Agenda a Chofnodion
Lleoliad: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Carys Evans, 029 2089 8598
Rhif | Eitem |
---|---|
Cyflwyniad y Cadeirydd |
|
Cyflwyniad ac ymddiheuriadau |
|
Datganiadau o fuddiant Cofnodion: Nid oedd buddiannau i'w datgan. |
|
Cofnodion y Cyfarfod Blaenorol ·
Cofnodion y cyfarfod a gynhaliwyd ar 27 Medi 2012 - Papur 1a ·
Cofnodion y cyfarfod a
gynhaliwyd ar 12 Gorffennaf 2012 (diwygiwyd i'w cytuno) – Papur 1b Cofnodion: Cytunodd y Comisiynwyr ar
gofnodion 27 Medi a 22 Hydref. Cytunodd y Comisiynwyr i
ddiwygio cofnodion 12 Gorffennaf i gofnodi penderfyniad a wnaed yn y cyfarfod: Symudodd y Comisiwn i sesiwn breifat a chytuno ar gynnig gan y Prif Weithredwr ynghylch mater staffio cyfrinachol yn unol â'r Ddirprwyaeth. |
|
Adroddiad y Pwyllgor Cyllid ar gyllideb ddrafft y Comisiwn ar gyfer 2013-14 Papur 2 Cofnodion: Mae cyllideb 2013-14 y Comisiwn
yn nodi'r adnoddau ariannol sydd eu hangen i ddarparu gwaith Gwasanaethau'r
Cynulliad sy'n flaenoriaeth yn ogystal â'r gyllideb sydd ei hangen i ariannu
Penderfyniad y Bwrdd Taliadau ar gyfer Aelodau'r Cynulliad. Ers y cyfarfod diwethaf, mae cyllideb ddrafft 2013-14 y
Comisiwn wedi'i osod. Ymddangosodd Angela Burns AC, Claire Clancy a Steve
O'Donoghue gerbron y Pwyllgor Cyllid ar 3 Hydref ac roedd adroddiad y Pwyllgor
yn argymell: · Cyhoeddi dangosyddion perfformiad blynyddol; · Dim cynnydd i gyllidebau'r comisiwn ar ddiwedd y rhaglen fuddsoddi tair blynedd bresennol; · Mwy o fanylion am arbedion a buddsoddiadau. Cytunodd y Comisiynwyr ag argymhellion y Pwyllgor a
chytuno i osod y Gyllideb ar 7 Tachwedd. Mae'r ddadl yn y Cyfarfod Llawn ar y
gyllideb wedi'i threfnu ar gyfer 14 Tachwedd. Cytunwyd na fyddai'r papur yn cael ei gyhoeddi. Cam i'w gymryd: Swyddogion i osod dogfen cyllideb 2013-14 gerbron y Cynulliad ar 7 Tachwedd. |
|
Strategaeth Gwasanaethau TGCh yn y Dyfodol – Cyflwyniad gan Atos Papur 3 Cofnodion: Bydd Cytundeb Merlin, ar gyfer
darparu gwasanaethau TGCh i'r Cynulliad, yn dod i ben yn 2014. Mae'n ofynnol bod y Comisiwn yn hysbysu
Llywodraeth Cymru ac Atos o'i benderfyniad ynghylch darparu gwasanaethau TGCh
i'r Cynulliad yn y dyfodol erbyn mis Ebrill 2013. Ym mis Tachwedd 2011, cytunodd y Comisiwn i
asesu dau opsiwn: ymestyn cytundeb Merlin; neu symud at ddarpariaeth fewnol
gymysg. Roedd cynrychiolwyr o Atos yn y
cyfarfod i roi gwybodaeth i'r Comisiynwyr ar ddarpariaeth TGCh arfaethedig yn y
dyfodol. Cytunwyd na fyddai'r papur yn
cael ei gyhoeddi oherwydd natur fasnachol ei gynnwys. Gwnaeth y Comisiynwyr gais am ragor o gyfarfodydd i allu trafod darpariaeth gwasanaethau TGCh yn y dyfodol yn fanylach. Cynhelir y cyfarfodydd ar 12 Tachwedd a 3 Rhagfyr. |
|
Unrhyw Fusnes Arall Cofnodion: Nid oedd unrhyw fater arall. Yr Ysgrifenyddiaeth Tachwedd 2012 |