Agenda a Chofnodion
Lleoliad: Hybrid - Digital. Cyfarwyddiadau
Cyswllt: Sulafa Thomas
Rhif | Eitem |
---|---|
Cyflwyniad |
|
Cyflwyniad ac ymddiheuriadau Cofnodion: Ni ddaeth ymddiheuriadau i law ar gyfer y cyfarfod. |
|
Datgan buddiannau Cofnodion: Datganodd y Llywydd fuddiant (anariannol) mewn perthynas
ag Eitem 8, fel Cadeirydd Pwyllgor Gwaith Eisteddfod Genedlaethol 2022, a fydd
yn digwydd yn Nhregaron. |
|
Cofnodion y cyfarfod blaenorol Cofnodion: Cytunwyd ar gofnodion cyfarfod 14 Mawrth. |
|
Cyllideb Atodol 2022-23 Cofnodion: Cafodd y Comisiynwyr y wybodaeth ddiweddaraf am sefyllfa ariannol 2022-23.
Nodwyd y wybodaeth a ddarparwyd, a diweddariad llafar yn ymwneud â'r costau a nodwyd
i gefnogi'r gwaith o weinyddu'r Bwrdd Taliadau Annibynnol (y sbardunau sydd
wedi cynyddu llwyth gwaith y Bwrdd, a'i strategaeth ynghyd â'r rhaglen waith
amlinellol y mae wedi cytuno arni ar gyfer y Chweched Senedd). Gofynnodd y Comisiynwyr hefyd am i wybodaeth
ychwanegol gael ei pharatoi ar eu cyfer am y defnydd o'r 'car ar gyfer pawb' a
thrafodwyd annog defnyddio cerbyd trydan mewn cysylltiad â’r cerbyd hwnnw. Cytunodd y Comisiwn ar y Memorandwm Esboniadol er mwyn cyflwyno Cyllideb
Atodol i'w chynnwys yng nghynnig cyllideb cyntaf Llywodraeth Cymru ar gyfer
2022-23. Byddai hyn yn golygu cynnydd o £2.061 miliwn i’r Gyllideb a osodwyd ar
gyfer 2022-23, gyda chynnydd o £0.325 miliwn o ganlyniad i hynny yn y gofyniad
arian parod net. Ystyriodd y Comisiynwyr mai'r cam nesaf fyddai i'r Pwyllgor
Cyllid graffu ar y Memorandwm Esboniadol. Byddai'r newidiadau a nodir yn y Memorandwm Esboniadol yn ymwneud â: -
chynnydd o £1.736
miliwn yn y gyllideb gyffredinol, i adlewyrchu'r safon newydd - Safon Adrodd
Ariannol Ryngwladol (IFRS) 16 – Prydlesi, a ddaeth i rym ar 1 Ebrill 2022. Ni
fydd hyn yn cynyddu'r gofyniad arian parod net. -
newidiadau i’r
gyllideb a nodwyd ar gyfer Penderfyniad y Bwrdd Taliadau Annibynnol ar Gyflogau
a Lwfansau'r Aelodau. Nid yw newidiadau a gynigir i linellau'r gyllideb unigol
yn arwain at unrhyw gynnydd cyffredinol; -
cynnydd net o £150,000
yn y gyllideb gyffredinol a'r gofyniad arian parod net; yng ngoleuni'r costau i
gefnogi'r gwaith o weinyddu’r Bwrdd Taliadau Annibynnol (cynnydd o £218,000) a
Swyddfa'r Comisiynydd Safonau (gostyngiad o £68,000), (gyda thryloywder
ychwanegol ar y costau hyn yn y gyllideb hon ac mewn cyllidebau a osodir yn y
dyfodol); -
cynnydd o £175,000 yn
y gyllideb gyffredinol a'r gofyniad arian parod net, i adlewyrchu'r cynnydd
mewn cyfraniadau Yswiriant Gwladol cyflogwyr. Byddai'r Comisiynwyr
yn cael briff ysgrifenedig yn ymwneud â chefnogi’r gwaith o weinyddu'r Bwrdd
Taliadau Annibynnol, gyda gwybodaeth ychwanegol i'w chynnwys yn y llythyr y
cytunir arno at Gadeirydd y Pwyllgor Cyllid. |
|
Ffyrdd o weithio Cofnodion: Rhoddwyd diweddariad i’r Comisiynwyr am y cynnydd a wnaed o ran cyflawni
Cynllun Gweithredu Interim Ffyrdd o Weithio a materion a risgiau cysylltiedig. Cytunodd y Comisiynwyr y dylid gwneud gwaith paratoi a gweithgarwch
ymgysylltu rhesymol, fel y nodir yn yr adroddiad, i lywio penderfyniadau yn
ddiweddarach yn y flwyddyn, ac yna ar gyfer y tymor canolig i'r tymor hwy, mewn
perthynas â ffyrdd o weithio. Roeddent yn cefnogi'r bwriad i gynnal yr ymarfer ymgysylltu ehangach mewn
