Agenda a Chofnodion

Papur 1 – Cofnodion y cyfarfod a gynhaliwyd ar 2 Mawrth

­   Croesawodd y Cadeirydd bawb i'r cyfarfod. Ni chafwyd ymddiheuriadau.

­   Soniodd y Cadeirydd yn gryno am gyfarfodydd cadarnhaol Grŵp y Cynrychiolwyr a gynhaliwyd ar 14 Mawrth.

­   Cytunodd y Bwrdd i gynnal cyfarfodydd hybrid ym mis Mai a Gorffennaf.

­   Cadarnhaodd y Cadeirydd ddyddiad ar gyfer cyfarfod rhwng cyrff taliadau pedair deddfwrfa'r DU.

­   Cytunwyd ar gofnodion y cyfarfod ar 2 Mawrth.

Cam i’w gymryd:   

­   Cyhoeddi cofnodion y cyfarfod a gynhaliwyd ar 2 Mawrth.

Papur 2 – Llythyr y penderfyniad drafft

Papur 3 – Y Penderfyniad Diwygiedig

­   Cytunodd y Bwrdd ar Benderfyniad diwygiedig 2023-24 a'r llythyr sy’n cyd-fynd ag ef, ar yr amod y gwneir ychydig o newidiadau fel y’u nodwyd yn y cyfarfod.

­   Nododd y Bwrdd yr amserlen ar gyfer cyhoeddi’r Penderfyniad a chytunodd i gyhoeddi datganiad i'r wasg.

­   Diolchodd y Bwrdd i'r swyddogion am eu gwaith ar yr Adolygiad Blynyddol o'r Penderfyniad.

Cam i’w gymryd: 

­   Nodi yn yr ymateb i Brif Weithredwr y Senedd mai mater i'r Comisiwn yn hytrach na'r Bwrdd yw’r ymholiad a wnaed i’r Bwrdd gan Aelodau am gynyddu’r dyraniad o ran darpariaeth TGCh.

­   Yr ysgrifenyddiaeth i drefnu datganiad i'r wasg ynghyd â’r tîm cyfathrebu.

­   Yr ysgrifenyddiaeth i drefnu bod llythyrau at bawb a ymatebodd i'r ymgynghoriad ar yr Adolygiad Blynyddol o'r Penderfyniad yn cael eu clirio gan y Cadeirydd.

Gwahoddwyd Dr Rebecca Mckee i siarad am ei gwaith ymchwil ar fframweithiau staffio mewn deddfwrfeydd

Papur 4 – Trafodaeth ar y camau nesaf ar gyfer cam 2 a cham 3 o’r adolygiad, gydag amserlen.

­   Croesawodd y Bwrdd Dr Rebecca McKee i'r cyfarfod. Cyflwynodd Rebecca ganfyddiadau ei hymchwil ar fframweithiau staffio mewn gwahanol ddeddfwrfeydd. Roedd y prif feysydd trafod yn ymwneud â strwythur staffio, swyddi cysylltiedig, trosiant staff, recriwtio a chadw.

­   Cyflwynodd Mike Redhouse, sy’n arwain yr adolygiad hwn ar ran y Bwrdd, bapur yn ystyried camau nesaf yr adolygiad thematig o gymorth staffio.

­   Cytunodd y Bwrdd ar gwmpas ac amcanion yr adolygiad o gyflog a graddfeydd a chytunodd i gynnwys Staff Cymorth Grwpiau’r Pleidiau yn yr adolygiad. Un o flaenoriaethau cychwynnol yr adolygiad yw sefydlu’r sefyllfa o ran y farchnad a’i chymharu â deddfwrfeydd eraill a chyrff eraill yn y sector cyhoeddus.

­   Nododd y Bwrdd wybodaeth ychwanegol a fyddai’n helpu i lywio’r adolygiad, megis cyfraddau trosiant, cyfweliadau ymadael fel yr awgrymwyd yng nghyfarfodydd Grŵp y Cynrychiolwyr, a lefelau gwariant yr Aelodau o’u lwfans staffio.

