Agenda a Chofnodion
Lleoliad: Lleoliad Allanol. Cyfarwyddiadau
Cyswllt: Huw Gapper
Rhif | Eitem |
---|---|
Cyflwyniad y Cadeirydd (9:00 - 9:10) Papur 1 - Cofnodion y
cyfarfod a gynhaliwyd ar 8 Rhagfyr Cofnodion: -
Croesawodd y Cadeirydd bawb i’r cyfarfod. Ni
chafwyd ymddiheuriadau. -
Croesawodd y Cadeirydd Daniel Hurford fel sylwedydd
i’r cyfarfod. Bydd Daniel yn ymuno ag Ysgrifenyddiaeth y Bwrdd ddiwedd mis
Mawrth fel Clerc y Bwrdd, yn dilyn proses recriwtio a gynhaliwyd yr hydref
diwethaf. -
Cytunodd y Bwrdd i ysgrifennu llythyr o
gydymdeimlad at y Prif Weinidog. -
Rhoddodd y Cadeirydd ddiweddariad byr ar ei
chyfarfod diweddar gyda Phrif Weithredwr Comisiwn y Senedd, lle buont yn trafod
y materion cyfredol sy’n cael eu hystyried gan y Bwrdd. -
Nododd y Bwrdd fod IPSA yn arwain ar drefnu
cyfarfod rhwng cyrff taliadau pedair deddfwrfa y DU. Nododd holl aelodau'r
Bwrdd eu dymuniad i fynychu'r cyfarfod hwn, yn amodol ar argaeledd. -
Cytunwyd ar gofnodion y cyfarfod a gynhaliwyd
ar 8 Rhagfyr. |
|
Ffyrdd o Weithio (09:10-10:10) Cyflwyniad ar ganfyddiadau ymarfer ymgysylltu'r Aelodau
Papur 2- Trafodaeth ar
y camau nesaf ar gyfer cam 2 a cham 3 o'r adolygiad, gydag amserlen Cofnodion: -
Croesawodd y Bwrdd Joanna Adams, Pennaeth
Cyswllt Aelodau, i'r cyfarfod a diolchodd iddi am ei gwaith yn trefnu'r
cyfweliadau diweddar â’r Aelodau i drafod eu hoff ffyrdd o weithio. Rhoddodd
Siwan Davies y newyddion diweddaraf i'r Bwrdd am ymateb y Comisiwn i'r themâu
sy'n codi o'r gwaith hwn. Nodwyd bod y Comisiwn wedi cytuno i ymgysylltu a gweithio
gyda’r Bwrdd, tra’n parchu’r cylchoedd gwaith priodol, i adolygu’r gefnogaeth i
ffyrdd Aelodau o weithio yn y Seithfed Senedd, fel rhan o’i waith cynllunio ar
gyfer Diwygio’r Senedd. Bydd ymateb ffurfiol gan y Comisiwn i lythyr y Bwrdd
ynghylch sefydlu deialog yn ymwneud â chynllunio ar gyfer y Seithfed Senedd, yn
dilyn. -
Nododd y Bwrdd y cyflwyniad ar themâu a gododd
o'r gwaith ymgysylltu â’r Aelodau. Bydd y Bwrdd nawr yn ystyried pa newidiadau
i lwfansau sydd eu hangen i gael gwared ar rwystrau i gefnogi amrywiol ffyrdd
yr Aelodau o weithio yn ystod gweddill tymor y Chweched Senedd. Ar yr un pryd,
bydd y Bwrdd yn ymgysylltu â'r Comisiwn i ystyried sut y gall y Bwrdd a'r
Comisiwn gefnogi ffyrdd yr Aelodau o weithio yn y Seithfed Senedd, o fewn eu
cylchoedd gwaith priodol. |
|
Adolygiad symleiddio (10:10-10:40) Diweddariad llafar ar syniadau cychwynnol ar gyfer yr
adolygiad symleiddio. Cofnodion: -
Rhannodd Hugh Widdis, arweinydd y Bwrdd ar yr
adolygiad hwn, syniadau cychwynnol gyda'r Bwrdd ar gwmpas yr adolygiad hwn. -
Nododd y Bwrdd fod yr opsiynau dan ystyriaeth
yn cynnwys symleiddio geiriad y Penderfyniad yn unig neu adolygiad ehangach o'r
fframwaith rheoleiddio ar gyfer gwariant Aelodau. -
Cytunodd y Bwrdd i drafod cwmpas yr adolygiad
ymhellach yn ei gyfarfod ar 16 Mawrth. |
|
Adolygiad Canol Tymor o Effeithiolrwydd y Bwrdd (11:00-12:00) Papur 3 – Adroddiad drafft ar yr Adolygiad Canol Tymor Cofnodion: -
Croesawodd y Bwrdd Gareth Watts i'r cyfarfod.
