Cofnodion

Cytunodd y Pwyllgor ar y cofnodion ar gyfer eu cyhoeddi.

Dydd Mawrth

·         Caiff y Cyfnod Pleidleisio ei gynnal ar ôl yr eitem olaf o fusnes.

·         Ychwanegodd y Llywodraeth ddau ddatganiad at agenda dydd Mawrth:

-     Datganiad gan Gweinidog Plant a Gofal Cymdeithasol: Ymgynghoriad ar ddeddfwriaeth i ddileu'r amddiffyniad o gosb resymol (45 munud)

-     Datganiad gan y Cwnsler Cyffredinol: Cod Erlyn Llywodraeth Cymru (45 munud)

Dydd Mercher

·         Caiff y Cyfnod Pleidleisio ei gynnal cyn y Ddadl Fer.

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 31 Ionawr 2018 -

·         Dadl gan Aelod o dan Reol Sefydlog 11.21(iv) (60 munud)

·         Dadl ar adroddiad y Pwyllgor Deisebau ar Fynediad at Drafnidiaeth Gyhoeddus ar gyfer Pobl Anabl (60 munud)

·         Dadl ar adroddiad y Pwyllgor Plant, Pobl Ifanc ac Addysg ar ei adroddiad ar Iechyd Meddwl Amenedigol yng Nghymru (60 munud)

Dywedodd y Llywydd wrth y Rheolwyr Busnes y byddai'n croesawu Mandy Jones, yr Aelod Cynulliad newydd ar gyfer Gogledd Cymru, ar ddechrau Cyfarfod Llawn dydd Mawrth.

Cytunodd y Rheolwyr Busnes i ystyried yn y cyfarfod nesaf y cwestiwn ynghylch aelodaeth y Pwyllgor Materion Cyfansoddiadol a Deddfwriaethol yn dilyn ymddiswyddiad Nathan Gill.