­   Cytunodd y Bwrdd i swyddogion baratoi manyleb ar gyfer y gwaith ochr yn ochr â Thîm Caffael y Comisiwn.

­    

Cam i’w gymryd: 

­   Roedd y Bwrdd yn cwestiynu’r ffigur a roddwyd fel sail ar gyfer Lwfans Cymorth Staffio’r Aelodau yng ngwaith ymchwil Rebecca, sef 3.5 cyfwerth ag amser llawn. Y swyddogion i holi Rebecca am hyn a chywiro’r ffigur os bydd angen.

­   Rhoi'r wybodaeth ychwanegol y gofynnwyd amdani neu gyngor pellach i'r Bwrdd.

­   Diwygio’r cwmpas, yr amcanion a'r wybodaeth sydd ei hangen, yn unol â’r hyn a nodwyd uchod.

­   Cytunodd y Bwrdd i rannu rhagor o wybodaeth â Grwpiau’r Cynrychiolwyr am yr adolygiad sy'n cael ei gynnal.

Papur 5 – Camau nesaf gyda’r adolygiad symleiddio

Atodiad Papur 5 – Adroddiad Addas i’r Diben, 2011

­   Cyflwynodd Hugh Widdis, sy’n arwain yr adolygiad hwn ar ran y Bwrdd, y prif opsiynau strategol i'r Bwrdd.

­   Cytunodd y Bwrdd i fwrw ymlaen i flaenoriaethu lleihau rheolaethau segur a chynnal adolygiad o’r ffordd y mae’r Penderfyniad wedi cael ei ddrafftio.

­   Cytunodd y Bwrdd hefyd i ystyried unrhyw agweddau ar y system hawliadau cyfan ehangach y mae angen ei hadolygu mewn dull cydweithredol gyda'r Comisiwn.

­   Cytunodd y Bwrdd y byddai swyddogion yn llunio rhaglen o weithgarwch ac ymgysylltu ar gyfer yr adolygiad, ac yn rhannu gwybodaeth â Bwrdd Gweithredol Comisiwn y Senedd yn nodi'r amcanion ar gyfer yr adolygiad.

Papur 6 – Rhaglen waith strategol a chytunwyd ym mis Mawrth 2022

Trafodaeth – Diweddariad ar raglen waith strategol, amserlenni a llwybrau critigol ar gyfer adolygiadau y Bwrdd

­   Croesawodd y Bwrdd Dr Rebecca McKee i'r cyfarfod. Cyflwynodd Rebecca ganfyddiadau ei hymchwil ar fframweithiau staffio mewn gwahanol ddeddfwrfeydd. Roedd y prif feysydd trafod yn ymwneud â strwythur staffio, swyddi cysylltiedig, trosiant staff, recriwtio a chadw.

­   Cyflwynodd Mike Redhouse, sy’n arwain yr adolygiad hwn ar ran y Bwrdd, bapur yn ystyried camau nesaf yr adolygiad thematig o gymorth staffio.

­   Cytunodd y Bwrdd ar gwmpas ac amcanion yr adolygiad o gyflog a graddfeydd a chytunodd i gynnwys Staff Cymorth Grwpiau’r Pleidiau yn yr adolygiad. Un o flaenoriaethau cychwynnol yr adolygiad yw sefydlu’r sefyllfa o ran y farchnad a’i chymharu â deddfwrfeydd eraill a chyrff eraill yn y sector cyhoeddus.

­   Nododd y Bwrdd wybodaeth ychwanegol a fyddai’n helpu i lywio’r adolygiad, megis cyfraddau trosiant, cyfweliadau ymadael fel yr awgrymwyd yng nghyfarfodydd Grŵp y Cynrychiolwyr, a lefelau gwariant yr Aelodau o’u lwfans staffio.

­   Cytunodd y Bwrdd i swyddogion baratoi manyleb ar gyfer y gwaith ochr yn ochr â Thîm Caffael y Comisiwn.