Cyflwynodd Gareth ei adroddiad ar yr adolygiad ac argymhellion ar gyfer gwella.
-
Trafododd y Bwrdd bob argymhelliad yn ei dro a
chytunwyd i ystyried ei ymateb terfynol i'r argymhellion yn ei gyfarfod ar 16
Mawrth. Cytunodd y Bwrdd i gyhoeddi ei ymateb i'r argymhellion ochr yn ochr ag
adroddiad yr adolygiad, ym mis Ebrill. -
Cytunodd y
Bwrdd i rannu’r adroddiad â Phrif Weithredwr Comisiwn y Senedd gan fod rhai o’r
argymhellion sy’n deillio o’r adolygiad yn berthnasol i’r Comisiwn. |
|
Polisïau cyflogaeth gorfodol y Bwrdd (12:30 - 13:15) Papur 4 - Polisi
Recriwtio Cofnodion: -
Croesawodd y Bwrdd Lowri Weatherburn
(Uwch-bartner Busnes y Tîm Cymorth Busnes i Aelodau) i drafod newidiadau
arfaethedig i'r polisi recriwtio, y cyfeirir ato yn y Penderfyniad. -
Cytunodd y Bwrdd y dylid gwneud unrhyw newidiadau
i'r polisi recriwtio yn unol â nod strategol y Bwrdd o symleiddio'r rheolau
sy'n ymwneud â lwfansau Aelodau. -
Bydd Hugh Widdis, fel aelod arweiniol y Bwrdd
ar symleiddio, yn gweithio gyda swyddogion i ystyried ymhellach sut y gellid
diweddaru'r polisi recriwtio i adlewyrchu newidiadau diweddar i'r Penderfyniad,
y llawlyfr cyflogaeth a'r contract safonol ar gyfer Staff Cymorth yr Aelodau. |
|
Cynllun Cerbydau Trydan a Chynllun Pensiwn yr Aelodau (13:15-13:30) Papur 5 –
Cynlluniau Pensiwn yr Aelodau a Cherbydau Trydan (Saesneg yn unig) Cofnodion: -
Cytunodd y Bwrdd mewn egwyddor i wneud
newidiadau i Reolau Cynllun Pensiwn yr Aelodau i sicrhau na fydd cyfraniadau a
buddion pensiwn yr Aelodau yn cael eu lleihau o ganlyniad i brynu car drwy
Gynllun Aberthu Cyflog Cerbydau Trydan y Comisiwn. Mae'r
Bwrdd wedi ysgrifennu at y Bwrdd Pensiynau i ofyn am ei farn ar y newid
arfaethedig hwn i Reolau'r Cynllun Pensiwn. -
Caiff yr Aelodau wybod am y newidiadau drwy
gyhoeddiadau ar gyflwyno'r Cynllun Cerbydau Trydan. |
|
Diweddariad a'r Flaenraglen (13:30-13:45) Papur 6 - Diweddariad a’r flaenraglen waith Cofnodion: -
Nododd y Bwrdd y papur a’r flaenraglen waith
wedi’u diweddaru. -
Cafodd y Bwrdd y wybodaeth ddiweddaraf am
recriwtio i swyddi newydd yn Nhîm Clercio'r Bwrdd. -
Nododd y Bwrdd lythyr gan Aelod a gyfeiriwyd
at y Bwrdd a Phrif Weithredwr Comisiwn y Senedd a chytunwyd ar ei ymateb i'r
llythyr. |