Agenda a Chofnodion
Lleoliad: Ystafell Gynhadledd 4B - Tŷ Hywel. Cyfarwyddiadau
Cyswllt: Sulafa Thomas
Rhif | Eitem |
---|---|
Cyflwyniad |
|
Cyflwyniadau ac ymddiheuriadau Cofnodion: Ni chafwyd ymddiheuriadau. |
|
Datgan buddiannau |
|
Cofnodion y cyfarfod blaenorol Cofnodion: Cytunwyd ar gofnodion
cyfarfod 19 Mehefin. |
|
Adroddiadau Blynyddol y Pwyllgor Archwilio a Sicrwydd Risg / y Pwyllgor Taliadau |
|
Adroddiad Blynyddol y Pwyllgor Archwilio a Sicrwydd Risg Cofnodion: Croesawyd Bob Evans,
Cadeirydd y Pwyllgor Archwilio a Sicrwydd Risg, i'r cyfarfod a chyflwynodd
Adroddiad Blynyddol y pwyllgor, gan amlinellu'r gwaith yr oedd y pwyllgor
wedi'i wneud yn y flwyddyn a chrynhoi ei ganfyddiadau a'i gasgliadau. Tynnodd sylw at y
newid mewn Cynghorwyr Annibynnol a oedd wedi digwydd yn ystod y flwyddyn, a
meysydd ffocws penodol yn ei adroddiadau. Y rhain oedd: bod cyfrifon y flwyddyn
flaenorol wedi mynd yn ddidrafferth, soffistigeiddrwydd cynyddol gwaith
cynllunio'r Comisiwn, yr heriau a fydd yn codi yn y dyfodol gyda maint y
newidiadau, y newidiadau o fewn Archwilio Mewnol a'r bygythiad seiberddiogelwch
sy'n esblygu'n barhaus. Nododd y Comisiynwyr y
byddai'r Adroddiad yn cael ei gyhoeddi ar dudalennau'r Pwyllgor ar wefan y
Senedd maes o law. Gofynnodd y Llywydd i
fater a godwyd gan Gomisiynydd yn ymwneud â gwybodaeth am ystyriaethau'r
Comisiwn fod yn destun trafodaeth bellach gyda'r Prif Weithredwr a'r Clerc. |
|
Adroddiad Blynyddol y Pwyllgor Taliadau Cofnodion: Nododd y Comisiynwyr Adroddiad y Pwyllgor Taliadau, a oedd yn amlinellu rôl
y Pwyllgor a'i ganfyddiadau a'i gasgliadau o'r gwaith yr oedd wedi'i wneud yn
ystod y flwyddyn, a chytunwyd ar yr addasiadau arfaethedig i'r Cylch Gorchwyl,
sef y gellid gofyn i aelodau'r pwyllgor:
rhoi adborth i'r
Pwyllgor ar faterion perthnasol o ran gweithlu’r Comisiwn lle maent wedi bod yn
rhan o’r mater. |
|
Fframwaith Adnoddau Tymor Canolig Drafft Cofnodion: Cafodd y Comisiwn ddiweddariad ar waith i
ddatblygu fframwaith cyllidebol a chynllunio'r gweithlu yn y tymor canolig.
Roedd hyn yn seiliedig ar egwyddorion a rhagdybiaethau cynllunio y cytunwyd
arnynt, i helpu i reoli'r pwysau sylweddol ar adnoddau yn y dyfodol i'r
Comisiwn. Cyflwynwyd cynigion cyllideb drafft 2024-25 iddynt hefyd, yn amodol
ar waith manylach cyn cyflwyno cynnig cyllideb derfynol yng nghyfarfod y
Comisiwn ym mis Medi. Nododd y Comisiynwyr gefndir a gyrwyr ar gyfer Fframwaith
Adnoddau Tymor Canolig, yn rhoi mwy o amlygrwydd i'r persbectif tymor hwy, gan
gydnabod nad yw'r broses graffu flynyddol ar y gyllideb yn newid. Nodwyd y
senarios cynllunio ariannol a’r adnoddau ychwanegol y byddai eu hangen ar bob
un dros y cyfnod 2024-25 i 2026-27. Y
dull cyffredinol o ymdrin â'r Fframwaith fyddai galluogi tryloywder ar gostau
rhaglenni mawr drwy ei wahanu oddi wrth adrodd costau gweithredol presennol y
Comisiwn a chyflwyno Targed Cynllunio Gweithlu blynyddol i gynnwys Ffactor
Effeithlonrwydd a bennir bob blwyddyn ar y lefel y bydd angen i gyfran o'r twf
gofynnol mewn sefydliad bob blwyddyn gael ei amsugno gan y sefydliad cyfredol
ar y pryd. Trafododd y Comisiynwyr awgrym i gynnwys Aelodau yn fwy
colegol yn y dull tymor canolig a hirdymor o bennu cyllideb a chynigiwyd i
ddeiliad portffolio'r Comisiwn ar gyfer y gyllideb a llywodraethu gael cynnig
bod yn rhan o weithgaredd i gefnogi hynny. Cytunodd y Comisiynywr y bydd swyddogion yn parhau i ddatblygu cynigion
cyllideb 2024-25, ar y cyd â’r Llywydd a’r Comisiynwyr, cyn cyflwyno cynnig
terfynol ar y gyllideb ddrafft i’r Comisiwn ym mis Medi. Bydd y gyllideb
ddrafft derfynol yn cael ei gosod yn unol â gofynion y Rheolau Sefydlog yn yr
hydref. |
|