Cam i’w gymryd: 

­   Roedd y Bwrdd yn cwestiynu’r ffigur a roddwyd fel sail ar gyfer Lwfans Cymorth Staffio’r Aelodau yng ngwaith ymchwil Rebecca, sef 3.5 cyfwerth ag amser llawn. Y swyddogion i holi Rebecca am hyn a chywiro’r ffigur os bydd angen.

­   Rhoi'r wybodaeth ychwanegol y gofynnwyd amdani neu gyngor pellach i'r Bwrdd.

­   Diwygio’r cwmpas, yr amcanion a'r wybodaeth sydd ei hangen, yn unol â’r hyn a nodwyd uchod.

­   Cytunodd y Bwrdd i rannu rhagor o wybodaeth â Grwpiau’r Cynrychiolwyr am yr adolygiad sy'n cael ei gynnal.

Papur 7 – Papur i’w nodi

­   Cytunodd y Bwrdd i newid y ddogfen o 'Bolisi Recriwtio' i 'Ganllawiau Recriwtio'. Nododd y Bwrdd y Canllawiau Recriwtio Staff Cymorth diwygiedig.

­   Nododd y Bwrdd newidiadau i'r canllawiau i adlewyrchu newidiadau diweddar i'r Penderfyniad, y Llawlyfr Cyflogaeth a'r Contract Safonedig.

Cam i’w gymryd: 

­   Gofynnodd y Bwrdd am ddiweddariad unwaith y bydd y canllawiau diwygiedig wedi eu cyhoeddi. 

Papur 8 – Ymateb y Bwrdd i argymhelliadau yr adolygiad

Atodiad Papur 8 – Adroddiad Terfynol ar Effeithiolrwydd y Bwrdd, 2023

­   Cytunodd y Bwrdd ar ei ymateb i'r adroddiad ar yr Adolygiad Canol Tymor o Effeithiolrwydd, yn amodol ar y newidiadau terfynol.

­   Trafododd y Bwrdd y drefn o ran cyflwyno a chyhoeddi'r adroddiad a'r ymateb iddo, a chytunodd i gyhoeddi'r ddau, ar wahân, ond ar yr un pryd ym mis Ebrill.

Cam i’w gymryd: 

­   Yr ysgrifenyddiaeth i wneud newidiadau terfynol i'w cymeradwyo gan y Cadeirydd.

­   Cytunodd y Bwrdd i e-bostio grwpiau cynrychioliadol i'w hysbysu yn fuan cyn cyhoeddi’r adroddiad.

Papur 9 – Papur diweddariad

Papur 10 – Llythyr gan y Pwyllgor Safonau Ymddygiad

­   Nododd y Bwrdd y papur diweddaru a’r flaenraglen waith.

­   Nododd y Bwrdd y diweddariad staffio a’r ffaith y byddai ymarfer recriwtio allanol yn dechrau cyn bo hir i ganfod Uwch-ymchwilydd ar gyfer yr ysgrifenyddiaeth.

­   Nododd y Bwrdd y diweddariad ar ddau Hawliad Treuliau Eithriadol a gyflwynwyd i'r Bwrdd yn flaenorol. Roedd un wedi dod i ben erbyn hyn a chytunodd y Bwrdd i adolygu'r llall ym mis Mehefin.

­   Nododd y Bwrdd lythyr oddi wrth y Pwyllgor Safonau Ymddygiad ynghylch y Rheolau ar gyfer Grwpiau Trawsbleidiol a chytunodd ar ymateb.

Cam i’w gymryd: 

­   Yr ysgrifenyddiaeth i wirio a yw'r taliad untro o £600 wedi'i gynnwys yn rhagolwg y Diweddariad Cyllid.

­   Yr ysgrifenyddiaeth i gyfarfod â'r Cadeirydd i drafod yr agenda ar gyfer cyfarfod mis Mai.

­   Cyhoeddi ymateb i lythyr y Pwyllgor Safonau Ymddygiad.