Agenda a Chofnodion
Lleoliad: Ystafell Gynadledda A - Tŷ Hywel. Cyfarwyddiadau
Cyswllt: Clerc y Bwrdd Taliadau
Amseriad disgwyliedig | Rhif | Eitem |
---|---|---|
(09.00 - 10.10) |
Cyflwyniad y Cadeirydd Cofnodion: 1.1.
Croesawodd y Cadeirydd aelodau'r Bwrdd i'r cyfarfod. 1.2.
Cytunodd y Bwrdd ar gofnodion y cyfarfodydd a gynhaliwyd ar 11 a 12
Gorffennaf 2017. 1.3.
Nododd y Bwrdd ei raglen waith ar gyfer gweddill 2017 a dyddiadau ei
gyfarfodydd hyd at fis Mawrth 2019. 1.4.
Nododd y Bwrdd: -
y gwaith a gyflawnwyd gan Ganolfan Llywodraethiant Cymru i gasglu data ar
gyfer yr ymchwil i'r hyn sy'n rhwystro pobl rhag sefyll i gael eu hethol i'r
Cynulliad, a'r hyn a fyddai'n eu cymell i wneud hynny; a'r -
wybodaeth ddiweddaraf am brisiad y terfyn uchaf ar gostau'r cyflogwr, a'r
lwfans blynyddol ar gyfer Cynllun Pensiwn yr Aelodau. 1.5.
Trafododd y Bwrdd y cynigion ar gyfer ei feicrowefan annibynnol ei hun, a
chytunodd arnynt, yn amodol ar rai mân newidiadau. Cytunodd y Bwrdd i adolygu'r
feicrowefan yn rheolaidd yn unol â'i strategaeth ymgysylltu ehangach. 1.6.
Trafododd y Bwrdd yr effaith wrth i Aelod adael grŵp gwleidyddol, gan
ailddatgan y penderfyniad a wnaeth ar 24 Mai 2017 y bydd y Lwfans Cymorth i
Bleidiau Gwleidyddol yn cael ei dyrannu i Aelodau annibynnol. 1.7.
Cytunodd y Bwrdd i ysgrifennu at bob Aelod nad yw wedi gweithredu'r camau
diogelwch a nodwyd yn dilyn yr adolygiad o'i swyddfa / swyddfeydd, i annog yr
Aelodau i sicrhau bod y gwaith perthnasol yn cael ei gwblhau. Ar yr un pwnc,
cytunodd y Bwrdd i ysgrifennu at yr Aelodau i gyd yn gofyn iddynt sicrhau y
cynhelir yr archwiliadau diogelwch perthnasol ar yr holl wirfoddolwyr sy'n
gweithio yn eu swyddfeydd. 1.8.
Trafododd y Bwrdd y goblygiadau ariannol os oes gan Aelodau fwy nag un
swyddfa, a chytunodd i ystyried y mater hwn yn y dyfodol. 1.9.
Trafododd y Bwrdd y darpariaethau ym maes dileu swyddi, a chytunodd i
drafod yn y dyfodol y trefniadau pan fo swyddi'n cael eu dileu wrth
ailstrwythuro swyddfeydd. 1.10. Trafododd y Bwrdd oblygiadau'r
trefniadau ariannu newydd arfaethedig ar gyfer system gweithiwr achos i'r
Aelodau, a chytunodd i ailedrych ar y mater wrth adolygu'r lwfans costau
swyddfa ar gyfer 2018-19. Camau gweithredu: Y Bwrdd i: -
ysgrifennu at Aelodau nad ydynt wedi gweithredu'r camau a nodwyd yn ystod
adolygiad diogelwch eu swyddfa; - ysgrifennu at yr Aelodau i gyd i
sicrhau y cynhelir yr archwiliad diogelwch perthnasol ar gyfer unrhyw
wirfoddolwyr yn eu swyddfeydd; ac -
ailedrych ar y materion a nodwyd uchod ar ddyddiadau perthnasol. Yr ysgrifenyddiaeth i gyhoeddi cofnodion y cyfarfodydd
a gynhaliwyd ar 11 a 12 Gorffennaf. |
|
(10.10 - 10.20) |
Eitem i'w thrafod: Cynllun Pensiwn Aelodau Cynulliad Cenedlaethol Cymru: Lwfans Blynyddol Cofnodion: 2.1.
Nododd y Bwrdd oblygiadau'r Lwfans Blynyddol sy'n lleihau'n raddol ar y
lefel y tâl a geir. 2.2.