cydweithrediad â'r Bwrdd Taliadau Annibynnol. Nododd y Comisiynwyr
wybodaeth hefyd am y model amlinellol y cytunodd y Bwrdd Gweithredol arno o ran
rheoli’r ffordd y bydd staff y Comisiwn yn dychwelyd i'r ystâd. Roedd hwn yn
nodi egwyddorion trefnu presenoldeb yn seiliedig ar weithgareddau a
hierarchaeth o ran anghenion busnes. |
|
Cyllideb Ddrafft y Comisiwn 2023-24 Cofnodion: Ystyriodd y Comisiynwyr wybodaeth gefndir i lywio eu
syniadau ynghylch paratoi ar gyfer ei chyllideb ar gyfer 2023-24, a nodwyd y
pwysau sy'n debygol o gael effaith. Rhagwelir y cynhelir
ystyriaeth bellach ym mis Gorffennaf. Bydd y Gyllideb Ddrafft yn cael ei
chyflwyno i'r Comisiwn yn ei gyfarfod ym mis Medi. |
|
Gwasanaeth Darlledu yn y Dyfodol Cofnodion: Rhoddodd y Comisiynwyr
gymeradwyaeth i fwrw ymlaen â'r model a argymhellir ar gyfer darparu gwasanaeth
darlledu i’r Senedd yn y dyfodol, drwy fodel contract Darlledwr y Senedd tebyg
am debyg, am dymor o bum mlynedd. |
|
Fframwaith Achredu / Partneriaid Strategol Cofnodion: Roedd y Comisiynwyr wedi gofyn i waith gael ei wneud i ddatblygu fframwaith
achredu ar gyfer ceisiadau i lywio'r broses o wneud penderfyniadau. Trafododd a chymeradwyodd y Comisiynwyr fframwaith i'w
ddefnyddio gan Swyddogion y Comisiwn wrth benderfynu a ddylid cymeradwyo
sefydliad neu bartneru gyda sefydliad sy'n hyrwyddo achos (neu achosion)
penodol. Roedd eu cytundeb yn cynnwys: ·
bod yr holl wasanaethau a brynir yn parhau o dan bolisïau
caffael y Comisiwn; ac ·
egwyddor gyffredinol na ddylai'r Comisiwn gymeradwyo,
achredu na phartneru gydag, elusennau neu godwyr arian eraill oni bai bod hynny
yn unol â'r fframwaith. Roeddent yn cytuno mai’r eithriadau i'r egwyddor gyffredinol hon oedd Apêl
y Pabi a gweithgareddau ar raddfa fach fel casgliadau a gwerthiannau cacennau. Teimlai'r Comisiynwyr
y byddai'r fframwaith yn arf defnyddiol a gofynasant am gael gweld asesiad yn y
dyfodol o unrhyw cysylltiadau presennol pe na bai unrhyw rai yn bodloni
gofynion y fframwaith. |
|
Lefel Ddirprwyo'r Comisiwn Cofnodion: Cytunodd y Comisiynwyr
i gadw'r lefel ddirprwyo bresennol ar gyfer awdurdodi gwariant cyfalaf ar
brosiectau neu gontractau. |
|
Digwyddiadau'r haf Cofnodion: Nododd y Comisiynwyr gynlluniau ar gyfer dychwelyd i
Sioeau'r Haf am y tro cyntaf ers y pandemig a hynny wyneb yn wyneb. Byddai'r presenoldeb hwn yn un elfen o becyn ehangach o
weithgarwch ymgysylltu fel y nodwyd yn y Strategaeth Cyfathrebu ac Ymgysylltu y
cytunwyd arni. Nododd y Comisiynwyr
gynlluniau ar gyfer elfen ddigidol gryfach i ategu presenoldeb wyneb yn wyneb a
gofynnwyd am fathau eraill o weithgareddau a digwyddiadau mawr sy'n denu
niferoedd uchel ac a allai fod yn llwybr i ymgysylltu â gwahanol
gynulleidfaoedd. |
|
Papurau i'w nodi |
|
Cynllun Cyflawni Corfforaethol Cofnodion: Nododd y Comisiynwyr
Gynllun Cyflawni Corfforaethol 2022-23 y Comisiwn. |
|
Cofnodion ARAC (y Pwyllgor Archwilio a Sicrwydd Risg) 14 Chwefror Cofnodion: Nododd y Comisiynwyr y
diweddariad arferol ynghylch cyfarfodydd ARAC (y Pwyllgor Archwilio a Sicrwydd
Risg). |
|
Diweddariad y Bwrdd Gweithredol (penderfyniadau RAD) Cofnodion: Nododd y Comisiynwyr y
crynodeb o benderfyniadau recriwtio a ddarperir fel mater o drefn i bob
cyfarfod o'r Comisiwn. |
|
Unrhyw faterion eraill Cofnodion: Dim. |