyniad:

Cytunodd y Bwrdd y dylai Cadeirydd Pwyllgor Senedd y Dyfodol gael ei dalu ar y gyfradd uwch.

Cytunodd y Bwrdd i ystyried, cyn y Seithfed Senedd, y cyfraddau uwch ac is o gyflog ychwanegol a delir i Gadeiryddion y Pwyllgorau, sef y cyfraddau y darperir ar eu cyfer ar hyn o bryd yn y Penderfyniad.

Yr Ysgrifenyddiaeth i ddrafftio llythyr at y Llywydd, mewn perthynas â phenderfyniad y Bwrdd ynghylch talu’r gyfradd uwch i Gadeirydd Pwyllgor Senedd y Dyfodol.

Papur 6 – Diweddariad

Nododd y Bwrdd y diweddariad a gafwyd gan dîm Diogelwch y Senedd.

Penderfyniad:

Cytunodd y Bwrdd i barhau i gael diweddariadau blynyddol gan y tîm Diogelwch.

Papur 7 – Papur diweddaru (gan gynnwys diweddariad ar adroddiad y Gyllideb gan y tîm Cyllid a’r adolygiad chwarterol o gyllideb y Bwrdd)

Nododd y Bwrdd y diweddariadau ar amrywiol faterion sy'n berthnasol i'w waith a’i flaenraglen waith.

Nododd y Bwrdd y gwaith a'r ymdrech a welwyd gan yr ysgrifenyddiaeth a'r tîm ehangach o ran hwyluso trafodaethau’r Bwrdd ar faterion, a nododd ei fod yn gwerthfawrogi hyn.

Camau i’w cymryd:

Yr Ysgrifenyddiaeth i drefnu cyfarfod terfynol y Bwrdd presennol ar 11 Medi 2025.

Unrhyw Fater Arall

Cadarnhaodd aelodau’r Bwrdd eu presenoldeb ar gyfer y cyfarfod nesaf a gynhelir ddydd Iau 28 Tachwedd 2024.

Roedd y Bwrdd am ddiolch i’r aelodau hynny o’r Ysgrifenyddiaeth sydd wedi gadael y tîm yn ddiweddar a diolch yn ffurfiol i Syr David Hanson, a ymddiswyddodd o'r Bwrdd yn ddiweddar.