Agenda a Chofnodion
Lleoliad: Video Conference via Zoom
Cyswllt: Aled Elwyn Jones
Rhif | Eitem |
---|---|
Cyflwyniadau, ymddiheuriadau a dirprwyon |
|
Cofnodion y cyfarfod blaenorol Cofnodion: Cytunodd y Pwyllgor ar gofnodion y cyfarfod
ar gyfer eu cyhoeddi. |
|
Trefn busnes |
|
Busnes yr wythnos hon Cofnodion: Adborth o
Gyfarfod Llawn yr wythnos diwethaf Gofynnodd y Llywydd i'r Rheolwr Busnes atgoffa'r Aelodau
o'r cyfyngiadau amser wrth siarad, ac i fod yn gryno. Cwestiynau
Amserol Cytunodd y
Pwyllgor Busnes y dylai Cwestiynau Amserol barhau i gael eu hamserlennu ar ôl
Datganiad y Prif Weinidog, ac y dylid gwneud unrhyw benderfyniad i symud
cwestiwn yn gynharach yn y sesiwn gyda chytundeb y Pwyllgor Busnes drwy e-bost. Trefn
siaradwyr ar ddatganiadau Cadarnhaodd
y Llywydd o ran datganiadau, y bydd y Ceidwadwyr yn cael eu galw gyntaf chwe
gwaith am bob pum gwaith y bydd Plaid Cymru yn cael ei galw gyntaf. Mae hyn yn
unol â'r dyraniad arferol a ddefnyddir o ran cwestiynau Arweinwyr a llefarwyr. Datganiad
a Chyhoeddiad Busnes Cytunodd y
Pwyllgor Busnes i barhau â'r arfer o beidio â chael unrhyw gwestiynau ar y
Datganiad a Chyhoeddiad Busnes. Galw yn ôl Gofynnodd
Sian Gwenllian am alw'r Senedd yn ôl bore yfory, er mwyn trafod rheoliadau
newydd Covid-19 sydd yn dod i rym yng Nghymru a Lloegr, a'r gwahaniaeth yn null
gweithredu'r ddwy lywodraeth. Nid oedd y Rheolwr Busnes eraill yn cytuno fod
angen galw'r Senedd yn ôl cyn y cyfarfod a drefnwyd ar gyfer dydd Mercher felly
barn y mwyafrif oedd yn erbyn y cynnig. |
|
Amserlen Busnes ar gyfer y tair wythnos nesaf Cofnodion: Tynodd y
Trefnydd sylw'r Rheolwyr Busnes at y ffaith y bydd Rheoliadau Diogelu Iechyd
(Cyfyngiadau Coronafeirws) (Cymru) (Diwygio) (Rhif 3) 2020 yn cael eu
hychwanegu at amserlen busnes y Llywodraeth ar gyfer dydd Mercher 20 Mai. Bydd
hyn yn eu galluogi i gael eu hystyried ar y cyd â Rheoliadau Diwygio Rhif 2
sydd eisoes wedi eu hamserlennu ar gyfer y diwrnod hwnnw. Cytunodd y
Pwyllgor Busnes y dylai'r Pwyllgor Deddfwriaeth, Cyfiawnder a'r Cyfansoddiad
adrodd yn ôl mewn pryd i'r ddwy gyfres o reoliadau gael eu trafod yr un pryd. Dydd
Mercher 3 Mehefin 2020 ·
Rheoliadau
Gwasanaethau Rheoleiddiedig (Darparwyr Gwasanaethau ac Unigolion Cyfrifol)
(Cymru) (Diwygio) (Coronafeirws) 2020 (15 munud) Cytunodd y
Pwyllgor i barhau i amserlennu Cwestiynau Amserol fel yr unig eitem o fusnes y
Senedd am y tair wythnos nesaf. |
|
Deddfwriaeth |
|
Bil Llywodraeth Leol ac Etholiadau (Cymru) Cofnodion: Cytunodd y
Pwyllgor Busnes i ymgynghori â'r Pwyllgor Cydraddoldeb, Llywodraeth Leol a
