Agenda a Chofnodion
Lleoliad: Video Confrence via Zoom
Cyswllt: Aled Elwyn Jones
Rhif | Eitem |
---|---|
Cyflwyniad, ymddiheuriadau a dirprwyon |
|
Cofnodion y cyfarfod blaenorol |
|
Trefn busnes |
|
Busnes yr Wythnos Hon Cofnodion: Rhoddodd y Trefnydd wybod i’r
Rheolwyr Busnes fod y llywodraeth wedi grwpio'r egwyddorion cyffredinol a'r penderfyniad
ariannol ar gyfer y Bil Llywodraeth Leol ac Etholiadau (Cymru) gyda'i gilydd
i'w trafod. Cytunodd y Pwyllgor Busnes y dylid
cynnal Cyfarfod Llawn ddydd Mercher yr wythnos nesaf, ac y dylai ddechrau am
1.30pm. Cytunodd y Rheolwyr Busnes hefyd y
dylid darlledu'r Cyfarfod Llawn nesaf yn fyw ac y dylid cael egwyl fer (tua 15
munud) cyn y ddadl Cyfnod 1 i ganiatáu egwyl fer, ac ar gyfer newid Aelodau os
oes angen. Gofynnodd y Llywydd i'r Rheolwyr Busnes fynd yn ôl at eu grwpiau i
drafod nifer eu Haelodau a fyddai'n cyfnewid yn ystod yr egwyliau hyn, gan
gynghori na ddylai fod yn fwy na hanner, ac os yn bosibl llawer llai na hynny. Gofynnodd y Llywydd hefyd i’r
Rheolwyr Busnes roi adborth i'w grwpiau y dylai ail siaradwyr ar eitemau addasu
eu cwestiynau er mwyn osgoi gofyn cwestiynau a ofynnwyd eisoes, fel y gall
cyfarfodydd rhithwir ddefnyddio amser yn fwy effeithlon. Cytunodd y Pwyllgor Busnes i barhau
â'r arfer o beidio gofyn unrhyw gwestiynau ynghylch y Datganiad a Chyhoeddiad
Busnes. Nifer yr Aelodau sy'n bresennol: Cytunodd y Rheolwyr Busnes y gallai
rhagor o Aelodau fod yn bresennol yn y Cyfarfod Llawn, o ystyried: nid yw
pellter cymdeithasol yn broblem bellach; dangoswyd bod y system TG yn
gweithio'n llwyddiannus yr wythnos diwethaf; a, bydd pleidleisiau yn cael eu
pwysoli. Cytunwyd i ddyblu'r dyraniad ar gyfer pob grŵp: 12 Llafur a’r
llywodraeth, 6 Ceidwadwr, 4 Plaid Cymru a 2 Plaid Brexit, gan roi uchafswm o 28
yn bresennol pe bai pob Aelod annibynnol yn mynychu. Cyfnod 1 o’r Bil Llywodraeth Leol
ac Etholiadau (Cymru) Nid oedd Darren Millar na Caroline
Jones yn credu bod y ddadl yn briodol o dan yr amgylchiadau presennol. Roedd
Sian Gwenllian yn hapus i'r ddadl gael ei chynnal er ei bod yn cydymdeimlo â'r
safbwyntiau a fynegwyd. Nododd y Rheolwyr Busnes, gan mai busnes y llywodraeth
yw hwn, mai mater i'r llywodraeth yn unig yw'r amserlennu a phwysleisiodd y
Trefnydd natur hanfodol y Bil o ran ei amseriad. Er mwyn caniatáu i'r tri chadeirydd
pwyllgor gael eu galw yn y ddadl Cyfnod 1, cytunodd y Trefnydd i'r cais gan y
Rheolwyr Busnes iddo gael ei ymestyn i'r hyd arferol o 60 munud. Rhoddodd y Llywydd wybod i’r
Rheolwyr Busnes y byddai pleidleisio’n digwydd drwy bwysoli pleidleisiau a
thrwy alw cofrestr yr Aelodau, a bydd angen i grwpiau plaid nodi ymlaen llaw pa
rai o'r Aelodau presennol fydd yn pleidleisio ar ran eu grŵp. Adborth o'r Cyfarfod Llawn rhithwir Roedd y Rheolwyr Busnes yn teimlo
bod y Cyfarfod Llawn rhithwir wedi mynd yn dda iawn, a chytunwyd i anfon
llythyr ffurfiol o ddiolch at holl staff y comisiwn a gymerodd ran. |
|
Amserlen Busnes y Llywodraeth ar gyfer y tair wythnos nesaf Cofnodion: Cytunodd y Rheolwyr Busnes y dylai'r Cyfarfod Llawn fod ar ddydd Mercher yn
y dyfodol. Cytunodd y Rheolwyr Busnes i ddynodi toriad yn
ffurfiol rhwng 9 Ebrill a 21 Ebrill. Byddai hyn yn caniatáu stopio’r cloc ar unrhyw
offerynnau statudol, a gellid defnyddio darpariaethau adalw pe bai busnes brys
yn y cyfamser. |
|
Deddfwriaeth |
|
Ymdrin ag Offerynnau Statudol Cofnodion: Trafododd y Rheolwyr Busnes y papur
a'r llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad.
Cytunwyd ar y broses a gynigiwyd yn y papur ar gyfer ystyried ac adrodd ar
Offerynnau Statudol. Cytunwyd hefyd i ysgrifennu at y
Pwyllgor Deddfwriaeth, Cyfiawnder a’r Cyfansoddiad i ddweud y bydd y Pwyllgor
Busnes yn ystyried gwaith pwyllgorau yn ehangach yn ei gyfarfod nesaf, ac y
bydd yn adolygu rôl y Pwyllgor hwnnw bryd hynny. |
|
Memorandwm Cydsyniad Deddfwriaethol: Y Bil Masnach Cofnodion: Cytunodd y Rheolwyr Busnes i ofyn i
swyddogion ddechrau edrych ar y Memorandwm Cydsyniad Deddfwriaethol, a
dychwelyd at y mater ymhen pythefnos i benderfynu a ddylid ei gyfeirio'n
ffurfiol at bwyllgor i graffu arno. |
|
Papur i'w nodi - Deddfwriaeth yng ngoleuni COVD-19 Cofnodion: Nododd y Rheolwyr Busnes y papur. |
|
Unrhyw Fater Arall Cofnodion: Gan y cynhelir cyfarfodydd rhithwir
y Pwyllgor Busnes a'r Cyfarfod Llawn yn llwyddiannus, gofynnodd y Rheolwyr
Busnes i swyddogion ddarparu papur i amlinellu'r busnes hanfodol sy'n debygol o
ddod i’r pwyllgorau. Bydd hyn yn caniatáu i'r Pwyllgor Busnes ystyried a allai
pwyllgorau gwrdd, ac ar ba ffurf, ar ôl y toriad. |