Agenda a Chofnodion
Lleoliad: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Carys Evans, 02920 89 8598
Rhif | Eitem |
---|---|
Cyflwyniad y Cadeirydd |
|
Cyflwyniad ac ymddiheuriadau Cofnodion: Roedd Angela Burns AC a David Melding AC wedi anfon eu hymddiheuriadau. |
|
Datganiadau o fuddiant Cofnodion: Ni chafwyd
datganiadau o fuddiant. |
|
Cofnodion y Cyfarfod Blaenorol papur 1 Dogfennau ategol: |
|
Adolygiad o Effeithiolrwydd Comisiwn y Cynulliad papur 2 Cofnodion: Yn unol ag arfer gorau llywodraethu corfforaethol ac
egwyddorion llywodraethu Comisiwn y Cynulliad, cafodd adolygiad o
effeithiolrwydd y Comisiwn ei gwblhau rhwng mis Ionawr a mis Ebrill 2014. Roedd
yn asesu'r cynnydd yn ôl yr argymhellion a wnaed yn yr adolygiad cyntaf, a
gyflwynwyd ym mis Ionawr 2013, ac yn nodi rhai o'r camau gweithredu ar gyfer y
dyfodol. Cynhaliwyd yr ymarfer gan Gareth Watts, Pennaeth Archwilio Mewnol y
Comisiwn. Canfu'r adolygiad fod y Comisiwn wedi parhau i wneud cynnydd.
Roedd y Comisiynwyr wedi dangos trosolwg effeithiol o brosiectau arwyddocaol
fel Dyfodol TGCh a'r prosiect Cyfieithu Peirianyddol. Roedd datblygu adnoddau
fel dangosyddion perfformiad allweddol wedi arwain at ffocws strategol gwell, a
mwy o atebolrwydd a thryloywder. Roedd Comisiynwyr unigol wedi dangos meistrolaeth gref ar eu
portffolios perthnasol, gan arwain y drafodaeth ar eu meysydd cyfrifoldeb a
meithrin cydberthnasau effeithiol gyda'r staff sy'n gweithio yn y meysydd hynny.
Fel aelodau o fwrdd llywodraethu, teimla'r Comisiynwyr y gallant edrych ar
faterion mewn ffordd gorfforaethol a rhoi eglurhad i'w grwpiau gwleidyddol a'r
cyhoedd o'r penderfyniadau a wnaed. Derbyniodd y Comisiynwyr y cynigion yn y papur, gan gynnwys datblygu
cynllun gweithredu ar gyfer rhoi argymhellion yr adroddiad ar waith. Teimlwyd
fod yr adolygiad wedi bod yn ymarfer gwerthfawr o ran nodi'r meysydd lle roedd
y Comisiwn wedi gweithio'n dda a nodi'r cyfleoedd ar gyfer y 12 mis sydd i
ddod. Cynhelir adolygiad pellach y flwyddyn nesaf. Diolchwyd i Gareth Watts am
gynnal yr adolygiad. |
|
Adroddiad Blynyddol ar Gydymffurfio â'r Cynllun Ieithoedd Swyddogol papur 3 Cofnodion: Yn unol â Deddf Cynulliad Cenedlaethol Cymru (Ieithoedd
Swyddogol) 2012 mae'n ofynnol i'r Comisiwn lunio Cynllun Ieithoedd Swyddogol.
Bob blwyddyn, mae'n rhaid i'r Comisiwn osod adroddiad gerbron y Cynulliad yn
nodi sut y mae wedi rhoi'r Cynllun ar waith yn ystod y flwyddyn adrodd.
Byddai'r adroddiad ar gyfer 2013-14 yn cael ei osod gerbron y Cynulliad i'w
drafod ar 16 Gorffennaf. Nododd y Comisiynwyr fod cynnydd da wedi'i wneud yn ystod y
flwyddyn a chymeradwywyd y staff am eu cyflawniadau yn y meysydd hyn, gan
gynnwys: - lansio Microsoft Translator; - datblygu ffyrdd gwahanol o gefnogi'r Aelodau gyda'u gwaith
pwyllgor; - hyfforddiant ymwybyddiaeth iaith i holl staff Comisiwn y Cynulliad; - y gwaith a wnaed gan gydgysylltwyr y Cynllun Ieithoedd
Swyddogol ym mhob maes gwasanaeth; a - chymorth gwell ar gyfer gwaith achos etholaethol dwyieithog
yr Aelodau. Cytunwyd ar y blaenoriaethau ar gyfer y flwyddyn sydd i ddod i sicrhau
arfer da ymhellach ym mhob rhan o'r sefydliad. Pwysleisiodd y Comisiynwyr
bwysigrwydd y Cynllun yn cefnogi'r nod o wneud y Cynulliad yn sefydliad
dwyieithog ac arwain y ffordd o ran datblygu gwasanaethau dwyieithog. Dylid
rhannu arfer gorau pan fo'n bosibl fel y gall eraill ddysgu o brofiad y
Cynulliad o gefnogi gweithlu dwyieithog. |
|
Y wybodaeth ddiweddaraf gan y Pwyllgor Archwilio a Sicrwydd Risg (cyfarfod 9 Mehefin) - ar lafar Cofnodion: Rhoddodd Claire Clancy grynodeb o
gyfarfod Pwyllgor Archwilio a Sicrwydd Risg Comisiwn y Cynulliad a gynhaliwyd
ar 9 Mehefin. Trafodwyd y materion a ganlyn:
- Yr adroddiad ar weithgarwch archwilio mewnol, gan gynnwys
gwybodaeth am lywodraethu a pharhad busnes; - Adroddiad a chyfrifon blynyddol y Pwyllgor; - Risgiau corfforaethol; - Dull y Comisiwn o ran rheoli rhaglenni. Byddai Cadeirydd y Pwyllgor yn mynd i gyfarfod y Comisiwn ym mis Gorffennaf
i gyflwyno Adroddiad Blynyddol y Pwyllgor. |
|
Unrhyw Fusnes Arall Diwygio polisi - ar lafar Cofnodion: Adolygodd y Comisiynwyr Bolisi Cadw Cofnodion y Comisiwn a
chytunwyd i ymdrin ag amgylchiadau pan fo effaith y cydymffurfiad â'r Polisi yn
afresymol ac yn anghymesur. Yr
Ysgrifenyddiaeth |