Dywedodd Donna Davies, Pennaeth Pensiynau yn y Cynulliad, wrth y Bwrdd fod
Ieuan Wyn Jones (cyn Aelod Cynulliad dros Blaid Cymru) wedi'i enwebu i fod yn
un o gynrychiolwyr yr Aelodau ar y Bwrdd Pensiynau, yn lle Gareth Jones (cyn
Aelod Cynulliad dros Blaid Cymru). Cymeradwyodd y Bwrdd yr enwebiad. |
|
(10.30 - 12.00) |
Eitem i wneud penderfyniad yn ei chylch: Cytuno ar bapur cwmpasu ar gyfer yr adolygiad o strwythur gyrfa a thelerau ac amodau staff cymorth Aelodau’r Cynulliad. Cofnodion: 3.1.
Trafododd y Bwrdd y papur cwmpasu ar gyfer yr adolygiad. 3.2.
Er mwyn cyfrannu at y drafodaeth, rhannodd aelodau'r Bwrdd y themâu
allweddol a gododd yn eu trafodaethau â staff cymorth sy'n gweithio mewn
swyddfeydd etholaeth a swyddfeydd rhanbarthol, ac â Grwpiau Cynrychioli
Aelodau'r Cynulliad a staff cymorth Aelodau'r Cynulliad. 3.3.
Cytunodd y Bwrdd: - ar gylch gorchwyl yr adolygiad, yn
amodol rai mân newidiadau; - i ailenwi'r adolygiad yn 'Adolygiad
o'r cymorth staffio i'r Aelodau'; - ar strwythur a dull gweithredu'r
adolygiad, a'r amserlen a ragwelir ar ei gyfer; ac -
y gall fod angen ailedrych ar rai o argymhellion yr adolygiad wrth
baratoi'r Penderfyniad ar gyfer y Chweched Cynulliad, i adlewyrchu unrhyw
ddiwygiadau posibl i'r Cynulliad. Cam gweithredu: Yr ysgrifenyddiaeth i drefnu cam nesaf y gwaith casglu
data, er mwyn cyfrannu at yr adolygiad. |
|
(12.45 - 14.00) |
Eitem i'w thrafod: Cyfarfod Cadeirydd y Panel Arbenigol ar Ddiwygio Trefniadau Etholiadol y Cynulliad. Cofnodion: 4.1.
Croesawodd y Cadeirydd yr Athro Laura McAllister, Cadeirydd y Panel
Arbenigol ar Ddiwygio Trefniadau Etholiadol y Cynulliad, a Helen Finlayson,
Clerc y Panel, i'r cyfarfod. 4.2.
Rhoddodd yr Athro McAllister ddisgrifiad o waith y Panel, a allai fod yn
berthnasol i Benderfyniad y Bwrdd ar gyfer y Chweched Cynulliad. Cam gweithredu: Y Bwrdd i drafod goblygiadau adroddiad y Panel ac
unrhyw gynigion deddfwriaethol y gallai'r Comisiwn eu cyflwyno, o safbwynt
blaenraglen waith y Bwrdd. |
|
(14.00 - 14.20) |
Eitem i'w thrafod: Y broses ar gyfer treuliau a lwfans Aelodau'r Cynulliad: Y broses hawliadau, apeliadau ac achosion busnes Cofnodion: 5.1
Trafododd y Bwrdd y prosesau ar gyfer treuliau a lwfans Aelodau'r
Cynulliad, a chytunodd arnynt. |
|
(14.20 - 14.50) |
Eitem i wneud penderfyniad yn ei chylch: Arolwg ynglŷn ag effeithiolrwydd y Penderfyniad: Adroddiad Cofnodion: 6.1.
Trafododd y Bwrdd yr adroddiad ar ganlyniadau ei arolwg
diweddar i ba mor effeithiol yw'r Penderfyniad, a chytunodd i gyhoeddi crynodeb
o'r canlyniadau yn ei Adroddiad Blynyddol ar gyfer 2017-2018. 6.2.
Cytunodd y Bwrdd hefyd i gyhoeddi detholiad perthnasol
o'r canlyniadau pan fo'n briodol, fel tystiolaeth ar gyfer unrhyw argymhellion
y gall fod yn dymuno'u rhoi ar waith yn rhan o'i raglen waith ehangach. Cam gweithredu: Yr ysgrifenyddiaeth i baratoi crynodeb o'r canlyniadau
i'r Bwrdd eu trafod mewn pryd cyn cyhoeddi ei Adroddiad Blynyddol ym mis
Gorffennaf. |
|
Papur(au) i'w nodi Cofnodion: 7.1. Nododd y Bwrdd yr ohebiaeth gan
yr Arglwydd Bew, Cadeirydd y Pwyllgor ar Safonau mewn Bywyd Cyhoeddus. |