Chymunedau ar yr amserlen ddiwygiedig arfaethedig ar gyfer y Bil, a dychwelyd
at y mater ar ddyddiad arall. |
|
Memorandwm Cydsyniad Deddfwriaethol ar y Bil Ardrethu Annomestig (Toiledau Cyhoeddus). Cofnodion: Cytunodd y
Pwyllgor Busnes i gyfeirio'r Memorandwm Cydsyniad Deddfwriaethol ar y Bil
Ardrethu Annomestig (Toiledau Cyhoeddus) i Bwyllgor yr Economi, Seilwaith a
Sgiliau a'r Pwyllgor Deddfwriaeth, Cyfiawnder a'r Cyfansoddiad, a chytuno ar
ddyddiad cau ar gyfer adrodd ar ddyddiad arall. |
|
Y Cyfarfod Llawn |
|
Busnes y Cyfarfod Llawn a'r Argyfwng Covid-19 Cofnodion: Roedd
mwyafrif y Rheolwyr Busnes yn fodlon i'r Cyfarfod Llawn barhau i gael ei gynnal
ar ddydd Mercher am y tro. Roeddent yn cytuno hefyd pe bai'r busnes yn
cynyddu'n sylweddol - er enghraifft adroddiadau Pwyllgorau ar Covid-19 yn
ymwneud â chraffu - byddai angen rhannu'r cyfarfod yn sesiynau bore a
phrynhawn. Cytunodd y
Rheolwyr Busnes i gynyddu'r gymhareb o nifer yr Aelodau Llafur (gan gynnwys
Gweinidogion), y Ceidwadwyr Cymreig, Plaid Cymru a Phlaid Brexit i 16, 8, 7 a 3
o'r wythnos hon, gyda'r posibilrwydd o gynyddu nifer yr Aelodau i'r 60 llawn ar
ôl yr hanner tymor. Trafododd
y Rheolwyr Busnes weddill yr elfennau ar y papur a chytuno i drafod gyda'u
grwpiau a dychwelyd at y mater wythnos nesaf, gyda'r bwriad o wneud newidiadau
ar ôl yr hanner tymor. Awgrymodd
Darren Millar greu pwyllgor ar wahân i ganolbwyntio ar Covid-19, fel yr
argymhellwyd mewn llythyr gan Arweinydd y Ceidwadwyr Cymreig at y Llywydd.
Gofynnodd y Llywydd i'r ysgrifenyddiaeth ddosbarthu llythyr at y Rheolwyr
Busnes y tu allan i'r pwyllgor, ac i grwpiau ystyried y cynnig ynghyd â'r papur
ar y Cyfarfod Llawn. |
|
Llythyr gan Gadeirydd y Pwyllgor Safonau Ymddygiad Cofnodion: Mae'r
Pwyllgor Busnes wedi cytuno i amserlennu dim ond dadleuon yn ymwneud â Covid-19
yn y tymor byr, a nododd y Rheolwyr Busnes hefyd nad yw Senedd Frys rithwir yn
gydnaws, ar hyn o bryd, â dadleuon a thrafodaethau ar faterion yn ymwneud â
Safonau. Er mai
mater i'r Pwyllgor Safonau Ymddygiad yw sancsiynau, nododd y Pwyllgor Busnes
hefyd efallai nad yw rhai o'r sancsiynau a restrir yn Rheol Sefydlog 22.10,
megis tynnu hawliau oddi ar Aelod o ran mynediad i ystâd y Senedd, yn briodol
yn yr amgylchedd seneddol rithwir. |
|
Pwyllgorau |
|
Amserlen y Pwyllgorau Cofnodion: Trafododd
y Pwyllgor Busnes yr amserlen, a chytuno arni. Cytunodd y Rheolwyr Busnes hefyd
y dylai amser pwyllgorau ar fore Mawrth fod rhwng 9.00am ac 11.00am er mwyn
caniatáu i gyfarfodydd grwpiau barhau i ddechrau am 11.00am. |