Ffyrdd o Weithio - Diweddariad Bae 2032 Cofnodion: Cafodd y Comisiynwyr ddiweddariad ar y gwaith sydd ar y gweill
i ddatblygu'r opsiynau strategol ar gyfer llety yn y dyfodol fel rhan o
brosiect Bae 2032. Nodwyd y wybodaeth gefndir, y gwnaethant gais amdani, mewn
perthynas â chyfleoedd blaenorol o ran yr ystâd a ystyriwyd gan y Comisiwn a'i
ragflaenwyr. Nododd y Comisiynwyr y
diweddariad ac amserlenni ar gyfer dyfodol y prosiect (fel sy'n hysbus ar hyn o
bryd), gan gynnwys penderfyniadau a fydd yn ofynnol yn 2023-2024 a’r angen i
ymgysylltu ag Aelodau’n ehangach. |
|
Llythyr PCS Cofnodion: Cafodd y Comisiwn ei hysbysu am gais gan Ochr yr Undebau
Llafur y Senedd (Undeb PCS) i wneud taliad costau byw pellach i holl staff y
Comisiwn islaw graddau cyflog Cyfarwyddwr. Nododd y Comisiynwyr y
wybodaeth gefndir yn ymwneud â'r cais, cytunwyd ar gamau cychwynnol ac y
byddent yn cael gwybod am ddatblygiadau ac opsiynau cysylltiedig. |
|
Papurau i'w nodi: |
|
Cytundeb Lefel Gwasanaeth gyda Heddlu De Cymru Cofnodion: Cafodd y Comisiynwyr y
wybodaeth gefndir, y gofynnwyd amdani yn eu cyfarfod ym mis Mai, am gynnwys y
Cytundeb Lefel Gwasanaeth sydd ar waith rhwng y Comisiwn a Heddlu De Cymru, ac
esboniad o sut mae’r Cytundeb wedi datblygu i ymateb i dirwedd risg sy’n newid. |
|
Ffyrdd o Weithio - Diweddariad Swyddfa Gogledd Cymru Cofnodion: Nododd y Comisiynwyr y
diweddariad bod adleoli cyfleusterau a gwasanaethau Comisiwn y Senedd a
ddarperir yn swyddfa Bae Colwyn i swyddfa yn swyddfeydd Llywodraeth Cymru yn
Sarn Mynach (Cyffordd Llandudno) wedi’i gwblhau. |
|
Darparu Cynhyrchion Gofal Personol Cofnodion: Nododd y Comisiynwyr y
diweddariad ar ôl y chwe mis cyntaf o ddarparu cynhyrchion mislif am ddim yn yr
holl dai bach ar Ystâd y Senedd, yn dilyn cymeradwyaeth y Bwrdd Gweithredol o
gynnig gan Ochr yr Undebau Llafur. |
|
Prosiect Archif Cofnodion: Nododd y Comisiynwyr
gynnydd yn y broses o ddigideiddio recordiadau clyweledol o drafodion y
Cynulliad (fel yr oedd ar y pryd) rhwng 1999 a 2014. Cawsant wybod y byddai'r gwaith yn cael ei
gyflawni o dan gytundeb gyda Bow Tie. Trafododd y
Comisiynwyr oblygiadau archifau digidol i'r Aelodau fel deiliaid swyddi unigol,
ac awgrymwyd gofyn am gyngor ar ran yr Aelodau. |
|
Diweddariad y Bwrdd Gweithredol (penderfyniadau RAD) Cofnodion: Nododd y Comisiynwyr y
crynodeb o benderfyniadau recriwtio a ddarperir fel mater o drefn i bob
cyfarfod o'r Comisiwn. |
|
Unrhyw Fater Arall Cofnodion: Amcangyfrifon costau diwygio'r Senedd - Cafodd y Comisiynwyr ddiweddariad bod gwaith wedi'i
wneud ar ailbroffilio'r costau y cytunwyd arnynt yn flaenorol, a bod disgwyl i ohebiaeth
ddod i law dros yr haf cyn cyflwyno deddfwriaeth. Llythyr at y Llywydd gan y Bwrdd Taliadau - ymhellach i’r cytundeb i sefydlu mecanwaith ar gyfer
deialog am gefnogaeth i Aelodau yn y dyfodol, hysbyswyd y Comisiynwyr fod y
Llywydd wedi cael llythyr yn nodi meysydd o ddiddordeb i'r Bwrdd y mae’n eu
nodi a allai fod yn croesi ar draws gwasanaethau a ddarperir gan y Comisiwn.
Byddai'r llythyr yn cael ei rannu gyda Chomisiynwyr a darperir rhagor o
wybodaeth yn yr hydref. Dadl Fer - cytunwyd y byddai Comisiynydd
yn ymateb i'r Ddadl Fer a drefnwyd ar gyfer dydd Mercher 12 Gorffennaf. Ymgynghoriad o dan
3(b) Dirprwyo swyddogaethau Comisiwn y Senedd -
Ymgynghorodd y Clerc â’r Comisiynwyr, a oedd yn fodlon â mân newid arfaethedig
i delerau ac amodau swydd ar lefel cyfarwyddwr. Yn y cyfnod ers y
cyfarfod diwethaf roedd y Comisiynwyr wedi nodi llythyr at y Pwyllgor Cyllid ar
eu hadolygiad o'r datganiad o egwyddorion. Ar ôl cael ei benodi'n Gomisiynydd, rhoddodd Adam Price
AS wybod i Brif Ysgrifennydd y Comisiwn fod ei frawd yn gweithio i Gomisiwn y
Senedd. |